ମୋବାଇଲ ମାୟାରେ ଏବେ ସାରା ଦୁନିଆ। ଫୋନ୍ ପାଇଁ କେତେବେଳେ ସମ୍ପର୍କ ଭାଙ୍ଗିଯାଉଛି ତ କେବେ ଜୀବନ ମଧ୍ୟ ଚାଲିଯାଉଛି। ଏମିତି କି ପତିପତ୍ନୀଙ୍କ ମଧ୍ୟରେ ଏଥିପାଇଁ ଝଗଡ଼ା ହୋଇ ଛାଡ଼ପତ୍ର ଦିଆନିଆ ଯାଏ ବି କଥା ପହଞ୍ଚତ୍ୟାଉଛି। ଠିକ୍ ଏମିତି ଘଟଣାଟିଏ ଘଟିଛି ଉତ୍ତରପ୍ରଦେଶର ଆଗ୍ରାରେ। ଏଠାରେ ଏକ ପରିବାର ଅଦାଲତରେ ଏଭଳି ଏକ ମାମଲା ପହଞ୍ଚତ୍ଛି। ସୂଚନା ଅନୁସାରେ ଏକ ଦମ୍ପତିଙ୍କ ମଧ୍ୟରେ ଆଇଫୋନ୍କୁ ନେଇ ଝଗଡ଼ା ହେବାରୁ ଉଭୟଙ୍କ ମଧ୍ୟରେ ଏବେ ବିଚ୍ଛେଦ ହେବାଯାଏ କଥାଯାଇଛି। ୮ ମାସ ତଳେ ଏହି ଦମ୍ପତିଙ୍କର ବିବାହ ହୋଇଥିଲା। ବିବାହର ୫ ମାସ ପରେ ପତ୍ନୀ ଏକ ଆଇଫୋନ୍ ଦେବାକୁ ତାଙ୍କ ସ୍ବାମୀଙ୍କୁ କହିଥିଲେ। ମାତ୍ର ଆଇଫୋନ୍ ଦେଇହେବନି ଓ ଯେଉଁ ଫୋନ୍ ଅଛି ସେଥିରେ କାମ ଚଳାଇବାକୁ କହି ତାଙ୍କ ସ୍ବାମୀ କଥା ଟାଳି ଦେଇଥିଲେ। ଆଇଫୋନ୍ ନ ଦେବାରୁ ସ୍ବାମୀଙ୍କ ସହିତ ଝଗଡ଼ା କରି ବାପଘରକୁ ଚାଲିଯାଇଥିଲେ। ଏହାପରେ ସ୍ବାମୀଙ୍କ ନାମରେ ପରିବାର ଅଦାଲତରେ ଅଭିଯୋଗ ବି କରିଥିଲେ।
