ନୂଆଦିଲ୍ଲୀ,୧୭।୧ : ନିକଟରେ ହୋଇଥିବା ଏକ ଆକଳନରୁ ଜଣାପଡିଛି ଯେ ଚଳିତ ବର୍ଷ ଭାରତରେ କର୍ମଚାରୀଙ୍କ ଦରମା ୯.୮ ପ୍ରତିଶତ ପର୍ଯ୍ୟନ୍ତ ବୃଦ୍ଧି ହୋଇପାରେ। ସମସ୍ତ ଏସୀୟ ଦେଶ ତୁଳନାରେ ଏହି ବୃଦ୍ଧି ଭାରତରେ ସର୍ବାଧିକ । ତଥାପି, ବଢୁଥିବା ମୁଦ୍ରାସ୍ଫୀତିକୁ ଏହା କମାଇବା ପାଇଁ କାମ କରିପାରିବ। କନ୍ସଲ୍ଟିଂ ଫାର୍ମ କୋର୍ନ ଫେରି ଗ୍ଲୋବାଲ ଏହାର ଦରମା ପୂର୍ବାନୁମାନ ସର୍ଭେରେ ଏହା ଉଲ୍ଲେଖ କରିଛି।
ଏହି ସର୍ଭେରେ କୁହାଯାଇଛି ଯେ ଭାରତୀୟ କର୍ମଚାରୀମାନଙ୍କର ଏସିଆରେ ସର୍ବାଧିକ ଦରମା ବୃଦ୍ଧି ହେବ। ଏଥି ସହିତ, ଉଚ୍ଚ ପ୍ରତିଭାବାନ କର୍ମଚାରୀଙ୍କ ଦରମା ୧୫ ରୁ ୩୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଇପାରେ। ଗତ ବର୍ଷ ଦରମାରେ ୯.୪ ପ୍ରତିଶତ ବୃଦ୍ଧି ପରେ ୨୦୨୩ ମସିହାରେ ଦକ୍ଷିଣ ଏସୀୟ ଦେଶରେ ହାରାହାରି ଦରମା ୯.୮ ପ୍ରତିଶତ ବୃଦ୍ଧି ପାଇବ ବୋଲି ରିପୋର୍ଟରେ ପ୍ରକାଶ ପାଇଛି। ହାଇ-ଟେକ ଶିଳ୍ପ, ଜୀବ ବିଜ୍ଞାନ ଏବଂ ସ୍ବାସ୍ଥ୍ୟ ସେବା କ୍ଷେତ୍ରରେ ୧୦ପ୍ରତିଶତରୁ ଅଧିକ ଦରମା ବୃଦ୍ଧି ହୋଇପାରେ।
ବ୍ଲୁମବର୍ଗ ରିପୋର୍ଟରେ କୁହାଯାଇଛି ଯେ ଭାରତ ହେଉଛି ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ପ୍ରମୁଖ ଅର୍ଥନୀତି ମଧ୍ୟରୁ ଅନ୍ୟତମ। ଏହା ଜନବହୁଳ ଦେଶ ମଧ୍ୟ।ପ୍ରତିବର୍ଷ ଲକ୍ଷ ଲକ୍ଷ ଲୋକ ଭାରତର କର୍ମକ୍ଷେତ୍ରରେ ପ୍ରବେଶ କରନ୍ତି। ଶିକ୍ଷା କ୍ଷେତ୍ରରେ ଗ୍ୟାପ୍ ରୋଜଗାର ପାଇଁ ସଂଗ୍ରାମକୁ ଆହୁରି ତୀବ୍ର କରିଥାଏ। ତେବେ ଦେଶରେ ସାମଗ୍ରିକ ବେକାରୀ ହାର ଅଧିକ ରହିଛି ବୋଲି ରିପୋର୍ଟରେ ଉଲ୍ଲେଖ କରାଯାଇଛି।
