ପୁନେ,୩।୭: ପୁନେରେ ଏକ ଲଜ୍ଜାଜନକ ଘଟଣା ଘଟିଛି। ଜଣେ ୨୨ ବର୍ଷୀୟା ମହିଳାଙ୍କୁ ତାଙ୍କ ଆପାର୍ଟମେଣ୍ଟରେ ଜଣେ ବ୍ୟକ୍ତି ଡେଲିଭରି ବୟ ପରିଚୟ ଦେଇ ବଳାତ୍କାର କରିଛନ୍ତି। ଘଟଣାଟି ବୁଧବାର ସନ୍ଧ୍ୟା ପ୍ରାୟ ୭.୩୦ଟାରେ କୋନ୍ଧୱା ଅଞ୍ଚଳରେ ଘଟିଛି। ଘଟଣାବେଳେ ମହିଳା ଜଣକ ଘରେ ଏକା ଥିଲେ।
ପୋଲିସ କହିଛି ଯେ, ଅଭିଯୁକ୍ତ ଏକ ଲଫାପା ଧରି ଆସି ଏକ ଓଟିପି ମାଗିଥିଲେ। ମହିଳା ଜଣକ ତାଙ୍କ ଫୋନ ଯାଞ୍ଚ କରିବାକୁ ଭିତରକୁ ଯାଇଥିଲେ, ସେହି ବ୍ୟକ୍ତି ତାଙ୍କ ଫ୍ଲାଟରେ ପ୍ରବେଶ କରି ଦ୍ୱାର ବନ୍ଦ କରି ଦେଇଥିଲେ। ପୋଲିସ ଅଧିକାରୀଙ୍କ ଅନୁଯାୟୀ, ସେ ତାଙ୍କୁ ବଳାତ୍କାର କରି ଘଟଣାସ୍ଥଳରୁ ପଳାଇ ଯାଇଥିଲେ। ଆକ୍ରମଣକାରୀ ତାଙ୍କ ମୁହଁରେ କିଛି ସ୍ପ୍ରେ କରିଥିଲେ, ଯାହା ପରେ ସେ ପ୍ରାୟ ଏକ ଘଣ୍ଟା ପର୍ଯ୍ୟନ୍ତ ଅଚେତ ଥିଲେ।
ଏକ ଘରୋଇ ସଂସ୍ଥାରେ କାମ କରୁଥିବା ମହିଳା ଜଣକ ରାତି ପ୍ରାୟ ୮.୩୦ଟାରେ ଚେତା ଫେରି ପାଇଲେ ଏବଂ ତାଙ୍କ ସମ୍ପର୍କୀୟଙ୍କୁ ଡାକିଲେ। ତା’ପରେ ସେମାନେ ପୋଲିସକୁ ଖବର ଦେଇଥିଲେ।
ଏହି ମାମଲାରେ ୧୦ଟି ଦଳ, ୫ଟି କ୍ରାଇମ ବ୍ରାଞ୍ଚ ଏବଂ ୫ଟି ଜୋନାଲ ଟିମ କାମ କରୁଛନ୍ତି। ମହିଳାଙ୍କ ଫୋନରେ ଏକ ସେଲ୍ଫି ମିଳିଛି। ଆମେ ଏହାର ବିଶ୍ଳେଷଣ କରୁଛୁ।
ପୋଲିସ କହିଛି ଯେ, ଅଭିଯୁକ୍ତ ମହିଳାଙ୍କ ଫୋନ ବ୍ୟବହାର କରି ସେଲ୍ଫି ଉଠାଇ ଏକ ମେସେଜ ଲେଖିଥିଲେ, ମୁଁ ପୁଣି ଆସିବି। ସେ ତାଙ୍କର ଫଟୋ କ୍ଲିକ କରିଥିବା ମଧ୍ୟ ଦାବି କରିଥିଲେ ଏବଂ ଘଟଣା ବିଷୟରେ କାହାକୁ କହିଲେ, ତେବେ ସେଗୁଡ଼ିକୁ ଅନଲାଇନରେ ଲିକ କରିବାକୁ ଧମକ ଦେଇଥିଲେ।
ପୋଲିସ କହିଛି ଯେ, କୋଠା ଏବଂ ନିକଟବର୍ତ୍ତୀ ଅଞ୍ଚଳର ସିସିଟିଭି ଫୁଟେଜ ଅଭିଯୁକ୍ତଙ୍କ ମୁହଁ ଦେଖାଯାଉଛି। ତାଙ୍କୁ ଚିହ୍ନଟ କରାଯାଇ ଖୁବ୍ଶୀଘ୍ର ଗିରଫ କରିଯିବ।
