ବମ୍ବେ: ବଲିଉଡ୍ ଅଭିନେତା ଶାହାରୁଖ ଖାନ୍ଙ୍କ ଦୁବାଇରେ ଏକ ଘର ଅଛି। ଏହାକୁ ସେଠାର ସରକାରୀ ସମ୍ପତ୍ତିର କମ୍ପାନୀ Nakheel ଉପହାରରେ ଦେଇଛନ୍ତି। ଦୁବାଇର ଆର୍ଟିଫିସିଆଲ ଆଇଲାଣ୍ଡ ପାମ ଜୁମେରାହରେ ଥିବା ଏହି ଘରର ନାମ ‘ଜନ୍ନତ’। ଏଠାରେ ଶାହାରୁଖଙ୍କ ପଡୋଶୀ ହେଉଛନ୍ତି ଜଣେ ଧନୀ ବ୍ୟକ୍ତି। ସେ ହେଲେ ଶେଖ ମହମ୍ମଦ ବିନ୍ ରଶିଦ ଅଲ ମକତୁମ।
ଶେଖ ମହମ୍ମଦ ହେଉଛନ୍ତି ୟୁଏଇର ପ୍ରଧାନମନ୍ତ୍ରୀ, ଉପରାଷ୍ଟ୍ରପତି ଏବଂ ରକ୍ଷା ମନ୍ତ୍ରୀ। ତାଙ୍କର ମୋଟ ସମ୍ପତ୍ତି ହେଉଛି ୧.୧ ଲକ୍ଷ କୋଟି ଟଙ୍କା। ରିଅଲ୍ ଇଷ୍ଟେଟ୍ରୁ ସେ ବିଶେଷକରି ରୋଜଗାର କରିଥାନ୍ତି। ଦୁବାଇକୁ ଏକ ଗ୍ଲୋବାଲ୍ ସିଟିରେ ପରିଣତ କରିବାର ଶ୍ରେୟ ତାଙ୍କୁ ଦିଆଯାଏ।
ସେ ଏମିରେଟ୍ସ ଏୟାରଲାଇନ୍ସ, ଡିପି ଓ୍ବାଲ୍ଡ, ଜୁମେରାହ ଗ୍ରୁପ୍ ଭଳି ସରକାରୀ କମ୍ପାନୀ ଆରମ୍ଭ କରିଛନ୍ତି। ବୁର୍ଜ ଖଲିଫା, ଦୁନିଆର ଏକମାତ୍ର ୧୦ ଷ୍ଟାର ହୋଟେଲ ବୁଜ୍-ଅଲ୍-ଆରବ ଏବଂ ପାମ ଆଇଲାଣ୍ଡ ମଧ୍ୟ ଶେଖ ମହମ୍ମଦ ବିନ୍ ରଶିଦଙ୍କ ଅବଦାନ ବୋଲି କୁହାଯାଏ।
