ହାଙ୍ଗଝୋ,୭।୧୦ : ଏସୀୟ ଗେମ୍ସରେ ଭାରତ ଏପର୍ଯ୍ୟନ୍ତ ସର୍ବୋତ୍ତମ ପ୍ରଦର୍ଶନ କରିଛି। ଭାରତୀୟ ଆଥଲେଟ୍ମାନେ ୧୪ତମ ଦିନରେ ଅର୍ଥାତ ଶନିବାର ୬ ଟି ସ୍ବର୍ଣ୍ଣ ସହିତ ମୋଟ ୧୨ ଟି ପଦକ ଜିତିଛନ୍ତି। ଏହା ସହିତ ଭାରତ ୨୮ ଟି ସ୍ବର୍ଣ୍ଣ, ୩୮ରୌପ୍ୟ ଏବଂ ୪୧ ଟି ବ୍ରୋଞ୍ଜ ସହିତ ଭାରତ ୧୦୭ ପଦକ ସହିତ ତାଲିକାରେ ଚତୁର୍ଥ ସ୍ଥାନରେ ନିଜର ଅଭିଯାନ ଶେଷ କରିଛି। ଶେଷ ଦିନରେ ଭାରତର ପୁରୁଷ କ୍ରିକେଟ ଦଳ ସ୍ବର୍ଣ୍ଣ ପଦକ ଜିତିଥିବାବେଳେ କବାଡିରେ ଭାରତୀୟ ପୁରୁଷ ଓ ମହିଳା ଦଳ ଚାମ୍ପିୟନ ହୋଇଥିଲେ। ବ୍ୟାଡମିଣ୍ଟନର ପୁରୁଷ ଡବଲ୍ସ ଇଭେଣ୍ଟରେ ଭାରତ ସ୍ବର୍ଣ୍ଣ ପାଇଥିବାବେଳେ ପୁରୁଷ ତୀରନ୍ଦାଜ ପୁରୁଷ ଏବଂ ମହିଳା ବ୍ୟକ୍ତିଗତ ଇଭେଣ୍ଟରେ ଭାରତୀୟ ତୀରନ୍ଦାଜମାନେ ସ୍ବର୍ଣ୍ଣକୁ ଟାର୍ଗେଟ କରିଛନ୍ତି।
ଏହି ପ୍ରତିଯୋଗିତାରେ ଭାରତ ଆଥଲେଟିକ୍ସରେ ସର୍ବାଧିକ ପଦକ ଜିତିଛି। ଅଲିମ୍ପିକ ତଥା ବିଶ୍ୱ ଚାମ୍ପିଅନ ନୀରଜ ଚୋପ୍ରା ଜାଭେଲିନ ଥ୍ରୋରେ ତାଙ୍କ ଟାଇଟଲ ରକ୍ଷା କରିଥିଲେ। ସେ ୮୮.୮୮ ମିଟର ଥ୍ରୋ ସହିତ ସ୍ବର୍ଣ୍ଣ ପଦକ ହାସଲ କରିଥିଲେ । ଭାରତୀୟ ଆଥଲେଟମାାନେ ଏଥର ଆଥଲେଟିକ୍ସରେ ଏକ ଚମତ୍କାର ପ୍ରଦର୍ଶନ କରିଛନ୍ତି। ଏଥର ଭାରତ ଆଥଲେଟିକ୍ସରେ ସର୍ବାଧିକ ୨୯ ପଦକ ଜିତିଛି।
ଚାଇନାରେ ସେମାନଙ୍କର ଉତ୍କୃଷ୍ଟ ପ୍ରଦର୍ଶନ ପାଇଁ ଭାରତୀୟ ଶୁଟରମାନେ ମଧ୍ୟ ଅନେକ ପ୍ରଶଂସା ପାଇଛନ୍ତି। ଏଥର ଶୁଟରମାନେ ୨୨ଟି ପଦକ ଜିତିଥିବାବେଳେ ୨୦୦୬ ରେ ସେମାନଙ୍କର ସର୍ବୋତ୍ତମ ପ୍ରଦର୍ଶନ ୧୪ ପଦକ ଥିଲା। ଏହା ପରେ ଭାରତୀୟ ଶୁଟରମାନେ ଦୋହାରେ ୧୪ଟି ପଦକ ଜିତିଥିଲେ, ଯାହା ଆଜି ପର୍ଯ୍ୟନ୍ତ ସେମାନଙ୍କର ସର୍ବୋତ୍ତମ ପ୍ରଦର୍ଶନ ଥିଲା। ଏଥିମଧ୍ୟରୁ ୧୨ ଟି ପଦକ ଦଳ ଇଭେଣ୍ଟରେ ଆସିଥିଲା। ଭାରତୀୟ ପୁରୁଷ ଓ ମହିଳା ଦଳ ସ୍ବର୍ଣ୍ଣ ଜିତିଥିବାବେଳେ କବାଡିରେ ମଧ୍ୟ ପୁରୁଷ ଏବଂ ମହିଳା ବର୍ଗରେ ଭାରତ ସ୍ବର୍ଣ୍ଣ ଜିତିଛି।
ଭାରତ ୫ ଟି ସ୍ବର୍ଣ୍ଣ ପଦକ ସହିତ ଚମ୍ପାଉଣ୍ଡ ତୀରନ୍ଦାଜରେ ଏକ ସୁଇପ କରିଥିଲା। ବିଶ୍ୱର ନମ୍ବର ୩ ଭାରତୀୟ ସଟଲର ସତ୍ୟଭିକସରଜ ରାଙ୍କିରେଡ୍ଡି ଏବଂ ଚିରାଗ ଶେଟ୍ଟୀଙ୍କ ଯୋଡି ପୁରୁଷ ଡବଲ୍ସରେ ସ୍ବର୍ଣ୍ଣ ଜିତି ଇତିହାସ ସୃଷ୍ଟି କରିଥିଲେ। ପୁରୁଷ ଡବଲ୍ସରେ ସ୍ବର୍ଣ୍ଣ ଜିତିବାରେ ଏହା ହେଉଛି ପ୍ରଥମ ଭାରତୀୟ ଯୋଡି। ବ୍ୟାଡମିଣ୍ଟନରେ ଭାରତ ୩ ଟି ପଦକ ପାଇଛି, ଯାହାକି ଏହାର ଦ୍ୱିତୀୟ ଶ୍ରେଷ୍ଠ ପ୍ରଦର୍ଶନ। କୁସ୍ତିରେ ଭାରତ ୬ ଟି ପଦକ ଜିତିଛି।
ଏହା ବ୍ୟତୀତ କିଛି ଆଥଲେଟ ମଧ୍ୟ ୨୦୨୪ ପ୍ୟାରିସ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଛନ୍ତି। ଭାରତୀୟ ପୁରୁଷ ହକି ଦଳ ସ୍ବର୍ଣ୍ଣ ଜିତିଥିବା ବେଳେ ବକ୍ସର ନିଖତ ଜରିନ, ପ୍ରବୀଣ, ପ୍ରୀତି ଏବଂ ଲୋଭଲିନା ବ୍ରୋଞ୍ଜ ଜିତିଛନ୍ତି। ସମସ୍ତେ ପ୍ୟାରିସ ଅଲିମ୍ପିକ ଟିକେଟ ବୁକ କରିଛନ୍ତି।
