ରୋମ,୨୧।୧ : ଭାରତର ଅନେକ ସ୍ଥାନରେ ବୁଲା କୁକୁରମାନଙ୍କ ଉପଦ୍ରବ ନେଇ ଉତ୍ତେଜନା ଦେଖାଦେଇଛି। କେତେକ କ୍ଷେତ୍ରରେ ପୋଲିସର କାର୍ଯ୍ୟାନୁଷ୍ଠାନ ମଧ୍ୟ ନିଆଯାଇଛି। ରାସ୍ତାରେ କୁକୁର ମଳତ୍ୟାଗ ଉପରେ ମଧ୍ୟ ବିବାଦ ଲାଗି ରହିଛି। ଅନେକ ଦେଶରେ ଏହି ବିଷୟରେ କଡା ନିୟମ ରହିଛି। ତେକେତ ଦେଶରେ ରାସ୍ତାରେ କୁକୁରମାନେ ମଳତ୍ୟାଗ କଲେ ମାଲିକଙ୍କୁ ଜରିମାନା ଦେବାକୁ ପଡୁଛି। ତେବେ କୁକୁରମାନଙ୍କର ଏହି ଆଚରଣକୁ ମୁକାବିଲା କରିବା ପାଇଁ ଇଟାଲୀର ଏକ ସହର ବର୍ତ୍ତମାନ ଯୋଜନା ପ୍ରସ୍ତୁତ କରିଛି।
ଖବର ଅନୁଯାୟୀ, ଇଟାଲୀର ଇତାଲବି ସହରରେ କୁକୁରମାନେ ରାସ୍ତାରେ ମଳାତ୍ୟାଗ କରିବା ଯୋଗୁ ଲୋକେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି। ଲୋକମାନେ ଏ ବିଷୟରେ ବହୁତ ଅଭିଯୋଗ କରିଛନ୍ତି । ଏଭଳି ପରିସ୍ଥିତିରେ କେଉଁ କୁକୁର ରାସ୍ତାରେ ଠିଆ ହୋଇ ଏଭଳୀ କରିଛି ତାହା ଅନୁସନ୍ଧାନ କରିବା କଷ୍ଟକର ହେଉଥିଲା। ଏଭଳି ପରିସ୍ଥିତିରେ ୪୦ ହଜାର କୁକୁରଙ୍କ ପାଇଁ ଡିଏନଏ ଟେଷ୍ଟ କରିବାକୁ ପ୍ରଶାସନ ନିଷ୍ପତ୍ତି ନେଇଛି।
୧୦ ହଜାରରୁ ଅଧିକ କୁକୁରଙ୍କର ଡିଏନଏ ପରୀକ୍ଷା କରାଯାଇଛି ବୋଲି କୁହାଯାଉଛି। ଏହି ପ୍ରକ୍ରିୟା କ୍ରମାଗତ ଭାବରେ ଜାରି ରହିଛି। ଯାଞ୍ଚ୍ ପ୍ରକ୍ରିୟା ସମାପ୍ତ ହେବା ପରେ, କେଉଁ କୁକୁର ରାସ୍ତାରେ ମଳତ୍ୟାଗ କରିଛି ତାହାକୁ ଚିହ୍ନଟ କରାଯାଇ ଏହାର ମାଲିକଙ୍କ ଉପରେ ଜରିମାନା ଲଗାଯିବା ସହଜ ହେବ ବୋଲି କୁହାଯାଉଛି।
ତଥାପି, ଜରିମାନା ପରିମାଣ କମ ନୁହେଁ । ଯଦି ଗୋଟିଏ କୁକୁର ରାସ୍ତାରେ ମଳତ୍ୟାଗ କରେ ତେବେ ମାଲିକଙ୍କୁ ୫୦ ରୁ ୫୦୦ ୟୁରୋ ( ୪୫ ଶହ ରୁ ୪୫ ହଜାର ଟଙ୍କା) ଜରିମାନା କରାଯାଇପାରେ । ଜଣେ ଅଧିକାରୀ କହିଛନ୍ତି ସହରରେ ସର୍ବସାଧାରଣ ଜମିର ପରିଚାଳନା ପ୍ରତିବର୍ଷ ଶହ ଶହ ଅଭିଯୋଗ ଗ୍ରହଣ କରିଥାଏ, ଯାହା ମଧ୍ୟରୁ ଅଧିକାଂଶ କୁକୁର ସହ ଜଡିତ। ଏଭଳି ପରିସ୍ଥିତିରେ ଅଭିଯୁକ୍ତ ତଥା ଅପରାଧୀଙ୍କୁ ଧରିବା କଷ୍ଟକର ହୋଇପଡିଥିଲା।
କେବଳ ଏତିକି ନୁହେଁ ମାର୍ଚ୍ଚ ସୁଦ୍ଧା ସମସ୍ତ ପୋଷା କୁକୁରମାନଙ୍କର ଡିଏନଏ ପରୀକ୍ଷା କରିବା ବାଧ୍ୟତାମୂଳକ କରାଯାଇଛି। ନୂତନ ନିୟମ ଅନୁଯାୟୀ, ଯଦି କେହି ନିୟମ ପାଳନ ନ କରନ୍ତି, ତେବେ ତାଙ୍କ ଉପରେ ୨୬,୪୦୦ – ୯୫,୦୪୧ ଟଙ୍କା ଜରିମାନା ଲାଗୁ କରାଯାଇପାରେ।
