ପଟ୍ଟାଙ୍ଗି୨୧।୮(ଶରତ ଧଳ): ଅନୁସୂଚିତ ଜାତି ଓ ଜନଜାତିଙ୍କ ପାଇଁ ସ୍ଥାନ ସଂରକ୍ଷଣ ସଂକ୍ରାନ୍ତରେ ସୁପ୍ରିମକୋର୍ଟଙ୍କ ରାୟକୁ ବିରୋଧ କରି ଅନୁସୂଚିତ ଜାତି ଜନଜାତି , ପଛୁଆବର୍ଗ , ସଂଖାଲଘୁ ମିଳିତ କ୍ରିୟାନୁଷ୍ଠାନ କମିଟିର ଆହ୍ବାନ କ୍ରମେ ହୋଇଥିବା ଭାରତ ବନ୍ଦ ଡାକରା୍ର ପ୍ରଭାବ କୋରାପୁଟ ଜିଲା ତଥା ପଡୋଶୀ ଆନ୍ଧ୍ର ରାଜ୍ୟ ସୀମାକୁ ଲାଗି ରହିଥିବା ପଟ୍ଟାଙ୍ଗି ବ୍ଲକ ସଦର ମହକୁମା ଯଥା ବସଷ୍ଟାଣ୍ଡ ଉପରେ ଦେଖିବାକୁ ମିଳିଛି ।
ସୂଚନା କ୍ରମେ ଉକ୍ତ ବସଷ୍ଟାଣ୍ଡ ଉପରେ ବ୍ଲକର ଗଦବା ସମ୍ପ୍ରଦାୟର ଶୁକ୍ରା ଖରା , ଡମ ସମ୍ପ୍ରଦାୟର ଅର୍ଜୁନ ବାଙ୍କା , ପରଜା ସମ୍ପ୍ରଦାୟର ସୁବାଷ ଗାଲୁଙ୍ଗୁ ବଇ ଦୋରା ସମ୍ପ୍ରଦାୟର ବୈଦ୍ୟନାଥ ଗେମେଲ ଏବଂ କନ୍ଧ ସମ୍ପ୍ରଦାୟର ପୁଲୁ ମାରି ପ୍ରମୁଖଙ୍କ ନେତୃତ୍ୱରେ ଜାତୀୟ ରାଜପଥ ଉପରେ ଧାରଣା ଦେଇ ଆନ୍ଦୋଳନ କରା ଯାଇଥିବା ସହ ସମସ୍ତ ଦୋକାନ ବଜାର , ଶିକ୍ଷା ଅନୁଷ୍ଠାନ , ସରକାରୀ କାର୍ଯ୍ୟାଳୟ ଏବଂ ବ୍ୟାଙ୍କ ଗୁଡିକ ପ୍ରମୁଖକୁ ମଧ୍ୟ ବନ୍ଦ କରାଇ ସୁପ୍ରିମକୋର୍ଟଙ୍କ ରାୟ ଅନୁସୂଚିତବର୍ଗଙ୍କ ସଂରକ୍ଷଣ ବ୍ୟବସ୍ଥାକୁ ଅକାମୀ କରିଦେବ ଓ ଅଧିକ ସଂଖ୍ୟକ ସାଧାରଣ ବର୍ଗର ବ୍ୟକ୍ତିମାନେ ଏହାଦ୍ୱାରା ଉପକୃତ ହେବେ । ଏହି ଆନ୍ଦୋଳନରେ ପୂର୍ବତନ ଏମପି ତଥା କଂଗ୍ରେସ ନେତା ଜୟରାମ ପାଙ୍ଗି, ପୂର୍ବତନ ବ୍ଲକ ଅଧ୍ୟ ଜଗତଜ୍ୟୋତି ପାଙ୍ଗି, ଜିଲା ପରିଷଦ ସଭ୍ୟା ଜୋନ ୧ ଟିକାଇ ଗେମଲ, ଜୋନ୍ ୨ ଜିଲା ପରିଷଦ ସଭ୍ୟ ଲଇଚନ ଖରା ଏବଂ ସିମିଳିଗୁଡା ଜିଲା ପରିଷଦ ସଭ୍ୟ ମୋହନ ଜାନୀ ଇତ୍ୟାଦି ସାମିଲ ଥିଲେ।
ଉକ୍ତ ବନ୍ଦ ପାଳନ ପ୍ରଭାବରେ ସମସ୍ତ ଯାତ୍ରୀ ଅସୁବିଧାର ସମ୍ମୁଖିନ ହୋଇଥିବା ବେଳେ କୈଣସି ଅପ୍ରୀତିକର ପରିସ୍ଥିତିକୁ ଦୃଷ୍ଟିରେ ରଖି ପଟ୍ଟାଙ୍ଗି ଓ ସୁଙ୍କି ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି।
