ନୂଆଦିଲ୍ଲୀ/ଜେରୁଜେଲମ,୧୪।୬: ଇସ୍ରାଏଲ ସୋସିଆଲ ମିଡିଆ ହ୍ୟାଣ୍ଡେଲରେ ଏକ ପୋଷ୍ଟ କରିଥିଲା। ଏଥିରେ ସେମାନେ ସମଗ୍ର ବିଶ୍ୱର ମାନଚିତ୍ର ଦେଖାଇବାକୁ ଚେଷ୍ଟା କରି କହିଥିଲା, ଇରାନ ବିଶ୍ୱ ପାଇଁ ବିପଦ। ଇସ୍ରାଏଲକୁ ଏବେ ଏହି ଚିତ୍ରରେ ଭାରତର ମାନଚିତ୍ର ସମ୍ପର୍କରେ ସ୍ପଷ୍ଟୀକରଣ ଦେବାକୁ ପଡିଛି। ଏହି ମାନଚିତ୍ରରେ, ଜମ୍ମୁ-କଶ୍ମୀର ଏବଂ ଲଦାଖର କିଛି ଅଂଶ ଭାରତର ମାନଚିତ୍ରରେ ଦେଖାଯାଇ ନ ଥିଲା। ଜମ୍ମୁ-କଶ୍ମୀରକୁ ପାକିସ୍ତାନର ଏକ ଅଂଶ ଭାବରେ ଦର୍ଶାଯାଇଥିଲା।
ଏହି ମାନଚିତ୍ର ବାହାରିବା ପରେ, ଭାରତୀୟ ୟଜୁର୍ସମାନେ ସୋସିଆଲ ମିଡିଆରେ ଇସ୍ରାଏଲକୁ ନିନ୍ଦା କରିବା ଆରମ୍ଭ କରିଥିଲେ। ଏହା ପରେ, ଇସ୍ରାଏଲକୁ ଏବେ ସ୍ପଷ୍ଟୀକରଣ ଦେବାକୁ ପଡିଛି।
ଇସ୍ରାଏଲ ପ୍ରତିରକ୍ଷା ବାହିନୀ (IDF) ଭାରତର ଅନ୍ତର୍ଜାତୀୟ ସୀମାର ଭୁଲ ମାନଚିତ୍ର ପୋଷ୍ଟ କରିବା ପାଇଁ କ୍ଷମା ପ୍ରାର୍ଥନା କରିଛି। IDF ସ୍ବୀକାର କରିଛି ଯେ ମାନଚିତ୍ର ‘ସୀମାକୁ ସଠିକ ଭାବରେ ଉପସ୍ଥାପନ କରିବାରେ ବିଫଳ ହୋଇଛି’ କିନ୍ତୁ ଦାବି କରିଛି ଯେ ଏହା କେବଳ ‘କ୍ଷେତ୍ରର ଏକ ଚିତ୍ରଣ’ ଥିଲା।
ଇସ୍ରାଏଲ ଏହି ମାନଚିତ୍ର ପୋଷ୍ଟ କରିବା ପରେ, ଅନେକ ୟୁଜର୍ସ ପ୍ରଧାନମନ୍ତ୍ରୀ ନେତାନ୍ୟାହୁଙ୍କୁ ଟ୍ୟାଗ କରି ଏହା ବିଷୟରେ ପ୍ରଶ୍ନ ପଚାରିଥିଲେ। ଇଣ୍ଡିଆନ ରାଇଟ ୱିଙ୍ଗ କମ୍ୟୁନିଟି ଏହାକୁ ପୋଷ୍ଟ କରିବାର ମାତ୍ର ୯୦ ମିନିଟ ପରେ ଇସ୍ରାଏଲ କ୍ଷମା ପ୍ରାର୍ଥନା କରିଛି।
