ଇଟାନଗର,୧୬।୩: ଅରୁଣାଚଳ ପ୍ରଦେଶର ବମ୍ଡିଲା ନିକଟରେ ଭାରତୀୟ ସେନାର ଚିତା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିଲା। ଏହି ଦୁର୍ଘଟଣାରେ ୨ ପାଇଲଟ ସହିଦ ହୋଇଛନ୍ତି। ସେମାଙ୍କ ମଧ୍ୟରୁ ଜଣେ ଲେଫନାଣ୍ଟ କର୍ନେଲ ର଼୍ୟାଙ୍କର ଅଧିକାରୀ(ପାଇଲଟ୍) ଥିବା ବେଳେ ଜଣେ ମେଜର ପଦର(ସହ ପାଇଲଟ) ଥିଲେ। ହେଲିକପ୍ଟରଟି ରୁଟିନ୍ ଅପରେଶନ ଲାଗି ସେଙ୍ଗେରୁ ଆସାମର ମିସାମାରି ଅଭିମୁଖେ ଯାଉଥିଲା। ସକାଳ ୯.୧୫ରେ ଏୟାର ଟ୍ରାଫିକ କଣ୍ଟ୍ରୋଲ(ଏଟିସି)ସହ ଏହାର ସମ୍ପର୍କ ଛିନ୍ନ ହୋଇଥିଲା। ଘଟଣାନେଇ ସୂଚନା ପାଇବା ପରେ ଭାରତୀୟ ସେନା, ଅରୁଣାଚଳ ପ୍ରଦେଶ ପୋଲିସ ଏବଂ ଅନ୍ୟାନ୍ୟ ସୂରକ୍ଷା ଏଜେନ୍ସି ପକ୍ଷରୁ ହେଲିକପ୍ଟରକୁ ଖୋଜିବା ଲାଗି ସର୍ଚ୍ଚ ଅପରେଶନ କରାଯାଇଥିଲା।
