ଦୁବାଇ,୨୧ା୭ (ପି.ଟି.): ଅନ୍ତର୍ଜାତୀୟ କ୍ରିକେଟ କାଉନସିଲ (ଆଇସିସି) ମହିଳା ଦିନିକିଆ ର଼୍ୟାଙ୍କିଙ୍ଗ୍ରେ ଭାରତୀୟ ଅଧିନାୟିକା ଶୀର୍ଷ ସ୍ଥାନକୁ ପ୍ରତ୍ୟାବର୍ତ୍ତନ କରିଛନ୍ତି। ୭୬୨ ପଏଣ୍ଟ ପାଇ ସେ ବ୍ୟାଟିଂ ତାଲିକାରେ ପୁଣି ଥରେ ଏକ ନମ୍ବର ସ୍ଥାନ ଅଧିକାର କରିଛନ୍ତି। ସେହିପରି ବାମହାତୀ ବ୍ୟାଟ୍ସଓମ୍ୟାନ ସ୍ମୃତି ମାନ୍ଧନା ୩ ନମ୍ବର ସ୍ଥାନ ଅଧିକାର କରି ଟପ୍-୧୦ରେ ସ୍ଥାନିତ ହୋଇଛନ୍ତି। ନବମଥର ପାଇଁ ମିଥାଲି ଏକ ନମ୍ବର ସ୍ଥାନ ଅଧିକାର କରିଛନ୍ତି। ୧୬ ବର୍ଷ ତଳେ ସେ ପ୍ରଥମଥର ପାଇଁ ଶୀର୍ଷ ସ୍ଥାନ ଅଧିକାର କରିବାର ସୌଭାଗ୍ୟ ପାଇଥିଲେ। ଓ୍ବେଷ୍ଟଇଣ୍ଡିଜ ଅଧିନାୟିକା ଷ୍ଟିପାନି ଟେଲର ପଞ୍ଚମ ସ୍ଥାନକୁ ଖସିବା ଫଳରେ ମିଥାଲି ଶୀର୍ଷକୁ ଉଠିଥିଲେ।
ବୋଲିଂ ତାଲିକାରେ ଭାରତର ଅଭିଜ୍ଞ ଦ୍ରୁତ ବୋଲର ଝୁଲଣ ଗୋସ୍ବାମୀ ପଞ୍ଚମ ସ୍ଥାନରେ ରହି ଏକମାତ୍ର ଭାରତୀୟ ଭାବେ ଟପ୍-୧୦ରେ ସାମିଲ ହୋଇଛନ୍ତି। ସେହିପରି ଅଲରାଉଣ୍ଡର ତାଲିକାରେ ଦୀପ୍ତି ଶର୍ମା ମଧ୍ୟ ପଞ୍ଚମ ସ୍ଥାନରେ ରହିଛନ୍ତି।
ମହିଳା ଟି୨୦ ର଼୍ୟାଙ୍କିଙ୍ଗ୍ରେ ଭାରତୀୟ ବାମହାତୀ ଓପନର ସ୍ମୃତି ମାନ୍ଧନା କ୍ୟାରିୟର ଶ୍ରେଷ୍ଠ ତୃତୀୟ ସ୍ଥାନ ଅଧିକାର କରିଛନ୍ତି। ପୂର୍ବରୁ ମଧ୍ୟ ସେ ତୃତୀୟ ସ୍ଥାନ ଅଧିକାର କରିଥିଲେ। ଇଂଲଣ୍ଡ ବିପକ୍ଷ ଅନ୍ତିମ ଟି୨୦ରେ ୭୦ ରନ ସଂଗ୍ରହ କରି ସେ ଏହି ସଫଳତା ପାଇଛନ୍ତି।
