ହିମାଚଳପ୍ରଦେଶର ରିଭା ସୁଦ୍ ରସାୟନମୁକ୍ତ କୃଷିରେ ୧ କୋଟି ଟଙ୍କାର ବ୍ୟବସାୟିକ ସାମ୍ରାଜ୍ୟ ପ୍ରତିଷ୍ଠା କରିପାରିଛନ୍ତି। ରିଭା ୭୦ ଏକର ଜମିରେ ଡ୍ରାଗନଫ୍ରୁଟ୍ସ ଚାଷ କରୁଛନ୍ତି। ସେ ଏହାକୁ ସ୍ଥାନୀୟ ଅଞ୍ଚଳରେ କେ.ଜି. ପ୍ରତି ୨୦୦ ଟଙ୍କାରେ ବିକ୍ରି କରିବା ସହ ସେଥିରୁ ଜୁସ୍ ପ୍ରସ୍ତୁତ କରୁଛନ୍ତି। ଏଥିପାଇଁ ସେ ଫାର୍ମର୍ସ ପ୍ରଡ୍ୟୁସର୍ ଅର୍ଗାନାଇଜେଶନ(ଏଫ୍ପିଓ) ‘ହିମ୍ ଟୁ ହମ୍’ ପ୍ରତିଷ୍ଠା କରିଛନ୍ତି। ଏହି ସଂସ୍ଥା ସହ ସେ ହିମାଚଳପ୍ରଦେଶ, ହରିୟାଣା, ପଞ୍ଜାବ, ଉତ୍ତରାଖଣ୍ଡ ଓ ଦିଲ୍ଲୀ ଭଳି ରାଜ୍ୟଗୁଡ଼ିିକରେ ୩୦୦ରୁ ଊର୍ଦ୍ଧ୍ୱ ମହିଳା ଚାଷୀଙ୍କୁ ସାମିଲ କରିଛନ୍ତି। ସେମାନେ ମଧ୍ୟ ଡ୍ରାଗନଫ୍ରୁଟ୍ସ ଚାଷ, ପ୍ରୋସେସିଂ ଓ ବ୍ୟବସାୟରେ ରିଭାଙ୍କୁ ସାହାଯ୍ୟ କରୁଛନ୍ତି। ଏହା ବ୍ୟତୀତ ଅଶ୍ୱଗନ୍ଧା ଓ ଶଜନା ଚାଷ କରି ସେଥିରୁ ଉତ୍ପାଦ ପ୍ରସ୍ତୁତ କରି ରିଭାଙ୍କ ସଂସ୍ଥା ମାଧ୍ୟମରେ ବିକ୍ରି କରି ଅଧିକ ଲାଭ ପାଉଛନ୍ତି। ରିଭାଙ୍କ ବୟସ ଏବେ ୬୭। ତାଙ୍କ ସ୍ବାମୀ ଜଣେ ଡାକ୍ତର ଏବଂ ସେ କ୍ୟାନସରରେ ପୀଡ଼ିତ । ଏହି ରୋଗର ମୂଳ କାରଣ କେମିକାଲଯୁକ୍ତ ଖାଦ୍ୟ ଜାଣିବା ପରେ ରିଭା ଗାଁକୁ ଫେରି କେମିକାଲମୁକ୍ତ ଚାଷ ଆରମ୍ଭ କରିଥିଲେ। ସେ ଥାଇଲାଣ୍ଡ ଓ ତାଇଓ୍ବାନରୁ ପ୍ରଥମେ ୨୦୦୦ ଡ୍ରାଗନଫ୍ରୁଟ୍ସ ଚାରା ଆଣି ୫ ଏକରରେ ଲଗାଇଥିଲେ। ପରେ ଚାଷକୁ ୭୦ ଏକରକୁ ବଢ଼ାଇଛନ୍ତି ଓ ଏବେ ଫାର୍ମରେ ୩୦,୦୦୦ ଗଛ ଅଛି।
