ନୂଆଦିଲ୍ଲୀ,୨୦।୨: ସୀମାନ୍ତରେ ସାମରିକ ବାହିନୀ ନିୟୋଜିତ ନ କରିବାକୁ ହୋଇଥିବା ଚୁକ୍ତିନାମାକୁ ବେଜିଂ ଉଲ୍ଲଂଘନ କରିବା ପରେ ଭାରତ ଏବଂ ଚାଇନା ମଧ୍ୟରେ ସମ୍ପର୍କ ଏବେ ଅତ୍ୟନ୍ତ କଠିତ ପରିସ୍ଥିତି ଦେଇ ଗତି କରୁଛି ବୋଲି ବୈଦେଶିକ ବ୍ୟାପାର ମନ୍ତ୍ରୀ ଡା ଏସ ଜୟଶଙ୍କର କହିଛନ୍ତି। ଜର୍ମାନୀରେ ମ୍ୟୁନିକ ସୁରକ୍ଷା ସମ୍ମିଳନୀ (ଏମ୍ଏସ୍ସି) ୨୦୨୨ ରେ ଆଲୋଚନା ବେଳେ ସେ ଏହା କହିଛନ୍ତି। ଏଠାରେ ସୀମାରେ ପରିସ୍ଥିତି ସମ୍ପର୍କର ସ୍ଥିତି ସ୍ଥିର କରିବ ଜୟଶଙ୍କର କହିଛନ୍ତି।
ଜୟଶଙ୍କର କହିଛନ୍ତି, ୪୫ ବର୍ଷ ଧରି ସୀମାରେ ଶାନ୍ତି ରହିଥିଲା, ସ୍ଥାୟୀ ସୀମା ପରିଚାଳନା ଥିଲା। ୧୯୭୫ ପରଠାରୁ ସୀମାରେ କୌଣସି ସାମରିକ କ୍ଷୟକ୍ଷତି ହୋଇ ନ ଥିଲା। ଏହି ପରିସ୍ଥିତିରେ ପରିବର୍ତ୍ତନ ଘଟିଛି କାରଣ ଆମର ଚାଇନା ସହିତ ଏକ ଚୁକ୍ତିନାମା ଥିଲା ଯେ ସୀମାରେ ସାମରିକ ବାହିନୀ ନିୟୋଜିତ ହେବ ନାହିଁ। କିନ୍ତୁ ଚାଇନା ଏହି ଚୁକ୍ତିନାମାକୁ ଉଲ୍ଲଂଘନ କରିଛି। ତେଣୁ ସୀମାରେ ପରିସ୍ଥିତି ସମ୍ପର୍କର ସ୍ଥିତି ସ୍ଥିର କରିବ। ଏହା ସ୍ବାଭାବିକ। ଏହା ସ୍ପଷ୍ଟ ଯେ ଚୀନ ସହିତ ସମ୍ପର୍କ ଏହି ସମୟରେ ଏକ କଠିନ ପର୍ଯ୍ୟାୟରେ ଅଛ।
ସୂଚନାଯୋଗ୍ୟ, ପା୍ୟାଙ୍ଗଙ୍ଗ ହ୍ରଦ ଅଞ୍ଚଳରେ ହିଂସାତ୍ମକ ସଂଘର୍ଷ ପରେ ପୂର୍ବ ଲଦାଖରେ ଭାରତ ଏବଂ ଚାଇନା ସୈନ୍ୟବାହିନୀ ମଧ୍ୟରେ ବିବାଦ ଆରମ୍ଭ ହୋଇଥିଲା। ଜୁନ ୧୫, ୨୦୨୦ରେ, ଗଲୱାନ ଉପତ୍ୟକାରେ ଉତ୍ତେଜନା ବୃଦ୍ଧି ପାଇଥିଲା। ଏହା ପରେ ଉଭୟ ଦେଶ ସୀମାରେ ସାମରିକ ବାହିନୀ ଏବଂ ଅସ୍ତ୍ରଶସ୍ତ୍ର ନିୟୋଜନ ବୃଦ୍ଧି କରିଥିଲେ।
