ନୂଆଦିଲ୍ଲୀ,୬।୮: ମହମ୍ମଦ ସିରାଜ ICC ରାଙ୍କିଙ୍ଗରେ ୧୨ ସ୍ଥାନର ଏକ ବିରାଟ ଲମ୍ଫ ମାରିଛନ୍ତି। ଯଶସ୍ବୀ ଜୟସ୍ବାଲ ଶ୍ରେଷ୍ଠ ୫ରେ ଆସିଛନ୍ତି। ଭାରତ ବନାମ ଇଂଲଣ୍ଡ ୫ମ ଟେଷ୍ଟ ପରେ, ICC ବୁଧବାର ରାଙ୍କିଙ୍ଗକୁ ଅପଡେଟ କରିଛି। ପୂର୍ବରୁ ସିରାଜ ଟେଷ୍ଟ ବୋଲିଂ ରାଙ୍କିଙ୍ଗ ତାଲିକାରେ ୨୭ ତମ ସ୍ଥାନରେ ଥିଲେ। ଜୟସ୍ବାଲ ଟେଷ୍ଟ ବ୍ୟାଟିଂ ରାଙ୍କିଙ୍ଗରେ ୫ମ ସ୍ଥାନରେ ପହଞ୍ଚିଛନ୍ତି।
ସିରାଜ ଇଂଲଣ୍ଡ ବିପକ୍ଷ ୫ମ ଟେଷ୍ଟରେ ମୋଟ ୯ ଉଇକେଟ୍ ଏବଂ ଦ୍ୱିତୀୟ ଇନିଂସରେ ୫ ଉଇକେଟ୍ ନେଇଥିଲେ। ଏହି ଚମତ୍କାର ପ୍ରଦର୍ଶନ ଯୋଗୁଁ ଭାରତ ୬ ରନରେ ମ୍ୟାଚ ଜିତିଥିଲା ଏବଂ ସିରାଜଙ୍କୁ ଶ୍ରେଷ୍ଠ ଖେଳାଳି ବିବେଚିତ କରାଯାଇଥିଲା। ଆଇସିସି ରାଙ୍କିଙ୍ଗରେ ତାଙ୍କୁ ଏଥିପାଇଁ ପୁରସ୍କାର ମଧ୍ୟ ମିଳିଛି। ମହମ୍ମଦ ସିରାଜ ୬୭୪ ରେଟିଂ ସହିତ ଆଇସିସି ଟେଷ୍ଟ ବୋଲିଂ ରାଙ୍କିଙ୍ଗରେ ୧୫ ନମ୍ବରରେ ଅଛନ୍ତି। ସେ ଏକ ବଡ଼ ଲମ୍ଫ ମାରିଛନ୍ତି, ସେ ପୂର୍ବରୁ ୨୭ ତମ ସ୍ଥାନରେ ଥିଲେ।
ଟେଷ୍ଟ ରାଙ୍କିଂରେ ଶ୍ରେଷ୍ଠ ୫ ବୋଲରଙ୍କ ତାଲିକା ଏବଂ ସେମାନଙ୍କ ରେଟିଂ
ଜସପ୍ରିତ ବୁମରାହ (ଭାରତ)- ୮୮୯
କାଗିସୋ ରାବାଡା (ଦକ୍ଷିଣ ଆଫ୍ରିକା)- ୮୫୧
ପାଟ କମିନ୍ସ (ଅଷ୍ଟ୍ରେଲିଆ)- ୮୩୮
ମ୍ୟାଟ ହେନରୀ (ନ୍ୟୁଜିଲାଣ୍ଡ)- ୮୧୭
ଜଶ ହାଜେଲଉଡ (ଅଷ୍ଟ୍ରେଲିଆ)- ୮୧୫
