କେନ୍ଦୁଝର, ୭/୧ (ନରେଶ ଚନ୍ଦ୍ର ପଟ୍ଟନାୟକ): ସଦର ବ୍ଲକ ରାଇକଳା ଗ୍ରାମ ପଞ୍ଚାୟତ ରାଇକଳା ଗ୍ରାମର ଢିପାସାହି ପାଣି ପାଇଁ ଅବ୍ୟବସ୍ଥା। ଏ ସାହିରେ ପାଖାପାଖି ୧୦୦ ପରିବାର ଥିବାବେଳେ ପ୍ରାୟ ଏକ ହଜାର ଲୋକ ବସବାସ କରି ଆସୁଛନ୍ତି । କିନ୍ତୁ ଦୁଃଖ ଓ ପରିତାପର ବିଷୟ ଏଠିକାର ଲୋକଙ୍କ ଅବସ୍ଥା ବହୁ ସଚନୀୟ ଅବସ୍ଥା । ଏଠିକାର ଲୋକ ବହୁତ ଦୁଃଖ ଓ କ୍ଷଭୋର ସହିତ ପ୍ରକାଶ କରିଛନ୍ତି ସ୍ବାଧିନତାର ୭୬ ବର୍ଷ ପରେ ମଧ୍ୟ ଶିକ୍ଷା,ସ୍ୱାସ୍ଥ୍ୟ ଗମନାଗମନ ସହିତ ପାନୀୟ ଜଳ ଆଦି ପ୍ରତେକ କ୍ଷେତ୍ରରେ ଆମେ ପହୁ ପଛରେ ରହିଛୁ । ଆମେ ଅବହେଳିତ ନିଷ୍ପେସିତ,ଦୁର୍ବଳ ହୋଇ ରହିଛୁ । ସେମାନେ ନିଜକୁ ସଦରବ୍ଲକ ଅନ୍ତରଭ୍ୟୁତ କହି ଦୁଃଖ ପ୍ରକାଶ କରିଥିଲେ । କାରଣ ତାଙ୍କ ଗାଁରେ ସଦର ନିର୍ବାଚନ ମଣ୍ଡଳୀର ବରିଷ୍ଠ ଟାଣୁଆ ନେତା ତଥା ତିନି ତିନି ଥର ନିର୍ବାଚିତ ବିଧାୟକ ମହୋଦୟ ମୋହନ ଚରଣ ମାଝୀଙ୍କ ଘର ।
ଦ୍ଵୀପ ତଳ ଅନ୍ଧାର ଭଳି ଗଣତନ୍ତ୍ର ଶାସନରେ ରାଜା ରହୁଥିବା ଗାଁ ଆଜି ଏପରି ଅବ୍ୟବସ୍ଥାରେ ଗତି କରୁଛି । ଯୁବ ଓ ଶ୍ରମ ବିକାଶ ମଞ୍ଚ କେନ୍ଦୁଝରଗଡ ସଭାପତି ରଞ୍ଜନ କୁମାର ବେହେରା ଉପସଭାପତି ଜୟକୃଷ୍ଣ ନାଏକ ଉକ୍ତ ସାହିକୁ ପରିଦର୍ଶନରେ ଯାଇଥିଲେ ଯାହା ଦେଖିଲେ ତାହା ଥିଲା କଳ୍ପନା ବାହାରେ । ମାତ୍ର ୨ ଗୋଟି ନଳକୂପ ଥିବାବେଳେ ଯଉଥିରେକି ଦୂଷିତ ପାଣି ନିର୍ଗତ ହେଉଛି ପିଇବା ପାଣି ପାଇଁ ଅନୁପଯୁକ୍ତ । ୧୦୦ ପରିବାର ଗୋଟିଏ ନଳକୂପ ଉପରେ ନିର୍ଭରଶୀଳ । ଏ ଗ୍ରାମରେ କୌଣସି କୂପ କିମ୍ବା ପୋଖରୀ ନାହିଁ । ଗାଈ ଗୋରୁ ପିଇବା,ଲୋକମାନେ ଗାଧୋଇବା ଲୁଗା ପଟ୍ଟା ସଫା କରିବା ଓ ପିଇବା ପାଣି ସଂଗ୍ରହ ଏହି ଗୋଟିଏ ନଳକୂପ ଉପରେ ନିର୍ଭର କରିଥାନ୍ତି । ସମୟ ସମୟରେ କୋହଲା ପାଗ ଓ ବର୍ଷା ଦିନେ ଏହି ନଳକୂପରେ ପାଣି ବାହାରେ ନାହିଁ । ତେଣୁ ଝିଅ,ବହୂ,ମହିଳା ସମସ୍ତେ ବହୁତ ଅସୁବିଧାର ସମ୍ଭୂଖିନ ହୋଇଥାନ୍ତି ।
ଭାଜପାର ୩ ଥର ବିଧାୟକ ଓ ବିଧାନସଭାରେ ମୁଖ୍ୟ ସଚେତକ ବିରୋଧୀ ଦଳର ଉପସଚେତକ ଆଦି ଗୁରୁତ୍ବପୂର୍ଣ୍ଣ ପଦ ପଦବୀରେ ଥାଇ ମଧ୍ୟ ମୋହନ ଭାଇ ତାଙ୍କ ଗାଁର ଅବ୍ୟବସ୍ଥାକୁ ସମାଜସେବୀ ତୁଳସୀ ପାତ୍ର ନାପସନ୍ଦ କରିଛନ୍ତି । ତୁରଂତ ଏ ସାହିକୁ ପିଇବା ପାଣି ଯୋଗାଇଦେବାକୁ ମତ ରଖିଛନ୍ତି । ଏମିତିକି ପାଣି ଟୋପାଏ ମଧ୍ୟ ପିଇବାକୁ ପାଆନ୍ତି ନାହିଁ । ମେଗା ପ୍ରୋକଳ୍ପ ୨ କାନପୁର ଡ୍ୟାମ ପାଣି ପାଇପରେ ମଧ୍ୟ ଏ ସାହିର କୌଣସି ମାନଚିତ୍ରରେ ଆସୁ ନାହିଁ । ପାଣି ଅସୁବିଧା ପାଇଁ ଅନ୍ୟ ଗ୍ରାମର ଝିଅ ଏ ଗ୍ରାମକୁ ବାହା ଦେବା ପାଇଁ ମନା କରୁଛନ୍ତି । ତେଣୁ ତୁରନ୍ତ ଖରାଦିନ ପୂର୍ବରୁ ଏ ଢ଼ିପା ସାହିକୁ ପିଇବା ପାଣି ଯୋଗାଇଦେବା ସହିତ ମେଗା ପ୍ରକଳ୍ପରେ ପାଇପ ସଂଯୋଗ କରିବାକୁ ଦାବି ହେଉଛି ।
