ନୂଆଦିଲ୍ଲୀ,୨୮।୯: ଏସିଆନ ଗେମ୍ସରେ ଏବେ ଭାରତ ଓ ପାକିସ୍ତାନର ହକି ଟିମ ମୁହାଁମୁହିଁ ହେବାକୁ ଯାଉଛନ୍ତି। ଉଭୟ ଦଳ ମଧ୍ୟରେ ଏହି ମୁକାବିଲା ସିଧାସଳଖ ଫାଇନାଲ ଟିକେଟ ପାଇଁ ହେବ। ଅକ୍ଟୋବର ୧ ତାରିଖରେ ପୁରୁଷ ହକିର ସେମିଫାଇନାଲରେ ଭାରତ-ପାକିସ୍ତାନ ଟକ୍କର ହେବ। ଏହି ମ୍ୟାଚରେ ବିଜୟୀ ଦଳ ସ୍ବର୍ଣ୍ଣ ପଦକ ଦୌଡ଼ରେ ଆଉ ଗୋଟିଏ ପାଦ ଆଗକୁ ବଢ଼ିବ।
ଭାରତ ଓ ପାକିସ୍ତାନ ମଧ୍ୟରେ ପୁରୁଷ ହକି ସେମିଫାଇନାଲ ଅକ୍ଟୋବର ୧ରେ ଖେଳାଯିବ। ହକି ଇଣ୍ଡିଆ ମଧ୍ୟ ନିଜର ଅଧିକାରିକ ସୂଚନାରେ ଏହି ମୁକାବିଲା ନେଇ ସ୍ପଷ୍ଟ କରିଛି। ଉଭୟ ଦଳ ଏବେ ଫାଇନାଲରେ ସ୍ଥାନ ପକ୍କା କରିବା ଲକ୍ଷ୍ୟରେ ମଇଦାନକୁ ଓହ୍ଲାଇବେ।
ଏସିଆନ ଗେମ୍ସ ୨୦୨୬ରେ ଭାରତୀୟ ପୁରୁଷ ହକି ଟିମ ଭଲ ପ୍ରଦର୍ଶନ କରି ସେମିଫାଇନାଲରେ ପହଞ୍ଚିଛି। ପୁଲ ଷ୍ଟେଜ୍ରେ ଭାରତ ଲଗାତାର ବିଜୟ ହାସଲ କରି ନିଜ ଗ୍ରୁପ୍କୁ ନକଆଉଟ ପର୍ଯ୍ୟାୟକୁ ଯାଇଛି। ଏବେ ସେମିଫାଇନାଲରେ ଭାରତ ସାମ୍ନାରେ ପାକିସ୍ତାନର ଚ୍ୟାଲେଞ୍ଜ ରହିଛି।
ଅକ୍ଟୋବର ୧ ତାରିଖରେ ପୁରୁଷ ହକିର ଦୁଇଟି ସେମିଫାଇନାଲ ମ୍ୟାଚ ଖେଳାଯିବ। ସୂଚୀ ଅନୁସାରେ ଭାରତୀୟ ସମୟ ଅପରାହ୍ନ ୧ଟା ଓ ୩ଟା ୩୦ ମିନିଟ୍ରେ ସ୍ଲଟ ରଖାଯାଇଛି। ତେବେ ଭାରତ-ପାକିସ୍ତାନ ମୁକାବିଲା ଏହି ଦୁଇଟି ସ୍ଲଟ ମଧ୍ୟରୁ କେଉଁ ସମୟରେ ଖେଳାଯିବ, ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ସେମିଫାଇନାଲ ପରେ ଅକ୍ଟୋବର ୩ ତାରିଖରେ ପୁରୁଷ ହକିର ପଦକ ମୁକାବିଲା ହେବ। ସେମିଫାଇନାଲରେ ବିଜୟୀ ଦୁଇ ଦଳ ସ୍ବର୍ଣ୍ଣ ପଦକ ପାଇଁ ଲଢ଼ିବେ। ସେହିପରି ପରାଜିତ ଦୁଇ ଦଳ ମଧ୍ୟରେ ବ୍ରୋଞ୍ଜ ପଦକ ପାଇଁ ମୁକାବିଲା ହେବ।
ସୂଚୀ ଅନୁସାରେ ବ୍ରୋଞ୍ଜ ପଦକ ମ୍ୟାଚ ଅପରାହ୍ନ ୧ଟାରେ ଏବଂ ସ୍ବର୍ଣ୍ଣ ପଦକ ମ୍ୟାଚ ଅପରାହ୍ନ ୩ଟା ୩୦ ମିନିଟରେ ଖେଳାଯିବ।
ଭାରତ-ପାକିସ୍ତାନ ମଧ୍ୟରେ ହେବାକୁ ଥିବା ଏହି ସେମିଫାଇନାଲର ଲାଇଭ ପ୍ରସାରଣ Sony Sports Networkରେ ଦେଖିବାକୁ ମିଳିବ। ସେହିପରି Sony LIVରେ ମ୍ୟାଚରେ ଲାଇଭ ଷ୍ଟ୍ରିମିଂ ଉପଲବ୍ଧ ହେବ। ଏବେ ଅକ୍ଟୋବର ୧ରେ ହେବାକୁ ଥିବା ଏହି ହାଇଭୋଲ୍ଟେଜ ମୁକାବିଲା ଉପରେ ହକିପ୍ରେମୀଙ୍କ ନଜର ରହିବ।