ନୂଆଦିଲ୍ଲୀ, ୧୯।୧୦: ମହିଳା ମାନଙ୍କ ପାଇଁ ପୂର୍ବରୁ ଅନେକ ଗର୍ଭନିରୋଧକ ଔଷଧ ଉପଲବ୍ଧ ରହିଥିଲେ ମଧ୍ୟ ପୁରୁଷ ମାନଙ୍କ ପାଇଁ ସେଭଳି କିଛି ଔଷଧ ଆସି ନଥିଲା। ବର୍ତ୍ତମାନ ଭାରତୀୟ ଆୟୁର୍ବିଜ୍ଞାନ ଅନୁସନ୍ଧାନ ପରିଷଦ (ଆଇସିଏମଆର)କୁ ଏକ ବଡ଼ ସଫଳତା ମିଳିଛି। ୭ ବର୍ଷର ମେଡିକାଲ ପରୀକ୍ଷଣ ପରେ ଆଇସିଏମଆର କହିଛି ଯେ ପୁରୁଷ ମାନଙ୍କ ପାଇଁ ଗର୍ଭନିରୋଧକ ଔଷଧ ପ୍ରସ୍ତୁତ କରାଯାଇଛି, ଯାହାର କୌଣସି ପାର୍ଶ୍ୱ ପ୍ରତିକ୍ରିୟା ନାହିଁ।
ଏହି ଔଷଧ ଲମ୍ବା ସମୟ ପର୍ଯ୍ୟନ୍ତ ପ୍ରଭାବ ରଖିଥାଏ। ଏଥିପାଇଁ ଆଇଏମଆର ୩୦୩ ସମାଜସେବୀଙ୍କ ଉପରେ ୭ ବର୍ଷ ଧରି ପରୀକ୍ଷା ପରେ ଏହି ନିଷ୍କର୍ଷରେ ପହଞ୍ଚିଥିଲା। ଏହି ଅନୁସନ୍ଧାନ ମୁତାବକ ରିଭରସିବଲ ଇନହିବିସନ ଅଫ ସ୍ପର୍ମ ଅଣ୍ଡର ଗାଇଡାନ୍ସ(RISUG) ୯୯ପ୍ରତିଶତ ପ୍ରଭାବି ଅଟେ। ଏହି ଅନୁସନ୍ଧାନରେ ପୁରୁଷଙ୍କ ବ୍ୟତୀତ ମହିଳା ମାନଙ୍କ ଉପରେ ମଧ୍ୟ ପାର୍ଶ୍ଵପ୍ରତିକ୍ରିୟା ସମ୍ବଧିତ ପରୀକ୍ଷା କରାଯାଇଥିଲା। ଏଥିପାଇଁ ସେହି ମହିଳା ମାନଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଇଥିଲା ଯେଉଁମାନଙ୍କର ସ୍ଵାମୀମାନେ ଏହି ପରୀକ୍ଷଣରେ ସାମିଲ ଥିଲେ।
ଆଇଆଇଟି ଖଡ଼ଗପୁରର ଡା. ସୁଜୟ ଗୁହା ଏହି ଔଷଧକୁ ୧୯୭୯ରେ ପ୍ରସ୍ତୁତ କରିଥିଲେ, କିନ୍ତୁ ଏହାର ତୃତୀୟ ପର୍ୟ୍ୟାୟ ପରୀକ୍ଷା ପାଇଁ ଅନେକ ଦିନ ସମୟ ଲାଗିଯାଇଥିଲା, ଯାହାର ରିପୋର୍ଟ ବର୍ତ୍ତମାନ ଆସିଛି।
