ଇସଲାମାବାଦ/ନୂଆଦିଲ୍ଲୀ,୪ା୫: ପାକିସ୍ତାନ ଉପରେ ଆଉ ଏକ ଡିଜିଟାଲ ଷ୍ଟ୍ରାଇକ୍ କରିଛି ଭାରତ। ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ‘X’ ଆକାଉଣ୍ଟ ବ୍ୟାନ୍ କରିଛି ଭାରତ।
ଭାରତରେ ପୂର୍ବତନ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ଏବଂ ପୂର୍ବତନ ମନ୍ତ୍ରୀ ବିଲାଓ୍ବଲ ଭୁଟ୍ଟୋଙ୍କ ‘X’ ଆକାଉଣ୍ଟକୁ ବ୍ୟାନ୍ କରାଯାଇଛି। ପହଲଗାମ ଆତଙ୍କବାଦୀ ଆକ୍ରମଣକୁ ନେଇ ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ମଧ୍ୟରେ ଏହି ପଦକ୍ଷେପ ନିଆଯାଇଛି।
ଏହି ସପ୍ତାହ ଆରମ୍ଭରେ ଆତଙ୍କବାଦୀ ଆକ୍ରମଣ ପରେ କେନ୍ଦ୍ର ସରକାର ଭାରତରେ ଅନେକ ପାକିସ୍ତାନୀ ଅଭିନେତାଙ୍କ ଇନ୍ଷ୍ଟାଗ୍ରାମ ଆକାଉଣ୍ଟଗୁଡ଼ିକୁ ବ୍ୟାନ୍ କରିଥିଲେ, ଯେଉଁଥିରେ ହାନିଆ ଆମିର, ମାହିରା ଖାନ ଏବଂ ଅଲି ଜାଫର ମଧ୍ୟ ସାମିଲ ଥିଲେ।
ସେମାନଙ୍କ ଆକାଉଣ୍ଟଗୁଡ଼ିକରେ ସ୍ବୟଂଚାଳିତ ଏସ୍ଏମ୍ଏସ୍ ପ୍ରଦର୍ଶିତ ହୋଇଥିଲା ଯେ, ସେମାନେ ଭାରତରେ ଉପଲବ୍ଧ ନାହାନ୍ତି କାରଣ ‘ଆମେ ଏହି ବିଷୟବସ୍ତୁକୁ ପ୍ରତିବନ୍ଧିତ କରିବା ପାଇଁ ଏକ ଆଇନଗତ ଅନୁରୋଧ ପାଳନ କରିଥିଲୁ।”
ଏହି ସପ୍ତାହର ଆରମ୍ଭରେ, ଭାରତ ଉତ୍ତେଜନାମୂଳକ, ସାମ୍ପ୍ରଦାୟିକ ଭାବରେ ସମ୍ବେଦନଶୀଳ ବିଷୟବସ୍ତୁ ଏବଂ ଭାରତ ବିରୋଧରେ ଭୁଲ୍ ସୂଚନା ପ୍ରସାରଣ ପାଇଁ ୧୬ଟି ପାକିସ୍ତାନୀ YouTube ଚ୍ୟାନେଲକୁ ନିଷିଦ୍ଧ କରିଥିଲା, ଯେଉଁଥିରେ ଅନେକ ପାକିସ୍ତାନୀ ଗଣମାଧ୍ୟମ ସଂସ୍ଥା ମଧ୍ୟ ସାମିଲ ଥିଲା।
ଶୁକ୍ରବାର ଭାରତରେ ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫଙ୍କ YouTube ଚ୍ୟାନେଲକୁ ମଧ୍ୟ ବ୍ୟାନ୍ କରାଯାଇଥିଲା।
ଏପ୍ରିଲ ୨୨ରେ ପହଲଗାମରେ ପର୍ଯ୍ୟଟକଙ୍କୁ ଟାର୍ଗେଟ କରି ହୋଇଥିବା ଆତଙ୍କବାଦୀ ଆକ୍ରମଣରେ ୨୬ ଜଣଙ୍କର ମୃତ୍ୟୁ ହୋଇଥିଲା। ଭାରତ ପାକିସ୍ତାନ ବିରୋଧ ଅନେକ ପଦକ୍ଷେପ ନେଇଛି, ଯେଉଁଥିରେ ସିନ୍ଧୁ ଜଳ ଚୁକ୍ତିକୁ ସ୍ଥଗିତ କରିବା, ଭାରତୀୟ ବନ୍ଦରରୁ ପାକିସ୍ତାନୀ ଜାହାଜକୁ ବାରଣ କରିବା ଏବଂ କୂଟନୈତିକ ସମ୍ପର୍କକୁ ହ୍ରାସ କରିବା ଅନ୍ତର୍ଭୁକ୍ତ। ଆକ୍ରମଣକାରୀଙ୍କୁ ଖୋଜିବାକୁ ଭାରତ ପ୍ରତିଶ୍ରୁତି ଦେଇଛି।
ଆହୁରି ପଢ଼ନ୍ତୁ…
ପାକିସ୍ତାନ ଉପରେ ଭାରତର ଡିଜିଟାଲ ଷ୍ଟ୍ରାଇକ୍, ଇମ୍ରାନ ଖାନ୍-ବିଲାଓ୍ବଲ ଭୁଟ୍ଟୋଙ୍କ ଉପରେ ନେଲା…
