ଲକ୍ଷ୍ନୌ,୨୧।୩: ଉତ୍ତର ପ୍ରଦେଶର ଏକ ବସ୍ତିରେ ଏକ ଅଜବ ଘଟଣା ସାମ୍ନାକୁ ଆସିଛି। ଏଠାରେ ଜଣେ ମହିଳା ସାରେ ରାତ୍ରୀଭୋଜନ ପ୍ରସ୍ତୁତ କରିବାକୁ ତାଙ୍କ ରୋଷେଇ ଘରେ ପ୍ରବେଶ କରିବା ମାତ୍ରେ ସିଙ୍କରେ ମଇଳା ବାସନ ଗଦା ଦେଖି ରାଗି ଯାଇଥିଲେ। ସେ ତାଙ୍କ ସ୍ବାମୀଙ୍କ ସହ ଯୁକ୍ତିତର୍କ କରିବାକୁ ଲାଗିଲେ। ପରିସ୍ଥିତି ଏତେ ବିଗିଡ଼ିଗଲା ଯେ, ସେ ପୋଲିସକୁ ଡାକିଲେ। ପୋଲିସ ତୁରନ୍ତ ଘଟଣାସ୍ଥଳକୁ ଦୌଡ଼ି ଆସିଥିଲେ। ମହିଳାଙ୍କୁ ଝଗଡ଼ାର କାରଣ ପଚାରିବାରୁ ସେ କହିଥିଲେ, ମୋ ସ୍ବାମୀ ବାସନ ଧୋଇ ନ ଥିଲେ। ମୁଁ ତାଙ୍କୁ ପଚାରିବାରୁ ସେ ମୋ ସହିତ ଝଗଡ଼ା କରିବାକୁ ଲାଗିଲେ। ଏହି ଅଜବ ଘଟଣା ବିଷୟରେ ଶୁଣି ପୋଲିସ ମଧ୍ୟ ଆଶ୍ଚର୍ଯ୍ୟ ହୋଇ ଦମ୍ପତିଙ୍କୁ ବୁଝାଇଥିଲେ। ପରିସ୍ଥିତିକୁ ନିୟନ୍ତ୍ରଣ କରିଥିଲେ। ସୋନହା ପୋଲିସ ଷ୍ଟେଶନର କ୍ଷେତ୍ରାଧିକାର ଅନ୍ତର୍ଗତ ଏକ ଗାଁରେ ଏହି ଅସାଧାରଣ ଘଟଣା ଘଟିଛି।
ପୋଲିସ ପହଞ୍ଚିବା ପରେ ଦମ୍ପତିଙ୍କ ମଧ୍ୟରେ ପ୍ରବଳ ଯୁକ୍ତିତର୍କ ହେଉଥିବାର ଦେଖିଥିଲା। ପୋଲିସ ସ୍ବାମୀଙ୍କୁ ପଚରାବାରୁ ସେ ନୀରବ ରହିଥିଲେ। ସ୍ତ୍ରୀ ପୋଲିସକୁ ସବୁ କଥା ବଖାଣିଥିଲେ। ଫଳସ୍ବରୂପ ପୋଲିସ ଦମ୍ପତିଙ୍କ ବୁଝାଇଥିଲେ। ଦମ୍ପତି ଦୁଇ ବର୍ଷ ହେବ ବିବାହ କରିଛନ୍ତି। ସେମାନଙ୍କର କୌଣସି ସନ୍ତାନ ନାହିଁ।
Dharitri – Odisha’s No.1 Odia Daily
