ନୂଆଦିଲ୍ଲୀ,୧୮।୧୦: IPL 2025 ର ମେଗା ନିଲାମକୁ ନେଇ ସମସ୍ତେ ବହୁତ ଉତ୍ସାହିତ ଅଛନ୍ତି। ଏବେ ଏହାର ତାରିଖ ପ୍ରକାଶ ପାଇଛି। ଏହା କୁହାଯାଉଛି ଯେ ମେଗା ନିଲାମ ୨୪ ଏବଂ ୨୫ ନଭେମ୍ବରରେ ଅନୁଷ୍ଠିତ ହୋଇପାରେ। ତଥାପି, ସ୍ଥାନ ବିଷୟରେ ଏପର୍ଯ୍ୟନ୍ତ କୌଣସି ଅପଡେଟ ନାହିଁ । କିନ୍ତୁ, ମେଗା ନିଲାମ ଭାରତରେ ନୁହେଁ ବିଦେଶରେ ହେବ ବୋଲି ଆଶା କରାଯାଉଛି। ବର୍ତ୍ତମାନ, ପ୍ରଶଂସକମାନେ ବିସିସିଆଇର ତାରିଖ ଘୋଷଣାକୁ ଉତ୍ସାହର ସହିତ ଅପେକ୍ଷା କରିଛନ୍ତି।
ଆଇପିଏଲ ୨୦୨୫ର ମେଗା ନିଲାମକୁ ନେଇ ଏକ ଅପଡେଟ ଆସିଛି, ହେଲେ ଏବେବି ଭେନ୍ୟୁକୁ ନେଇ ସସପେନ୍ସ ରହିଛି। ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ଏଥର ଏହି ମେଗା ନିଲାମ ସୌଦି ଆରବର ରାଜଧାନୀ ରିୟାଦରେ ଆୟୋଜନ କରାଯାଇପାରେ।
ସୂଚନାଯେରାଗ୍ୟ, ଦୁବାଇରେ ଆଇପିଏଲ ୨୦୨୪ ନିଲାମର ଆୟୋଜନ କରାଯାଇଥିଲା। କିନ୍ତୁ ଏଥର ରିୟାଦ ଚୟନ କରାଯାଇପାରେ। କେବଳ ଏତିକି ନୁହେଁ, ଆଇପିଏଲ ୨୦୨୫ର ମେଗା ନିଲାମ ପାଇଁ ଅନ୍ୟ ସହରଗୁଡ଼ିକ ମଧ୍ୟ ତାଲିକାରେ ଥିଲେ। ଲଣ୍ଡନ ଏବଂ ସିଙ୍ଗାପୁର ନାମରେ ମଧ୍ୟ ବିଚାର ଚାଲିଛି। ଯଦି ରିପୋର୍ଟଗୁଡିକ ବିଶ୍ୱାସ କରାଯାଏ, ଏହି କାର୍ଯ୍ୟକ୍ରମ ଆୟୋଜନ କରିବାକୁ ରିୟାଦକୁ ଚୟନ କରାଯାଇଛି। ଭାରତ ଅନୁଯାୟୀ ରିୟାଦର ଟାଇମ ଜୋନ ସଠିକ ଭାବରେ ବିବେଚନା କରାଯାଏ, ଯାହା ପ୍ରସାରଣକାରୀଙ୍କ ପାଇଁ ମଧ୍ୟ ସହଜ କରିବ।
