ଛତ୍ରପୁର,୪।୨: ଅଗସ୍ତିନୂଆଗାଁ ସ୍ଥିତ ଛତ୍ରପୁର ଅଷ୍ଟମ ବାଟାଲିୟନର ସିପାହୀ (୭୬୧) କେ. ଯୁଧିଷ୍ଠିର ରାଓ ଚତୁର୍ଥ ଥର ପାଇଁ ପ୍ଲାଜ୍ମା ଦାନ କରିଛନ୍ତି। ଗୁରୁବାର ଏମ୍କେସିଜି ମେଡିକାଲ କଲେଜରେ ସେ ପ୍ଲାଜ୍ମା ଦେଇଛନ୍ତି। ତାଙ୍କର ଏହି ମହତ କାର୍ଯ୍ୟ ପାଇଁ ବାଟାଲିୟନ କମାଣ୍ଡାଣ୍ଟ ସୂର୍ଯ୍ୟ ନାରାୟଣ ମଲ୍ଲିକ ସାଧୁବାଦ ଜଣାଇଛନ୍ତି। କରୋନାରୁ ସୁସ୍ଥ ହେବା ପରେ ଗତ ସେପ୍ଟେମ୍ବର ୪ରେ ସେ ପ୍ରଥମ ଥର ପ୍ଲାଜମା ଦେଇଥିଲେ। ପରେ ଅକ୍ଟୋବର ୧୪ରେ ଓ ନଭେମ୍ବର ୨୫ରେ ପ୍ଲାଜ୍ମା ଦାନ କରିଥିଲେ ା ସୂଚନାଯୋଗ୍ୟ, କମାଣ୍ଡାଣ୍ଟଙ୍କ ତତ୍ୱାବଧାନରେ ପ୍ଲାଜମା ଦାନ ମିଶନ ଚାଲିଛି। ଶତାଧିକ ବାଟାଲିୟନ କର୍ମଚାରୀମାନେ ପ୍ଲାଜ୍ମା ଦାନ କରିଛନ୍ତି। ଯୁଧିଷ୍ଠିର ୪ ଥର ପ୍ଲାଜମା ଦାନ କରିଥିବାରୁ ଆସିଷ୍ଟାଣ୍ଡ କମାଣ୍ଡାଣ୍ଟ ଅରୁଣ କୁମାର ପ୍ରଧାନଙ୍କ ସମେତ ଅନ୍ୟ କର୍ମଚାରୀମାନେ ପ୍ରଶଂସା କରଛନ୍ତି।
