ବ୍ରିସବେନ୍,୧୫।୧: ବର୍ଡର-ଗାଭାସ୍କର ସିରିଜର ଶେଷ ଟେଷ୍ଟ ବ୍ରିସବେନ୍ରରେ ଆରମ୍ଭ ହୋଇଛି। ଏହି ମ୍ୟାଚ୍ରେ ଡେବ୍ୟୁ କରିଥିବା ଟି.ନଟରାଜନ କମାଲ ପ୍ରଦର୍ଶନ କରିଛନ୍ତି। ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେବା ପରେ ଦଳକୁ ପ୍ରାରମ୍ଭିକ ୨ଟି ଝଟ୍କା ଲାଗିଥିଲା। ଡେଭିଡ ଓ୍ବାର୍ନର ଶୂନ ଏବଂ ମାର୍କସ ହାରିସ ୫ ରନ୍ରେ ଆଉଟ୍ ହୋଇଥିଲେ। ଏହାପରେ ଷ୍ଟିଭ୍ ସ୍ମିଥ୍ ୩୬, ମାଥ୍ୟୁ ଓ୍ବେଡ୍ ୪୫ ପାଳିକୁ ସମ୍ଭାଳି ଥିଲେ। ଏହାପରେ ମାର୍ଲନ ଲାବୁସେନଙ୍କ ଶତକ ବଳରେ ଅଷ୍ଟ୍ରେଲିଆ ପ୍ରଥମ ଦିନର ଖେଲ ଶେଷ ବେଳକୁ ୨୭୪ ରନ୍ ସଂଗ୍ରହ କରିଛି। ନଟରାଜନ ୨ଟି ଉଇକେଟ୍ ନେଇଥିବାବେଳେ, ଶାଦ୍ଦୁଳ ଠାକୁର, ମହମ୍ମଦ ସିରାଜ, ଓ୍ବାଶିଂଟନ୍ ସୁନ୍ଦର ୧-୧ ଉଇକେଟ ନେଇଥିଲେ। ଭାରତ ଅନଭିଜ୍ଞ ବୋଲିଂ ଆଟାକ ସହ ଅଷ୍ଟ୍ରେଲିଆ ବିପକ୍ଷରେ ମଇଦାନକୁ ଓହ୍ଲାଇଛି। ଆହତ କାରଣରୁ ଟିମ ଇଣ୍ଡିଆର ଦୁଇ ଅଭିଜ୍ଞ ବୋଲର ଯଶପ୍ରୀତ ବୁମ୍ରା ଓ ରବିଚନ୍ଦ୍ରନ ଅଶ୍ୱିନ ୪ର୍ଥ ଟେଷ୍ଟ ଖେଳୁନାହାନ୍ତି। ତାଙ୍କ ସ୍ଥାନରେ ଟି ନଟରାଜନ ଏବଂ ଓ୍ବାଶିଂଟନ୍ ସୁନ୍ଦର ଟେଷ୍ଟରେ ଡେବ୍ୟୁ କରିଛନ୍ତି।
