ଭୁବନେଶ୍ୱର,୨୪।୧(ଅନୁରାଧା ମହାରଣା): ହୁଡ୍କୋ ଏହାର ସାମାଜିକ ଉତ୍ତର ଦାୟିତ୍ୱ ଯୋଜନା ଅଧୀନରେ ଦିବ୍ୟାଙ୍ଗମାନଙ୍କ ପାଇଁ ଏକ ବିଶେଷ ଉପକରଣ ଓ୍ବାର୍କ ସିମୁଲେଟର କ୍ରୟ ପାଇଁ ସ୍ବାମୀ ବିବେକାନନ୍ଦ ନ୍ୟାଶନାଲ ଇନ୍ଷ୍ଟିଚ୍ୟୁଟ୍ ଅଫ୍ ରିହାବିଲିଟେଶନ ଟ୍ରେନିଂ ଆଣ୍ଡ ରିସର୍ଚ୍ଚ କର୍ତ୍ତୃପକ୍ଷଙ୍କୁ ୯୦ଲକ୍ଷ ଟଙ୍କା ପ୍ରଦାନ ପାଇଁ ମଞ୍ଜୁରୀ ପ୍ରଦାନ କରିଛନ୍ତି। ଏନେଇ ଆବଶ୍ୟକୀୟ ଦସ୍ତାବିଜ୍ ମଧ୍ୟ ହସ୍ତାନ୍ତର କରାଯାଇଛି। ସାମାଜିକ ଉତ୍ତରଦାୟିତ୍ୱ ମାଧ୍ୟମରେ ପ୍ରଦତ୍ତ ସିମୁଲେଟର ଯନ୍ତ୍ରାଂଶଟି ଓଡ଼ିଶାରେ ପ୍ରଥମ ଏବଂ ପୂର୍ବ ଭାରତରେ ଏହା ଦ୍ୱିିତୀୟ ବୋଲି ହୁଡ୍କୋ ପକ୍ଷରୁ କୁହାଯାଇଛି। ଏହି ସିମୁଲେଟର ଦିବ୍ୟାଙ୍ଗମାନଙ୍କ ଗୃହକର୍ମ, ବୃତ୍ତିଗତ କର୍ମ, ଦୈନନ୍ଦିନ କାର୍ଯ୍ୟ କରିବାରେ ସହାୟକ ହେବ। ସୂଚନା ଥାଉ କି, ହୁଡ୍କୋ ପୂର୍ବରୁ ମାଲକାନଗିରି ଜିଲାରେ ସ୍ବାସ୍ଥ୍ୟସେବା ଉନ୍ନତୀକରଣ ପାଇଁ ୪ଟି ଆମ୍ବୁଲାନ୍ସ ଯୋଗାଇଦେଇଛି।
