ଭୋପାଳ,୨୬।୭: ମଧ୍ୟପ୍ରଦେଶର ଜବଲପୁରର କଲ୍ୟାଣପୁର ଗ୍ରାମରେ ୧୫ ଫୁଟ ଲମ୍ବର ଅଜଗର ସାପ ଆକ୍ରମଣ କରିବା ପରେ ଜଣେ ବ୍ୟକ୍ତି ମୃତ୍ୟୁ ମୁଖରୁ ରକ୍ଷା ପାଇଯାଇଛନ୍ତି। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ମିଳିଥିବା ସୂଚନାନୁସାରେ, ବ୍ୟକ୍ତି ଜଣଙ୍କ ଜଙ୍ଗଲକୁ ଶୌଚ ହେବାକୁ ଯାଇଥିଲେ। ସେହି ସମୟରେ ଏକ ଅଜଗର ନିଜ ଦେହରେ ଗୁଡାଇ ଦେବା ସହ ଜୀବନ୍ତ ଗିଳି ଦେବାକୁ ଚେଷ୍ଟା କରିଥିଲା। ବ୍ୟକ୍ତିଜଣଙ୍କ ଚତୁରତାର ସହ ତା’ ମୁହଁକୁ ଧରି ପକାଇ ଜୋରରେ ଚିତ୍କାର କରି ସାହାଯ୍ୟ ମାଗିଥିଲେ। ସେହି ବାଟ ଦେଇ କିଛି ଲୋକ ଯାଉଥିଲେ। ବ୍ୟକ୍ତିଙ୍କ ପାଟି ଶୁଣି ଘଟଣା ସ୍ଥଳରେ ପହଞ୍ଚିଥିଲେ। ସେମାନେ ପହଞ୍ଚିଲା ବେଳକୁ ଅଜଗରଟି ବ୍ୟକ୍ତିଙ୍କୁ ନିଜ ଦେହରେ ପୂରା ଗୁଡାଇ ସାରିଥିଲା। ସ୍ଥାନୀୟ ଲୋକମାନେ ଅଜଗର କବଳରୁ ବ୍ୟକ୍ତିଙ୍କୁ ରକ୍ଷା କରିାକୁ ଯାଉ ଧାରୁଆ ଅସ୍ତ୍ରରେ ଆକ୍ରମଣ କରି ମାରିଦେଇଥିଲେ। ଯାହା ପରେ ବ୍ୟକ୍ତି ଜଣଙ୍କ ଉଦ୍ଧାର ହୋଇଥିଲେ।
#मध्यप्रदेश के #जबलपुर से एक बेहद हैरान करने वाली घटना सामने आई है.शौच के लिए एक युवक को अजगर ने अपना निवाला बनाने की कोशिश की अजगर ने अपनी पूंछ से ग्रामीण की गर्दन को पकड़कर उसे निगलने का प्रयास किया.ग्रामीणों ने अजगर को मारकर युवक की जान बचाई. #Python@abplive pic.twitter.com/Y0iPy6o5t9
— AJAY TRIPATHI (ABP News) (@ajay_media) July 24, 2024
