ଜୀବିକା ପାଇଁ ମାଛ ଧରୁଥିବାବେଳେ ଗଛ ଲଗାଇ ଜୈବ ବିବିଧତାର ସୁରକ୍ଷା କରୁଛନ୍ତି କେରଳର କଣ୍ଡଲ ରଞ୍ଜନ। କନ୍ନୁର ଜିଲାରେ କଣ୍ଡଲଙ୍କ ଘର। କଣ୍ଡଲର ଅର୍ଥ ହେଉଛି ମ୍ୟାନଗ୍ରୋଭ। ତାଙ୍କ ନାମକରଣ ଏଭଳି କରାଯାଇଛି ସତ, କିନ୍ତୁ ତାଙ୍କ କାମ ତାହାର ଯଥାର୍ଥତା ପ୍ରତିପାଦନ କରୁଛି। କାରଣ ସେ ପାଝାୟାଙ୍ଗଡି ନଦୀ ତଟରେ ମ୍ୟାନଗ୍ରୋଭର ସୁରକ୍ଷାରେ ଲାଗିଛନ୍ତି। ସେ ନଦୀ ତଟ ଅଞ୍ଚଳରେ ମ୍ୟାନଗ୍ରୋଭ ଗଛ ଲଗାଉଛନ୍ତି। ଏବେ ସୁଦ୍ଧା ସେ ଦେଢ ଲକ୍ଷ ଗଛ ଲଗାଇ ସାରିଲେଣି। କେବଳ ଏତିକି ନୁହେଁ, ସେ ତାଙ୍କ ଘରେ ଏକ ନର୍ସରି କରିଛନ୍ତି, ଯେଉଁଠି ବିଭିନ୍ନ କିସମ ୨୫,୦୦୦ ଚାରାଗଛ ଅଛି। ସେ ନଦୀରେ ମାଛମରିବା ସମୟରେ ମ୍ୟାନଗ୍ରୋଭ କ୍ଷୟ ହୋଇଯାଉଥିବା ଲକ୍ଷ୍ୟ କରିଥିଲେ। ବିଶେଷକରି ଏହା ମଣିଷକୃତ ବୋଲି ଅନୁଭବ କରିବା ପରେ ଏହାର ସୁରକ୍ଷା ଲାଗି ସେ ନିଷ୍ପତ୍ତି ନେଇଥିଲେ। ମ୍ୟାନଗ୍ରୋଭର ସୁରକ୍ଷା ହେଲେ ଜୈବ ବିବିଧତାର ସୁରକ୍ଷା ହୋଇପାରିବ ବୋଲି କହନ୍ତି ରଞ୍ଜନ।
