ନୂଆଦିଲ୍ଲୀ,୧୧।୧୧: ମୁମ୍ବାଇ ଇଣ୍ଡିଆନ୍ସ ପାଞ୍ଚ ଥର ଆଇପିଏଲ ଚାମ୍ପିୟନ ହୋଇଛି ଏବଂ ବର୍ତ୍ତମାନ ପର୍ଯ୍ୟନ୍ତ ରୋହିତ ଶର୍ମାଙ୍କ ଅଧିନାୟକତ୍ୱରେ ଏମଆଇ ପ୍ରତ୍ୟେକ ଥର ଟାଇଟଲ ଜିତିଛି। କିନ୍ତୁ ବର୍ତ୍ତମାନ ମୁମ୍ବାଇ ଦଳ ମଧ୍ୟରେ ଏକ ନୂଆ ଯୁଗ ଆରମ୍ଭ ହୋଇଛି କାରଣ ବର୍ତ୍ତମାନ ଅଧିନାୟକ ରୋହିତ ଶର୍ମା ନୁହଁନ୍ତି ହାର୍ଦ୍ଦିକ ପାଣ୍ଡ୍ୟା। ଆଇପିଏଲ ୨୦୨୫ ପାଇଁ, ରୋହିତ ଶର୍ମା ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ସମେତ ମୋଟ ପାଞ୍ଚ ଖେଳାଳିଙ୍କ ପାଇଁ ଏମଆଇ ୭୫ କୋଟି ଟଙ୍କା ଖର୍ଚ୍ଚ କରିଛି। କିନ୍ତୁ ଆପଣ ଜାଣନ୍ତି କି ଗତ ସିଜନରେ ଚାରି କ୍ୟାପଟେନ ଏମଆଇ ପାଇଁ ଖେଳିବାକୁ ଯାଉଛନ୍ତି ।
ସର୍ବପ୍ରଥମେ, ଆସନ୍ତୁ ଜାଣିବା ଆଇପିଏଲ ୨୦୨୫ ପାଇଁ କେଉଁ ଖେଳାଳିଙ୍କୁ ମୁମ୍ବାଇ ଇଣ୍ଡିଆନ୍ସ ରିଟେନ କରିଛି। ସେମାନେ ହେଲେ ଜସପ୍ରୀତ ବୁମ୍ରା (୧୮ କୋଟି), ସୂର୍ଯ୍ୟକୁମାର ଯାଦବ (୧୬.୩୫ କୋଟି), ହାର୍ଦ୍ଦିକ ପାଣ୍ଡ୍ୟା (୧୬.୩୫ କୋଟି), ରୋହିତ ଶର୍ମା (୧୬.୩୦ କୋଟି) ଏବଂ ତିଳକ ବର୍ମା (୮ କୋଟି)। ଏହି ୫ ଜଣ ଖେଳାଳିଙ୍କ ମଧ୍ୟରୁ ୪ ଜଣ ଅଛନ୍ତି ଯେଉଁମାନେ ଭାରତୀୟ କ୍ରିକେଟ ଦଳରେ ଅଧିନାୟକ ରହିସାରିଛନ୍ତି ।
ଜସପ୍ରୀତ ବୁମ୍ରା ଭାରତ ପାଇଁ ଟେଷ୍ଟ ଏବଂ ଟି -୨୦ ଦଳର ଅଧିନାୟକତ୍ୱ କରିଛନ୍ତି। ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀରଙ୍କ କହିବାନୁସାରେ, ଅଷ୍ଟ୍ରେଲିଆ ବିପକ୍ଷରେ ବର୍ଡର- ଗାଭାସ୍କର ଟ୍ରଫିର ପ୍ରଥମ ଟେଷ୍ଟ ମ୍ୟାଚରେ ବୁମରାଙ୍କୁ ମଧ୍ୟ ଅଧିନାୟକ ଦେଖିବାକୁ ମିଳିବ। ସୁର୍ଯ୍ୟକୁମାର ଯାଦବ ଭାରତର ଟି -୨୦ଦଳର ଅଧିନାୟକ ହୋଇଥିବାବେଳେ ରୋହିତ ଶର୍ମା ଦିନିକିଆ ଏବଂ ଟେଷ୍ଟ ଦଳର ନିୟମିତ ଅଧିନାୟକ ଅଟନ୍ତି। ହାର୍ଦ୍ଦିକ ପାଣ୍ଡ୍ୟା ମଧ୍ୟ ଦିନିକିଆ ଏବଂ ଟି -୨୦ ଦଳର ଦାୟିତ୍ୱ ଗ୍ରହଣ କରିଛନ୍ତି।
