ନ୍ୟୁୟର୍କ,୮।୧: ଗ୍ରୀନଲ୍ୟାଣ୍ଡକୁ ନେଇ ଡୋନାଲ୍ଡ ଟ୍ରମ୍ପଙ୍କ ‘ଗ୍ରେଟର୍ ଆମେରିକା’ ମିଶନ ଏକ ନୂଆ ଆଲୋଡ଼ନ ସୃଷ୍ଟି କରିଛି। ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗ୍ରୀନଲ୍ୟାଣ୍ଡକୁ ଆମେରିକାରେ ଅନ୍ତର୍ଭୁକ୍ତ କରିବା ଲାଗି ଯୋଜନା ପ୍ରସ୍ତୁତ କରିଛନ୍ତି। ଏପରିକି ସେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଧମକ ଦେଇଛନ୍ତି। ଏମିତିରେ ଆସନ୍ତୁ ଜାଣିବା ଗ୍ରୀନଲ୍ୟାଣ୍ଡକୁ ନେଇ ଆମେରିକାର ବିପଦ କେତେ?
ବର୍ତ୍ତମାନ ଆମେରିକୀୟ ସୈନିକମାନେ ଗ୍ରୀନଲ୍ୟାଣ୍ଡରେ ଉପସ୍ଥିତ ଅଛନ୍ତି। ଆମେରିକାର ଥୁଲ୍ ଏୟାର ବେସ୍ ଗ୍ରୀନଲ୍ୟାଣ୍ଡରେ ଅଛି, ଯାହା ବର୍ତ୍ତମାନ ପିଟୁଫିକ୍ ସ୍ପେସ୍ ଫୋର୍ସ ବେସ୍ ଭାବେ ଜଣାଶୁଣା।ଏହା ହେଉଛି ଆମେରିକାର ଉତ୍ତରତମ ସାମରିକ ବେସ। ଆମେରିକାର ବିଶ୍ୱସ୍ତରୀୟ ରଣନୀତିର ଏକ ଗୁରୁତ୍ୱପୂର୍ଣ୍ଣ ଅଂଶ ଅଟେ।
କେବଳ ଏତିକି ନୁହେଁ ଆମେରିକାର ଗ୍ରୀନଲ୍ୟାଣ୍ଡରେ ଅନ୍ୟାନ୍ୟ ଗୁପ୍ତ ବେସ୍ ଥାଇପାରେ, ଯାହାର ସବିଶେଷ ତଥ୍ୟ ସାର୍ବଜନୀନ ନୁହେଁ। ନିକଟରେ ନାଶା ଗ୍ରୀନଲ୍ୟାଣ୍ଡରେ ଆମେରିକାର ଏକ ଅଣ୍ଡରଗ୍ରାଉଣ୍ଡ ବେସ୍ ଥିବା ନିଶ୍ଚିତ କରିଥିଲା। ଏଣୁ ଏହାକୁ କବ୍ଜା କରିବାକୁ ଆମେରିକାର ଆଖପାଖ ଅଞ୍ଚଳରେ ଅନେକ ସାମରିକ ବେସ ଅଛି। ଏଭଳି ସ୍ଥିତିରେ ଯଦି ଆମେରିକା ଏସବୁ ସମ୍ଭାବ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରିପାରେ:-
-ଗ୍ରୀନଲ୍ୟାଣ୍ଡର ଥୁଲେ ଏୟାର ବେସ୍ ଏବଂ ଆଖପାଖର ଆମେରିକୀୟ ସାମରିକ ବେସରୁ ଏୟାର ଷ୍ଟ୍ରାଇକ୍ କରାଯାଇପାରିବ। ସାଇବର ଆକ୍ରମଣ ମାଧ୍ୟମରେ ଡେନମାର୍କ ଏବଂ ଗ୍ରୀନଲ୍ୟାଣ୍ଡର ଯୋଗାଯୋଗ ଏବଂ ପ୍ରତିରକ୍ଷା ପ୍ରଣାଳୀ ଅକ୍ଷମ ହୋଇପାରିବ।
