ମୁମ୍ବାଇ,୨୭।୧୧: ଷ୍ଟାର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ପୁଣି ଥରେ ମୁମ୍ବାଇ ଇଣ୍ଡିଆନ୍ସରେ ଯୋଗ ଦେଇଛନ୍ତି। ମୁମ୍ବାଇ ପାଣ୍ଡ୍ୟାଙ୍କୁ ଆଇପିଏଲ ୨୦୨୪ ପାଇଁ ଦଳରେ ସାମିଲ କରିଛି। ହାର୍ଦ୍ଦିକ ପୂର୍ବରୁ ଗୁଜରାଟ ଟାଇଟନ୍ସ ସହିତ ଥିଲେ। ଅଧିନାୟକ ଭାବେ ସେ ଦଳକୁ ଚାମ୍ପିୟନ କରିଥିଲେ। କିନ୍ତୁ ସେ ଏବେ ମୁମ୍ବାଇ ଫେରି ବେଶ୍ ଖୁସି ଅଛନ୍ତି। ସେ ଟିମ ଜର୍ସି ପିନ୍ଧି ସୋସିଆଲ ମିଡିଆରେ ଏକ ଫଟୋ ଶେୟାର କରିଛନ୍ତି। ଏଥିରେ ଲେଖିଛନ୍ତି, ହୋମ୍ ମୁମ୍ବାଇ ଇଣ୍ଡିଆନ୍ସ ହୋମ।
୨୦୨୨ରେ ହାର୍ଦ୍ଦିକଙ୍କୁ ଗୁଜରାଟର ଅଧିନାୟକ କରାଯାଇଥିଲା। ଏହି ସିଜିନ୍ ତାଙ୍କ ପାଇଁ ବହୁତ ଭଲ ଥିଲା। ପାଣ୍ଡ୍ୟା ୧୫ଟି ମ୍ୟାଚରେ ୪୮୭ ରନ ସଂଗ୍ରହ କରିଥିଲେ। ସେ ୪ ଅର୍ଦ୍ଧଶତକ ହାସଲ କରିଥିଲେ। ଏହା ପରେ ପାଣ୍ଡ୍ୟା ୨୦୨୩ରେ ୧୬ଟି ମ୍ୟାଚ ଖେଳିଥିଲେ ଏବଂ ଏହି ସମୟ ମଧ୍ୟରେ ୩୪୬ ରନ ସ୍କୋର କରିଥିଲେ। ପାଣ୍ଡ୍ୟା ଅର୍ଦ୍ଧଶତକ ହାସଲ କରିଥିଲେ। ଅଧିନାୟକ ଭାବରେ ୨୦୨୨ରେ ଗୁଜରାଟ ଚାମ୍ପିଅନ ହୋଇଥିଲେ। ୨୦୨୩ରେ ଦଳ ଫାଇନାଲରେ ପ୍ରବେଶ କରିଥିଲା। ଆଇପିଏଲ ୨୦୨୩ର ଫାଇନାଲ ମ୍ୟାଚ ଗୁଜରାଟ ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଖେଳାଯାଇଥିଲା। ଏହି ମ୍ୟାଚ୍ ଗଜରାଟ ପରାସ୍ତ ହୋଇଥିଲା।
