ନୂଆଦିଲ୍ଲୀ, ୧୬।୧୧: ଭାରତ ଏହାର ତୈଳ ଏବଂ ଗ୍ୟାସ ବଜାର ନୀତିକୁ କୋହଳ କରିଛି। ଯାହା ଫଳରେ ବିଶ୍ୱର ସମସ୍ୟା ସମୟରେ ମୁଦ୍ରାସ୍ପିତିକୁ ନିୟନ୍ତ୍ରଣ କରିଛି। ଗୁରୁବାର ଇଂଲଣ୍ଡର ଏକ କାର୍ଯ୍ୟକ୍ରମରେ ଯୋଗଦେଇ ଏହା କହିଛନ୍ତି ବୈଦେଶିକ ମନ୍ତ୍ରୀ ଏସ. ଜୟଶଙ୍କର। ଲଣ୍ଡନରେ ଭାରତର ଦୂତାବାସରେ ଗଣାମାଧ୍ୟମକୁ ସମ୍ବୋଧନ କରି ସେ କହିଛନ୍ତି ଯେ, ରୁଷ ଏବଂ ୟୁକ୍ରେନ ଯୁଦ୍ଧରେ ସମୟରେ ଭାରତର ତୈଳ କିଣା ପଲିସୀ ବିଶ୍ୱ ଅର୍ଥନୀତିକୁ ବିଶ୍ୱ ଅର୍ଥନୀତିକୁ ସ୍ଥିର କରିଛି।
ଯଦି ଭାରତ ରୁଷ ନିକଟରୁ ତୈଳ କିଣି ନଥାନ୍ତା, ତେବେ ବିଶ୍ୱରେ ଏହାର ଦର ଅହେତୁକ ଭାବେ ବଢିଯାଇଥିଲା। ତେବେ ଆମେ ଯଦି ରୁଷ ନିକଟରୁ ତୈଳ କିଣି ନଥାନ୍ତୁ ତେବେ ବିଶ୍ୱ ବଜାରରେ ତୈଳର ମୂଲ୍ୟ ଅହେତୁକ ବଢି ସାରନ୍ତାଣି।
ଏହି ସମୟରେ ସେ କହିଛନ୍ତି ଯେ, ଯେତେବେଳେ ବିଶ୍ୱର ଅନେକ ଛୋଟ ଦେଶ ଏହି ଘଟଣାରେ କୌଣସି ପ୍ରତିକ୍ରିୟା ଦେଉ ନଥିବା ବେଳେ ବେଳେ ଭାରତ ବିଶ୍ୱପ୍ରତି ଏହାର ଦାୟିତ୍ୱ ଲିଭାଇଛି। ମନ୍ତ୍ରୀ ଆହୁରି ମଧ୍ୟ କହିଛନ୍ତି, “ସେଠାରେ ବହୁତ ଛୋଟ ଦେଶ ଥିଲେ ଯେଉଁମାନେ ସେମାନଙ୍କର ଟେଣ୍ଡର ଅନୁସନ୍ଧାନର ପ୍ରତିକ୍ରିୟା ମଧ୍ୟ ପାଇନଥିଲେ କାରଣ ଲିକ୍ୱିଫାଏଡ୍ ପ୍ରାକୃତିକ ଗ୍ୟାସ୍ (LNG) ଯୋଗାଣକାରୀମାନେ ସେମାନଙ୍କ ସହ କାରବାର କରିବାକୁ ଆଗ୍ରହ ପ୍ରକାଶ କରୁନଥିଲେ।
