ମୁମ୍ବାଇ: ତୃଣମୂଳ କଂଗ୍ରେସ ଏମ୍ପି ତଥା ବେଙ୍ଗଲୀ ଅଭିନେତ୍ରୀ ନୁସରତ ଜହାଁ ଏବଂ ତାଙ୍କ ସ୍ବାମୀ ନିଖିଲ ଜୈନଙ୍କ ସମ୍ପର୍କକୁ ନେଇ ଏବେ ଚର୍ଚ୍ଚା ହେଉଛି। ନୁସରତ ଅଭିନେତା ଦାସଗୁପ୍ତାଙ୍କ ସହ ରାଜସ୍ଥାନ ଗସ୍ତରେ ଯାଇଛନ୍ତି। ଏହି ସମୟରେ ନିଖିଲ ତାଙ୍କ ଇନ୍ଷ୍ଟାଗ୍ରାମରେ ଏମିତି କିଛି ଫଟୋ ଶେୟାର କରିଛନ୍ତି ଯାହାକୁ ନେଇ ପୁଣି ଚର୍ଚ୍ଚା ଆରମ୍ଭ ହୋଇଛି।
ନିଖିଲ ଏବେ ହିମାଚଳପ୍ରଦେଶରେ ଛୁଟି କଟାଉଛନ୍ତି। ତାଙ୍କ ସହିତ ନୁସରତ ଯାଇନାହାନ୍ତି। ନିଖିଲ ନିଜର ଏକ ଫଟୋ ଶେୟାର କରି କ୍ୟାପଶନ ଲେଖିଛନ୍ତି, କିଛି ଜିନିଷ ବଦଳେ ନାହିଁ। ଆପଣଙ୍କ ନଜର ବଦଳିଯାଏ। ଏହା ପ୍ରଶଂସକଙ୍କୁ ଦ୍ୱନ୍ଦ୍ୱରେ ପକାଇଥିଲା।
ଅନ୍ୟପକ୍ଷରେ ଚର୍ଚ୍ଚିତ ଖବରକୁ ନେଇ ନୁସରତ କହିଛନ୍ତି, ନିଜ ଜୀବନ ସବୁବେଳେ ବ୍ୟକ୍ତିଗତ। ପବ୍ଲିକଙ୍କ ପାଇଁ ନୁହେଁ। ଲୋକେ ସବୁବେଳେ ମୋତେ ଟ୍ରାଏଲରେ ରଖୁଛନ୍ତି। ମୁଁ କୌଣସି କମେଣ୍ଟ ଦେବାକୁ ଚାହୁଁନାହିଁ। ଲୋକେ ମୋ କାମକୁ ପରଖନ୍ତୁ। ଆଉ କୌଣସି କଥାକୁ ନୁହେଁ। ଭଲ ହେଉ କି ଖରାପ। ଏହା ମୋ’ ବ୍ୟକ୍ତିଗତ କଥା।
୧୯ ଜୁନ୍ ୨୦୧୯ରେ ନୁସରତ ଏବଂ ନିଖିଲ ବିବାହ ବନ୍ଧନରେ ବାନ୍ଧି ହୋଇଥିଲେ। ଏହା ପୂର୍ବରୁ ଦୁଇଜଣ ପରସ୍ପରକୁ ଡେଟ୍ କରୁଥିଲେ। ତୁର୍କୀରେ ଉଭୟଙ୍କ ବିବାହ ସମ୍ପନ୍ନ ହୋଇଥିବା ବେଳେ କୋଲାକାତାରେ ରିସେପଶନ ହୋଇଥିଲା।
