ମୁମ୍ବାଇ: ଆଜିକାଲି ଅଭିନେତା ହ୍ରିତିକ ରୋଶନଙ୍କ ନାଁକୁ ନେଇ ଅନେକ ଚର୍ଚ୍ଚା। ନିକଟରେ ଅଭିନେତାଙ୍କ ଆଗାମୀ ଫିଲ୍ମ ‘ଫାଇଟର୍’ର ଗୀତ ମୁକ୍ତିଲାଭ କରିଥିଲା। ଯାହା ସୋସିଆଲ ମିଡିଆରେ ବେଶ୍ ଟ୍ରେଣ୍ଡ୍ କରିଥିଲା। ଏହି ଗୀତରେ ଅଭିନେତ୍ରୀ ଦୀପିକା ପାଦୁକୋନଙ୍କ ସହ ହ୍ରିତିକ୍ଙ୍କ ସିଜଲିଂ କେମିଷ୍ଟ୍ରି ଦେଖିବାକୁ ମିଳିଥିଲା।
ପରଦାରେ ହ୍ରିତିକ୍ଙ୍କ ଚମତ୍କାର ଅଭିନୟ ବ୍ୟତୀତ ତାଙ୍କର ସହ-ଅଭିନେତ୍ରୀଙ୍କ ସହିତ ତାଙ୍କର ହଟ୍ କେମିଷ୍ଟ୍ରି ପାଇଁ ମଧ୍ୟ ବେଶ୍ ଚର୍ଚ୍ଚିତ। କ୍ୟାଟ୍ରିନା କୈଫ୍ଙ୍କଠାରୁ ଆରମ୍ଭ କରି କଙ୍ଗନା ରାଣାଓ୍ବତଙ୍କ ପର୍ଯ୍ୟନ୍ତ ଅନେକ ଅଭିନେତ୍ରୀଙ୍କ ସହ ହ୍ରିତିକଙ୍କ ନାଁ ବଲିଉଡ୍ରେ ବେଶ୍ ଚର୍ଚ୍ଚାରେ ଥିଲା। କଙ୍ଗନା ଏବଂ ହ୍ରିତିକ୍ଙ୍କ ସମ୍ପର୍କକୁ ନେଇ ବି ଅନେକ ଚର୍ଚ୍ଚା ହୋଇଥିଲା। କିନ୍ତୁ କଙ୍ଗନା ଜଣେ ଅଭିନେତ୍ରୀ ନୁହନ୍ତି, ଅନ୍ୟ ଅଭିନେତ୍ରୀଙ୍କ ସହିତ ହ୍ରିତିକ୍ଙ୍କ ନାମ ମଧ୍ୟ ଯୋଡ଼ା ଯାଇଥିଲା।
୨୦୧୦ରେ ‘କାଇଟ୍ସ’ ଫିଲ୍ମ ମୁକ୍ତିଲାଭ କରିଥିଲା। ଯେଉଁଥିରେ ହ୍ରିତିକ୍ ଏବଂ କଙ୍ଗନାଙ୍କ ସହ ଜଣେ ମେକ୍ସିକୋ ଅଭିନେତ୍ରୀ ମଧ୍ୟ ନଜର ଆସିଥିଲେ। ମେକ୍ସିକୋ ଅଭିନେତ୍ରୀ ଏହି ଫିଲ୍ମ ସହିତ ବଲିଉଡ୍ରେ ଡେବ୍ୟୁ କରିଥିଲେ। ଏହି ଅଭିନେତ୍ରୀ ଜଣକ ଆଉ କେହି ନୁହନ୍ତି, ସେ ହେଉଛନ୍ତି ବାର୍ବରା ମୋରି।
ହ୍ରିତିକ୍ଙ୍କ ଫିଲ୍ମ ‘କାଇଟ୍ସ’ ପୂର୍ବରୁ ବାର୍ବରା ଅନେକ ହଲିଉଡ୍ ଫିଲ୍ମରେ କାମ କରିଥିଲେ। କିନ୍ତୁ ଅଭିନେତ୍ରୀଙ୍କ ବ୍ୟକ୍ତିଗତ ଜୀବନନକୁ ନେଇ ଅନେକ ଚର୍ଚ୍ଚା ହୋଇଥିଲା। ସେହି ସମୟର ଅନେକ ରିପୋର୍ଟରେ କୁହାଯାଇଥିଲା ଯେ, ହ୍ରିତିକ ବିବାହିତ ସତ୍ତ୍ୱେ ଏହି ବିଦେଶୀ ଅଭିନେତ୍ରୀଙ୍କୁ ଡେଟ୍ କରୁଥିଲେ। କେବଳ ଏତିକି ନୁହେଁ, ଏକ ରିପୋର୍ଟ ଅନୁଯାୟୀ, ଏହି ଅଭିନେତ୍ରୀଙ୍କୁ ୨ କୋଟି ଟଙ୍କାର ଦାମୀ ଭ୍ୟାନିଟି ମଧ୍ୟ ଉପହାର ଦେଇଥିଲେ ହ୍ରିତିକ୍।
ଏନେଇ ବାର୍ବରା ଏବଂ ହ୍ରିତିକ୍ ଖୋଲାଖୋଲି ମନ୍ତବ୍ୟ ଦେଇନାହାନ୍ତି। ହ୍ରିତିକ କିଛି ସାକ୍ଷାତକାରରେ କହିଛନ୍ତି, ବାର୍ବରା ତାଙ୍କର ଜଣେ ଭଲ ବନ୍ଧୁ। ଏହା ବ୍ୟତୀତ ଆଉ କିଛି ନାହିଁ। ମାତ୍ର ‘କାଇଟ୍ସ’ ରିଲିଜ ହେବାର ୪ ବର୍ଷ ପରେ ହ୍ରିତିକ୍ ଏବଂ ତାଙ୍କ ସ୍ତ୍ରୀ ସୁଜୈନ ଖାନ୍ଙ୍କ ମଧ୍ୟରେ ୧୪ ବର୍ଷର ବୈବାହିକ ଜୀବନରେ ପୂର୍ଣ୍ଣଚ୍ଛେଦ ପଡ଼ିଥିଲା।
