ନୂଆଦିଲ୍ଲୀ,୨୧।୬: ଭାରତରେ ପ୍ରତିଦିନ ଲକ୍ଷ ଲକ୍ଷ ଲୋକ ଟ୍ରେନରେ ଯାତ୍ରା କରନ୍ତି। ଏଥିପାଇଁ ପ୍ରତ୍ୟେହ ହଜାର ହଜାର ଟ୍ରେନ ଚାଲିଥାଏ, ଯାହା ଲୋକଙ୍କୁ ସେମାନଙ୍କ ଗନ୍ତବ୍ୟସ୍ଥଳକୁ ନେଇଯାଏ। ବିଶେଷକରି ଗ୍ରୀଷ୍ମ ଋତୁରେ ଯଦି କେହି ଏକ ଲମ୍ବା ଯାତ୍ରାରେ, ପ୍ରତ୍ୟେକ ଯାତ୍ରୀ ଏକ ଆରାମଦାୟକ ସିଟ ପାଇବାକୁ ଚାହାନ୍ତି। ଏହି କାରଣରୁ ଅନେକ ଲୋକ ଅଧିକ ଆରାମ ପାଇଁ ଏସି କୋଚ୍ରେ ଟିକେଟ ବୁକ୍ କରନ୍ତି। କିନ୍ତୁ ଆପଣ କ’ଣ ଜାଣନ୍ତି ଯେ ଭାରତୀୟ ରେଳବାଇ ଏକ ଯୋଜନା ପ୍ରଦାନ କରେ ଯେଉଁଥିରେ ଆପଣଙ୍କର ଟିକେଟକୁ କୌଣସି ଅତିରିକ୍ତ ଖର୍ଚ୍ଚ ବିନା ଏକ ଭଲ କାଟାଗୋରୀ(ବର୍ଗ)ରେ ପରିବର୍ତ୍ତନ କରାଯାଇପାରିବ? ଏଠାରେ ଆମେ ଆପଣଙ୍କୁ ଏହି ବିଷୟରେ ସୂଚନା ଦେବୁ।
ଅଧିକାଂଶ ଯାତ୍ରୀ ରେଳବାଇର ଏହି ବିଶେଷ ସୁବିଧା ବିଷୟରେ ଅବଗତ ନୁହନ୍ତି। ଯଦି ଆପଣ ଅନଲାଇନ୍ରେ ଟିକେଟ ବୁକ କରନ୍ତି, ତେବେ ଆପଣଙ୍କ ପାଖରେ ମାଗଣାରେ ଆପଣଙ୍କର ସାଧାରଣ ଟିକେଟ ଅପଗ୍ରେଡ କରିବାର ସୁଯୋଗ ଅଛି। ଏହି ସୁବିଧା କେବଳ ସେମାନଙ୍କ ପାଇଁ ଯେଉଁମାନେ IRCTC ୱେବସାଇଟ କିମ୍ବା ଆପ୍ ମାଧ୍ୟମରେ ଟିକେଟ ବୁକ କରିଥିବେ। ଜାଣିରଖନ୍ତୁ ଏହି ସୁବିଧାର ଲାଭ କିପରି ନେଇପାରିବେ।
IRCTC ରେ ଟିକେଟ ବୁକ କରିବା ସମୟରେ, ଆପଣ ଏକ ବିକଳ୍ପ ଦେଖିବେ, ଯାହା ପଚାରେ ଯେ ଆପଣ ମାଗଣା ଅପଗ୍ରେଡ ପାଇଁ ପ୍ରସ୍ତୁତ କି? ଯଦି ଆପଣ ଏଥିରେ ‘ହଁ’ ଚୟନ କରନ୍ତି, ତେବେ ଆପଣଙ୍କ ଟିକେଟ Higher Classକୁ ଅପଗ୍ରେଡ ହେବାର ସମ୍ଭାବନା ଅଛି।
ଉଦାହରଣ ସ୍ବରୂପ, ଯଦି ଆପଣ ସ୍ଲିପର୍ କ୍ଲାସରେ ଟିକେଟ ବୁକ କରନ୍ତି ଏବଂ ସେହି ଟ୍ରେନର ତୃତୀୟ ଏସିର ଏକ ଖାଲି ସିଟ ଅଛି, ତେବେ ଆପଣଙ୍କର ଟିକେଟ କୌଣସି ଅତିରିକ୍ତ ଟଙ୍କା ଦେଇ ତୃତୀୟ ଏସିକୁ ପରିବର୍ତ୍ତନ କରାଯାଇପାରିବ।
ତଥାପି, ଏହା ନିଶ୍ଚିତ ନୁହେଁ ଯେ ଆପଣଙ୍କର ଟିକେଟ ଅପଗ୍ରେଡ ହେବ। ଚାର୍ଟ ପ୍ରସ୍ତୁତ ହେବା ପରେ ରେଳବାଇର ସ୍ବୟଂଚାଳିତ ସିଷ୍ଟମ ଏହାକୁ ଯାଞ୍ଚ କରେ। ଯେତେବେଳେ ଯାତ୍ରୀ ସଂରକ୍ଷଣ ପ୍ରଣାଳୀ (PRS) ମାଧ୍ୟମରେ ଚାର୍ଟ ପ୍ରସ୍ତୁତ କରାଯାଏ, ଖାଲି ସିଟ ଆଧାରରେ ଟିକେଟ ଅପଗ୍ରେଡ କରାଯାଏ। ତେଣୁ ପରବର୍ତ୍ତୀ ସମୟରେ ଆପଣ ଟିକେଟ ବୁକ କରିବା ସମୟରେ, ଏହି ବିକଳ୍ପକୁ ଚେଷ୍ଟା କରନ୍ତୁ ଏବଂ ହୁଏତ ଆପଣଙ୍କ ଯାତ୍ରା ଆହୁରି ମଜାଦାର ହୋଇଯିବ!
