ନୂଆଦିଲ୍ଲୀ,୨୮।୨: ଟେଷ୍ଟ ର଼୍ୟାଙ୍କିଙ୍ଗରେ ଭାରତୀୟ ଓପନର୍ ଯଶସ୍ବୀ ଜୟସ୍ବାଲ ଏକ ବଡ଼ ଲାଭ କରିଛନ୍ତି। ଇଂଲଣ୍ଡ ବିପକ୍ଷରେ ଖେଳାଯାଉଥିବା ଟେଷ୍ଟ ସିରିଜରେ ଜୟସ୍ବାଲ ଭଲ ପ୍ରଦର୍ଶନ କରିଛନ୍ତି। ଯାହାର ଫାଇଦା ତାଙ୍କୁ ର଼୍ୟାଙ୍କିଙ୍ଗରେ ମିଳିଛି। ଟେଷ୍ଟ ର଼୍ୟାଙ୍କିଙ୍ଗରେ କୋହଲିଙ୍କ ଠାରୁ ଜୟସ୍ବାଲ ମାତ୍ର ୨ ସ୍ଥାନ ଦୂରରେ ଅଛନ୍ତି।
ଟେଷ୍ଟ ର଼୍ୟାଙ୍କିଙ୍ଗରେ ଜୟସ୍ବାଲ ଦ୍ୱାଦଶ ସ୍ଥାନକୁ ଉନ୍ନୀତ ହୋଇଥିବାବେଳେ ବିରାଟ କୋହଲି ନବମ ସ୍ଥାନରେ ଅଛନ୍ତି। ତେବେ ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ କୋହଲି ଭାରତୀୟ ଦଳର ଅଂଶ ନୁହଁନ୍ତି। ଜୟସ୍ବାଲ ୭୨୭ ରେଟିଂ ସହିତ ଦ୍ୱାଦଶ ସ୍ଥାନକୁ ଆସିଥିବା ବେଳେ କୋହଲି ୭୪୪ ରେଟିଂ ସହିତ ୯ ନମ୍ବରରେ ଅଛନ୍ତି ।
ଟେଷ୍ଟ ର଼୍ୟାଙ୍କିଙ୍ଗର ଶ୍ରେଷ୍ଠ ୫ ବ୍ୟାଟର୍ଙ୍କ ମଧ୍ୟରେ କୌଣସି ଭାରତୀୟ ବ୍ୟାଟର୍ ସାମିଲ ନାହାନ୍ତି। ର଼୍ୟାଙ୍କିଙ୍ଗରେ ନ୍ୟୁଜିଲ୍ୟାଣ୍ଡର କେନ ୱିଲିୟମଶନ ଶୀର୍ଷ ସ୍ଥାନରେ ଅଛନ୍ତି। କିୱି ବ୍ୟାଟରଙ୍କ ପାଖରେ ୮୯୩ ରେଟିଂ ରହିଛି । ତା’ପରେ ଅଷ୍ଟ୍ରେଲିଆର ଷ୍ଟିଭ ସ୍ମିଥ ଦ୍ୱିତୀୟ ସ୍ଥାନରେ ଅଛନ୍ତି, ଯାହାଙ୍କ ୮୧୮ ରେଟିଂ ରହିଛି। ଇଂଲଣ୍ଡର ଜୋ ରୁଟ ୭୯୯ ରେଟିଂ ସହିତ ତୃତୀୟ ସ୍ଥାନରେ, ନ୍ୟୁଜିଲ୍ୟାଣ୍ଡର ଡେରିଲ ମିଚେଲ ୭୮୦ ରେଟିଂ ସହ ଚତୁର୍ଥ ସ୍ଥାନରେ ଏବଂ ପାକିସ୍ତାନର ବାବର ଆଜାମ ୭୬୮ ରେଟିଂ ସହ ପଞ୍ଚମ ସ୍ଥାନରେ ଅଛନ୍ତି।
