ଗଞ୍ଜାମ,୪।୪(ବିଦ୍ୟାଧର ସାହୁ ): ବର୍ତ୍ତମାନ ଆରମ୍ଭ ହୋଇଯାଇଛି ଆଇପିଏଲ ସିଜନ । ପ୍ରତ୍ୟେକ ଦିନ ବିଭିନ୍ନ ଫ୍ରାଞ୍ଚାଇଜ ଦଳ ସହ ଅନୁଷ୍ଠିତ ହେଉଛି ୨୦-୨୦ ମ୍ୟାଚ । ଏହି ଆଇପିଏଲ ମ୍ୟାଚ ପାଇଁ ପାଗଳ ଯୁବଗୋଷ୍ଠୀ। ଏହାର ଫାଇଦା ନେଇ ସ୍ଥାନୀୟ ଅଞ୍ଚଳର କିଛି ଦଲାଲ ସକ୍ରିୟ ହୋଇ ଉଠିଥିବା ଆଲୋଚନା ହେଉଛ। ଏଥିସହ ପ୍ରତ୍ୟେକ ମ୍ୟାଚ କିଏ ଜିତିବ ସେଥିପାଇଁ ଲାଗୁଛି ସଟ୍ଟା । ବିପକ୍ଷ ଦଳ ସହ ବିପକ୍ଷ ଦଳର ଖେଳାଳୀଙ୍କ ପାଇଁ ମଧ୍ୟ ଲାଗୁଛି ବାଜି l ଅଧିକ ରନ କିମ୍ବା ଅଧିକ ୱିକେଟ୍ ବ୍ୟବଧାନରେ ଜିତିଲେ ମୋଟା ଅଙ୍କର ଟଙ୍କାର ଲୋଭ ଦେଖାଇ ଯୁବ ଗୋଷ୍ଠୀଙ୍କୁ ଆକୃଷ୍ଟ କରୁଛନ୍ତି ଆଇପିଏଲ ଦଲାଲ । ସନ୍ଧ୍ୟା ହେବା ମାତ୍ରେ ବିଭିନ୍ନ ନିଛାଟିଆସ୍ଥାନ ଗୁଡିକରେ ଯୁବ ଗୋଷ୍ଠୀଙ୍କୁ ଦେଖିବାକୁ ମିଳୁଛି । ଯିଏ ଜିତୁଛି ବିଳମ୍ବିତ ରାତି ପର୍ଯ୍ୟନ୍ତ ମଦ୍ୟପାନ ସହ ଚିକେନ ପକଡାର ମଜା ନେଉଥିବା ବେଳେ ଆଉ ଯିଏ ବାଜିରେ ହାରୁଛି ଲକ୍ଷ ଲକ୍ଷ ଟଙ୍କା ହରାଇ ଆତ୍ମହତ୍ୟା ଭଳି ପନ୍ଥା ଆପଣାଉଛି । ଦୁଇ ତିନି ବର୍ଷ ପୂର୍ବେ ସହରର କିଛି ଆଇପିଏଲ ଦଲାଲଙ୍କୁ ତତ୍କାଳୀନ ଥାନା ଆଇଆଇସି ଶୁଭେନ୍ଦୁ ସାହୁ ଥାନାରେ ଅଟକ ରଖିବା ସହ ମୋବାଇଲ ଯାଞ୍ଚ କରି କଡା ପଦକ୍ଷେପ ଗ୍ରହଣ କରିଥିଲେ । ଫଳରେ ଅନ୍ୟ ଆଇପିଏଲ ଦଲାଲଙ୍କ ମଧ୍ୟରେ ଛନକା ପଶିଯାଇଥିଲା ।
