ବଲାଙ୍ଗୀର,୮।୧୨(ସୁନିଲ ମହାନ୍ତି): ବଲାଙ୍ଗୀର ଟିଟିଲାଗଡ଼ରେ ରବିବାର ଲୋକପ୍ରିୟ କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ପାଇଁ ଥିଲା ଶ୍ରଦ୍ଧାଞ୍ଜଳି ସଭା। ଏହି ସଭାରେ ଅଭିନେତା ଅନୁଭବ ମହାନ୍ତି, ଅସିମା ପଣ୍ଡାଙ୍କ ଯୋଗଦେଇଥିଲେ। ତେବେ ସବୁଠୁ ବଡ଼ କଥା ହ୍ୟୁମାନଙ୍କ ମୃତ୍ୟୁ ବିବାଦକୁ ନେଇ ପୁଣି ସ୍ବର ଉଠାଇଲେ ମା’ ସେଫାଳି ସୁନା। ଆଉ ବୋହୂ ଶ୍ରୀୟା ମଧ୍ୟ ତାଙ୍କୁ ମଧ୍ୟ ପୂର୍ଣ୍ଣ ସମର୍ଥନ କରିଛନ୍ତି।
ସେ କହିଛନ୍ତି, ପୁଅର ମତ୍ୟୁ ଦିନ କରିଥିବା ଅଭିଯୋଗ ନିରାଟ ସତ୍ୟ । ପୁଅ ବିଚ୍ଛେଦରୁ ମୁକୁଳି ପାରି ନ ଥିବାରୁ ଥାନାରେ ଏତଲା ଦେଇ ନାହିଁ।ଏତଲା ଦେବି କି ନାହିଁ ଏଯାଏଁ ଭାବିପାରିନି। ଶେଫାଳିଙ୍କ କଥାକୁ ଶତପ୍ରତିଶତ ସତ ବୋଲି କହିଛନ୍ତି ଶ୍ରୀୟା । ସେ କହିଛନ୍ତି, ମା’ ଆଗରୁ ଯାହା କହିଛନ୍ତି ସେଥିରେ ଶତ ପ୍ରତିଶତ ଏକମତ । ଯାହା ଯାହା ନାଁ ନେଇଛନ୍ତି, ଯାହା ଅଭିଯୋଗ କରିଛନ୍ତି ପୂରା ସତ ।
ତେବେ ପୁଣି ଅଭିଯୋଗ ଦୋହରାଇବା ପରେ ଦୁଇ ମ୍ୟାନେଜର ପପୁ ଓ ପ୍ରଶାନ୍ତଙ୍କ ଅଡ଼ୁଆ ବଢିଛି । ଏହା ସହ ଯେଉଁ ଗାୟିକା କଥା ମଧ୍ୟ ମା’ ଉଠାଇଥିଲେ ସେ ମଧ୍ୟ ଅଡ଼ୁଆରେ ଛନ୍ଦି ହୋଇଛନ୍ତି। ପୂର୍ବରୁ ଉଭୟଙ୍କ ନାଁରେ ହ୍ୟୁମାନଙ୍କ ପ୍ରଶଂସକମାନେ ବିଭିନ୍ନ ଥାନାରେ ଏକାଧିକ ଏତଲା କରିଥିଲେ।
