ମୋରଡା,୭/୪(ସ୍ମାରକ ମାଜୀ)- ମୟୂରଭଞ୍ଜ ଜିଲା ମୋରଡା ଥାନା ଅଞ୍ଚଳରେ ବେଆଇନ ଭାବେ ଗୋ ଚାଲାଣ ବୃଦ୍ଧି ପାଉଥିବାର ଦେଖାଯାଇଛି । ଅନେକ ସ୍ଥାନରେ ପୋଲିସର ଚଢ଼ାଉ ଜାରି ରହିଥିଲେ ହେଁ ବ୍ୟବସାୟୀ ବେଧଡକ ଭାବେ ଚାଲାଣ ଜାରି ରଖିଛନ୍ତି ।
ସୂଚନା ଅନୁଯାୟୀ, ଆଜି ମଙ୍ଗଳବାର ଉକ୍ତ ଥାନା ଅଞ୍ଚଳରେ ବେଆଇନ ଭାବେ ୧୩ଟି ଗୋରୁଙଅକୁ ବେପାରୀମାନେ ଚଲାଇ ଚଲାଇ ପଡୋଶୀ ପଶ୍ଚିମବଙ୍ଗକୁ ଚାଲାଣ କରୁଥିଲେ । ଏହି ସମୟରେ ଖବର ପାଇ ଚିତ୍ରଡା ଫାଣ୍ଡି ଅଧିକାରୀ ଭୀମସେନ ମଲିକ ଏବଂ ପୋଲିସ କର୍ମଚାରୀ ସକାଳ ୭ଟା ୩୦ ମିନିଟ ସମୟରେ ଉକ୍ତ ଥାନା ଅଧୀନ ହରେକୃଷ୍ଣପୁର ନିକଟରେ ଚଢ଼ାଉ କରି ଗୋରୁମାନଙ୍କୁ ଜବତ କରିଛନ୍ତି । ତେବେ ଘଟଣାସ୍ଥଳରୁ ବେପାରୀମାନେ ଫେରାର ହୋଇଥିବାର ସୂଚନା ମିଳିଛି । ପୋଲିସ ଅଧିକ ତଦନ୍ତଚ ଜାରି ରଖିଛି ।
