ନୂଆଦିଲ୍ଲୀ,୧୦।୧:ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ତଥା କିମ୍ବଦନ୍ତୀ ଉଇକେଟ କିପର ବ୍ୟାଟ୍ସମ୍ୟାନ ମହେନ୍ଦ୍ର ସିଂ ଧୋନୀ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥାଇ ପାରନ୍ତି, କିନ୍ତୁ ତାଙ୍କ ପ୍ରଶଂସକଙ୍କ ହୃଦୟରେ ଏବେ ବି ସେ ରାଜ୍ କରୁଛନ୍ତି। ଆଇପିଏଲରେ ଚେନ୍ନାଇ ସୁପର କିଙ୍ଗ୍ସର ଅଧିନାୟକତ୍ୱ ଗ୍ରହଣ କରିଥିବା ଧୋନୀଙ୍କ ଏକ ପୁରୁଣା ଫଟୋ ରବିବାର କୋଲକାତା ନାଇଟ ରାଇଡର୍ସ (କେକେଆର୍) ଟୁଇଟରରେ ପୋଷ୍ଟ କରି ତାଙ୍କୁ ଟ୍ରୋଲ କରିବାକୁ ଚେଷ୍ଟା କରିଛି। ଧୋନୀଙ୍କ ଅନେକ ପ୍ରଶଂସକ ଏହା ଉପରେ ଫ୍ରାଞ୍ଚାଇଜ ଉପରେ ପ୍ରତିକ୍ରିୟା ଦେଇଥିଲେ। କେବଳ ଏତିକି ନୁହେଁ, ଭାରତୀୟ ଅଲରାଉଣ୍ଡର ରବିନ୍ଦ୍ର ଜାଡେଜା ମଧ୍ୟ ମୁହଁତୋଡ ଜବାବ ଦେଇଛନ୍ତି।
କେକେଆର୍ ୨ଟି ଫଟୋର ଏକ କୋଲାଜ ଫଟୋ ଶେୟାର କରିଛି। ଗୋଟିଏ ଫଟୋ ଇଂଲଣ୍ଠଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ଆଶେସ ସିରିଜର ଚତୁର୍ଥ ଟେଷ୍ଟ ମ୍ୟାଚ ହୋଇଥିବାବେଳେ ଅନ୍ୟ ଫଟୋଟି ପୁରୁଣା ଆଇପିଏଲ୍ ମ୍ୟାଚର। ସିଡନୀରେ ଅଷ୍ଟ୍ରେଲିଆ ଏବଂ ଇଂଲଣ୍ଡ ମଧ୍ୟରେ ସିରିଜର ଚତୁର୍ଥ ଟେଷ୍ଟ ମ୍ୟାଚ ଡ୍ରରେ ଶେଷ ହୋଇଥିଲା। ମ୍ୟାଚ୍ର ପଞ୍ଚମ ଦିନ ଅଷ୍ଟ୍ରେଲିଆର ଦ୍ୱିତୀୟ ଇନିଂସରେ ଅବଶିଷ୍ଟ ବ୍ୟାଟ୍ସମ୍ୟାନଙ୍କୁ ଆଉଟ୍ କରିବା ପାଇଁ ଅଷ୍ଟ୍ରେଲିଆ ନିଜର ସମସ୍ତ ଫିଲ୍ଡରଙ୍କୁ ଏକାଠି ରଖିଥିଲା। ଦ୍ୱିତୀୟ ଇନିଂସରେ ଇଂଲଣ୍ଡ ୯ ଉଇକେଟ ହରାଇଥିଲା କିନ୍ତୁ ଦିନର ଖେଳ ଶେଷ ହେତୁ ମ୍ୟାଚ ଡ୍ରରେ ଶେଷ ହୋଇଥିଲା। ଧୋନୀଙ୍କ ଏକ ଫଟୋ ମଧ୍ୟ ଅଛି। ସେତେେବେଳେ ପୁଣେର ଅଧିନାୟକତ୍ୱ ପରିଚାଳନା କରୁଥିଲେ ଏବଂ ବ୍ୟାଟିଂ ସମୟରେ କେକେଆର୍ ତାଙ୍କ ଫିଲ୍ଡରକୁ ନିକଟରେ ରଖିଥିଲେ। ଧୋନୀଙ୍କ ପ୍ରଶଂସକମାନେ ଏହି ତୁଳନାକୁ ପସନ୍ଦ କରି ନାହିଁ ଏବଂ ଏହି ପୋଷ୍ଟରେ ମନ୍ତବ୍ୟ ଦେବା ଆରମ୍ଭ କଲେ। ଏହି ପୋଷ୍ଟରେ ତାଙ୍କ କମେଣ୍ଟ ସହିତ ଜାଡେଜା ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। କେକେଆର୍ ଟ୍ରୋଲ କରି ଜଡୁ ଲେଖିଛନ୍ତି, ଏହା ଏକ ମାଷ୍ଟରଷ୍ଟ୍ରୋକ ନୁହେଁ, ଏହା କେବଳ ଏକ ଶୋ’।