-ଗ୍ରୀନଲ୍ୟାଣ୍ଡର ଗୁରୁତ୍ୱପୂର୍ଣ୍ଣ ସ୍ଥାନରେ ସ୍ବତନ୍ତ୍ର ଫୋର୍ସ ମୁତୟନ କରାଯିବ। ସ୍ଥାନୀୟ ପ୍ରଶାସନକୁ କବ୍ଜାକୁ ନେଇ ଗ୍ରୀନଲ୍ୟାଣ୍ଡର ସାର୍ବଭୌମତ୍ୱ ଉପରେ ପ୍ରତ୍ୟକ୍ଷ ନିୟନ୍ତ୍ରଣ ସ୍ଥାପିତ ହୋଇପାରିବ।
-ଗ୍ରୀନଲ୍ୟାଣ୍ଡର ଚାରିପାଖରେ ଏକ ନୌସେନା କର୍ଡନ ଲାଗୁ ହେବ ଯାହାଦ୍ୱାରା ଡେନଓ୍ବାର୍କ କିମ୍ବା ନାଟୋ କୌଣସି ସାହାଯ୍ୟ ପଠାଇପାରିବ ନାହିଁ।
-ଥୁଲେ ଏୟାରବେସ୍ ମାଧ୍ୟମରେ ଗ୍ରୀନଲ୍ୟାଣ୍ଡର ସାମରିକ ଏବଂ ଅର୍ଥନୈତିକ ସମ୍ବଳ ଉପରେ ସ୍ଥାୟୀ ନିୟନ୍ତ୍ରଣ ସୁନିଶ୍ଚିତ କରାଯାଇପାରେ। ଏହି ଅପରେଶନ ଅତିବେଶିରେ ଦୁଇ ଘଣ୍ଟା ମଧ୍ୟରେ ସମାପ୍ତ ହୋଇପାରିବ, ବିଶେଷତଃ ଯଦି ଡେନମାର୍କ ଏବଂ ନାଟୋ ସକ୍ରିୟ ଭାବେ ବିରୋଧ ନ କରନ୍ତି।
୧୯୪୧ ମସିହା ଦ୍ୱିତୀୟ ବିଶ୍ୱଯୁଦ୍ଧ ସମୟରେ, ଆମେରିକା ଏବଂ ଡେନମାର୍କ ଗ୍ରୀନଲ୍ୟାଣ୍ଡର ସୁରକ୍ଷା ନିଶ୍ଚିତ କରିବାକୁ ଏକ ଚୁକ୍ତିନାମା ସ୍ବାକ୍ଷର କରିଥିଲେ। ଏହା ଅଧୀନରେ ଗ୍ରୀନଲ୍ୟାଣ୍ଡରେ ସାମରିକ ବେସ ନିର୍ମାଣ ଏବଂ ଏହାକୁ ରଣନୈତିକ ଭାବେ ସୁରକ୍ଷିତ ରଖିବା ଦାୟିତ୍ୱ ଆମେରିକାକୁ ଦିଆଯାଇଥିଲା।
୧୯୫୧ ମସିହାରେ ଏହି ଚୁକ୍ତିନାମା ନାଟୋ ସହଯୋଗରେ କାର୍ଯ୍ୟକାରୀ ହୋଇଥିଲା। ଯାହା ଗ୍ରୀନଲ୍ୟାଣ୍ଡରେ ସ୍ଥାୟୀ ସାମରିକ ଉପସ୍ଥିତି ରହିବା ପାଇଁ ଆମେରିକାକୁ ଅଧିକାର ଦେଇଥିଲା। ଏହି ଚୁକ୍ତିନାମାର ଉଦ୍ଦେଶ୍ୟ ଥିଲା ଆର୍କଟିକ ଅଞ୍ଚଳରେ ସୋଭିଏତ ୟୁନିଅନର ପ୍ରଭାବକୁ ବନ୍ଦ କରିବା।
ଗ୍ରୀନଲ୍ୟାଣ୍ଡର ପ୍ରଧାନମନ୍ତ୍ରୀ ମ୍ୟୁଟ୍ ବୋଡେ ଟ୍ରମ୍ପଙ୍କ ଯୋଜନାକୁ ଦିବାସ୍ବପ୍ନ ବୋଲି କହିଛନ୍ତି। ଗ୍ରୀନଲ୍ୟାଣ୍ଡ ସରକାର ଏକ ବିବୃତ୍ତି ଜାରି କରି କହିଛନ୍ତି ଯେ ଆମର ସାର୍ବଭୌମତ୍ୱ ଏବଂ ସ୍ବାଧୀନତା କ୍ଷୁର୍ଣ୍ଣ ହେବ ନାହିଁ। ଆନ୍ତର୍ଜାତୀୟ ସଂଗଠନ ଏବଂ ଡେନମାର୍କର ସହଯୋଗରେ ଆମେ ଆମର ଅଧିକାର ରକ୍ଷା କରିବୁ । ଆମେ ଆମେରିକାର ଏହି ଧମକକୁ ଦୃଢ଼ ବିରୋଧ କରୁଛୁ ଏବଂ ନାଟୋର ସହଯୋଗରେ ଗ୍ରୀନଲ୍ୟାଣ୍ଡକୁ ସୁରକ୍ଷା ଦେବୁ।
