ଏବେ ଯିଏ ବାହାରକୁ ଯାଉଛନ୍ତି ଶୋଷ ହେଲେ ପ୍ଲାଷ୍ଟିକ ପାଣି ବୋତଲ କିଣି ପିଉଛନ୍ତି ଓ ପରେ ତାହାକୁ ଏଣେତେଣେ ପିଙ୍ଗି ଦେଉଛନ୍ତି। ରାସ୍ତାର ଦୁଇପାଖକୁ ଚାହିଁଲି ଖାଲି ପାଣି ବୋତଲ ପଡ଼ିଥିବା ମଧ୍ୟ ଦେଖିପାରିବେ। ଏହା ଅନେକ ବର୍ଷ ଧରି ପଡ଼ିରହି ମାଟି, ପାଣି ଓ ପବନ ସର୍ବୋପରି ପରିବେଶକୁ କ୍ଷତି କରିଛି। ଏଣୁ ଏଭଳି ସମସ୍ୟା ଦୂର କରିବା ଲାଗି କେରଳର ପ୍ରଦୀପ କୋକାଟ ଏବଂ ଅଲି ଅସ୍ଗର ଏକ ପ୍ରକାର ବୋତଲ ତିଆରି କରୁଛନ୍ତି, ଯାହା ପୂରା ପ୍ଲାଷ୍ଟିକ ଭଳି ଦେଖାଯାଉଛି ଓ ୩ ମାସ ମଧ୍ୟରେ ମାଟିରେ ସମ୍ପୂର୍ଣ୍ଣ ମିଶିଯାଇପାରୁଛି। ପ୍ରଦୀପ ଓ ଅଲି ‘ବାୟୋ ଗ୍ରିନ୍’ ଷ୍ଟାର୍ଟଅପ ମାଧ୍ୟମରେ ଏହା କରୁଛନ୍ତି। ମକା ଓ ଆଖୁ ବର୍ଜ୍ୟରୁ ଏକ ପ୍ରକାର ପଲିଲାକଟାଇଡ (ଏକ ପ୍ରକାର ଜୈବିକ ପଦାର୍ଥ) ପ୍ରସ୍ତୁତ କରି ସେଥିରୁ ବାୟୋ ପ୍ଲାଷ୍ଟିକ ତିଆରି କରୁଛନ୍ତି। ଏହି ବାୟୋ ପ୍ଲାଷ୍ଟିକ ଯେଉଁ ବୋତଲ ତିଆରି କରାଯାଉଛି ତାହା ଅବିକଳ ପ୍ଲାଷ୍ଟିକ ଭଳି ଦେଖାଯାଉଛି। ସେମାନେ ୧୦୦ ମିଲିଲିଟରରୁ ୧ ଲିଟର ପାଣି ରହୁଥିବା ବୋତଲ ତିଆରି କରୁଛନ୍ତି।