ଭାରତ ସରକାର ଏପର୍ଯ୍ୟନ୍ତ IDFର ଭୁଲ ମାନଚିତ୍ରର ଜବାବ ଦେଇନାହିଁ। ଭାରତ ସ୍ପଷ୍ଟ କରିଛି ଯେ, ଜମ୍ମୁ ଏବଂ କଶ୍ମୀର ଏବଂ ଲଦାଖ, ଯାହାର କିଛି ଅଂଶ ଦଶନ୍ଧି ଧରି ପାକିସ୍ତାନ ଏବଂ ଚାଇନା ଦ୍ୱାରା ଅବୈଧ ଭାବରେ କବଜା କରାଯାଇଛି, ସର୍ବଦା ଦେଶର ଏକ ଅବିଚ୍ଛେଦ୍ୟ ଅଂଶ ରହିବ।
ଭାରତ ଏବଂ ଇସ୍ରାଏଲ ବହୁ ବର୍ଷ ଧରି ଭଲ ସମ୍ପର୍କ ବଜାୟ ରଖିଛନ୍ତି। ପ୍ରଧାନମନ୍ତ୍ରୀ ମୋଦି ୨୦୧୭ରେ ଇସ୍ରାଏଲ ଗସ୍ତରେ ଯାଇଥିବା ଭାରତର ପ୍ରଥମ ନେତା ଥିଲେ। ଏହା ସହିତ, ଦିଲ୍ଲୀ ତେଲ ଅଭିଭର ସବୁଠାରୁ ବଡ଼ ବାଣିଜି୍ୟକ ଅଂଶୀଦାର ମଧ୍ୟରୁ ଗୋଟିଏ। ଭାରତ ସାମରିକ ଉପକରଣ ବିକ୍ରୟ ପାଇଁ ଇସ୍ରାଏଲର ସବୁଠାରୁ ବଡ଼ ଗ୍ରାହକମାନଙ୍କ ମଧ୍ୟରୁ ଗୋଟିଏ।
IDF ପୋଷ୍ଟରେ କହିଛି ଯେ ଇରାନ ବିଶ୍ୱ ପାଇଁ ବିପଦ। ଇସ୍ରାଏଲ ଶେଷ ଲକ୍ଷ୍ୟ ନୁହେଁ, ଏହା କେବଳ ଆରମ୍ଭ। ଆମ ପାଖରେ କାର୍ଯ୍ୟାନୁଷ୍ଠାନ ନେବା ବ୍ୟତୀତ ଅନ୍ୟ କୌଣସି ବିକଳ୍ପ ନ ଥିଲା।
ଇରାନ ଏବଂ ଇସ୍ରାଏଲ ମଧ୍ୟରେ ଉତ୍ତୋଜନା ଆରମ୍ଭ ହୋଇଛି। ଇରାନର ପରମାଣୁ ଶକ୍ତିକୁ ବନ୍ଦ କରିବା ପାଇଁ ଇସ୍ରାଏଲ ମିଶାଇଲ୍ ଇରାନ ଉପରେ ଆକ୍ରମଣ କରିଥିଲା। ଇସ୍ରାଏଲ ଇରାନ ଉପରେ ଡ୍ରୋନ ଏବଂ ମିଶାଇଲ୍ ମାଡ଼ କରିଥିଲା। ଏହି ଆକ୍ରମଣ ପରେ, ଇରାନ ଚୁପ ବସି ନ ଥିଲା ଏବଂ ଉପଯୁକ୍ତ ଜବାବ ଦେଇଥିଲା। ଇରାନ ପ୍ରତିଶୋଧ ନେଇଥିଲା। ଏହା ସହିତ, ଇରାନ ଲଗାତାର ଇସ୍ରାଏଲ ଉପରେ ଆକ୍ରମଣ କରୁଛି। ଇରାନ ତେଲ ଅଭିଭରୁ ଜେରୁଜେଲମକୁ ମିଶାଇଲ୍ ମାଡ଼ କରିଛି।
