ନୂଆଦିଲ୍ଲୀ,୨୬/୧୦: ଇସ୍ରାଏଲ ଏବଂ ପାଲେଷ୍ଟାଇନ ଆତଙ୍କୀ ସଂଗଠନ ହମାସ ମଧ୍ୟରେ ଚାଲିଥିବା ଯୁଦ୍ଧ ୨୦ ଦିନରେ ପହଞ୍ଚିଛି। ଗୁରୁବାର ଯୁଦ୍ଧକୁ ନେଇ ଆମେରିକା ରାଷ୍ଟ୍ରପତି ଜୋ ବାଇଡେନ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି ନିକଟରେ ‘ଦିଲ୍ଲୀରେ ଜି-୨୦ ସମ୍ମିଳନୀରେ ଭାରତ-ମଧ୍ୟପ୍ରାଚ୍ୟ ଅର୍ଥନୈତିକ କରିଡର ଘୋଷଣା ମଧ୍ୟ ଯୁଦ୍ଧର ଏକ କାରଣ ହୋଇପାରେ।’
ମିଡିଆ ରିପୋର୍ଟ ଅନୁଯାୟୀ ବାଇଡେନ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଆନ୍ଥୋନୀ ଆଲବାନିଜଙ୍କ ମଧ୍ୟର ବୈଠକ ପରେ ଏହି କଥା କହିଥିଲେ। ତେବେ ଏହା ପରେ ସେ କହିଥିଲେ କି ‘ଏହା ଏକ ଅନୁମାନ ଅଟେ, ଏହାକୁ ସାବ୍ୟସ୍ତ କରିବା ପାଇଁ ମୋ ପାଖରେ କୌଣସି ପ୍ରମାଣ ନାହିଁ।’ ଜି-୨୦ ବୈଠକ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାର ଘୋଷଣା କରିଥିଲେ। ଏହି ପ୍ରୋଜେକ୍ଟ ସମ୍ପୂର୍ଣ୍ଣ ଅଞ୍ଚଳରେ ରେଳମାର୍ଗ ସହିତ ଯୋଡିବ।
୭ ଅକ୍ଟୋବରରେ ହମାସ ଦ୍ୱାରା ଇସ୍ରାଏଲ ଉପରେ ୧୪୦୦ ମିସାଇଲ ଆକ୍ରମଣ କରିବା ପରେ ଏଥିରେ ହଜାରରୁ ଅଧିକ ଇସ୍ରାଏଲଇ ନାଗରିକ ମୃତ୍ୟୁ ବାରଣ କରିଥିଲେ। ଏହାପରେ ଇସ୍ରାଏଲ ପକ୍ଷରୁ ଜବାବି ଆକ୍ରମଣ ଆରମ୍ଭ ହୋଇଥିଲା। ଯେଉଁଥିରେ ଅନେକ ହମାସ ଆତଙ୍କବାଦୀଙ୍କ ସହିତ ହଜାର ହଜାର ସାଧାରଣ ନାଗରିକ ମୃତ୍ୟୁ ବରଣ କରିଛନ୍ତି।
