ବରୀ, ୮ା୧(ମହେନ୍ଦ୍ର ସ୍ବାଇଁ):ଯାଜପୁର ଜିଲା ବରୀ ବିଧାନସଭା ନିର୍ବାଚନମଣ୍ଡଳୀର ଏରବାଙ୍କ ପଞ୍ଚାୟତ ରଘୁନାଥପୁର ପଡ଼ିଆରେ ମଙ୍ଗଳବାର ଭାଜପାର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଏହି ନିର୍ବାଚନମଣ୍ଡଳୀର ଭାଜପା ନେତା ଉମେଶ ଜେନାଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମରେ ଯାଜପୁର ଜିଲା ଭାଜପା କାର୍ଯ୍ୟକାରୀ ସଭାପତି ଆଶୁତୋଷ ପରିଡ଼ା ସଭାପତିତ୍ୱ କରିଥିଲେ ା ଭାଜପା ରାଜ୍ୟ ଉପ ସଭାପତି ଗୋଲକ ମହାପାତ୍ର, ଯାଜପୁର ଏମ୍ପି ଡ.ରବି ନାରାୟଣ ବେହେରା, ଯାଜପୁର ଜିଲା ଭାଜପା ସଭାପତି ଗୌତମ ରାୟ, ଯାଜପୁର ଜିଲା ଭାଜପା ମହିଳା ମୋର୍ଚ୍ଚା ସଭାନେତ୍ରୀ ବବିତା ମଲିକ, କୋରେଇ ବିଧାୟକ ଆକାଶ ଦାସ ନାୟକ, ଧର୍ମଶାଳା ବିଧାୟକ ହିମାଂଶୁ ଶେଖର ସାହୁ, ପୂର୍ବତନ ବିଧାୟିକା ସୁନନ୍ଦା ଦାସ, ସ୍ବରାଜଲାଲ ସାମଲ ପ୍ରମୁଖ ଯୋଗ ଦେଇଥିଲେ। ଏହି ମିଶ୍ରଣ ପର୍ବରେ ଯାଜପୁର ଜିଲା ବିଜେଡି ସାଧାରଣ ସମ୍ପାଦକ ଅନିଲ କୁମାର ସାହାଣୀ, ରୁଦ୍ରପୁର ପଞ୍ଚାୟତର ପ୍ରାକ୍ତନ ସମିତି ସଭ୍ୟ ଦାଶରଥି ମଲିକ, ସୁଜନପୁର ପଞ୍ଚାୟତର ବରିଷ୍ଠ ନେତା ପ୍ରତାପ କୁମାର ମହାନ୍ତି, ୩୬ନଂ. ପ୍ରାକ୍ତନ ଜିଲା ପରିଷଦ ସଭ୍ୟ ତଥା ପ୍ରାକ୍ତନ ସରପଞ୍ଚ ଗୋପାଳ ଦଳାଇ, ଅର୍ଥଙ୍ଗା ପଞ୍ଚାୟତ ସରପଞ୍ଚ ପ୍ରତିଭା ମଲିକ, ଛତିଶ ଦେବିଲ ପଞ୍ଚାୟତ ପ୍ରାକ୍ତନ ସମିତି ସଭ୍ୟ ପ୍ରଫୁଲ କୁମାର ବିଶ୍ୱାଳଙ୍କ ସମେତ ସହସପୁର, ଝାଲପଡ଼ା, ଏରବାଙ୍କ, ରୁଦ୍ରପୁର, ଛତିଶିଦେବିଲ, ସୁଜନପୁର ଆଦି ପଞ୍ଚାୟତର ଶତାଧିକ ଆଗଧାଡିର ବିଜେଡି କର୍ମୀ ଭାଜପାରେ ଯୋଗ ଦେଇଥିଲେ। ଭାଜପା ନେତାମାନେ ଦଳୀୟ ଉତ୍ତରୀୟ ଦେଇ ବିଜେଡି ନେତା ଓ କର୍ମୀମାନଙ୍କୁ ଦଳରେ ସାମିଲ କରିଥିଲେ।
