ନୂଆଦିଲ୍ଲୀ,୧।୧: ଆଜିକାଲି ସମୟରେ ବଜେଟ କରିବା ଏବଂ ତା’ ହିସାବରେ ଚାଲିବା ବେଶ କଷ୍ଟକର। ଏମିତିରେ ରୋଜଗାର ଅଧିକ ହେବା ସତ୍ତ୍ୱେ ବହୁତ କମ୍ ସଞ୍ଚୟ ହେଉଛି। ଯଦି ଆପଣ ବି ଏଭଳି ସମସ୍ୟାର ସାମ୍ନା କରୁଛନ୍ତି ତେବେ ଏହାର ଅର୍ଥ ବଜେଟ୍ ନିରୂପଣ କରିବା ଏବଂ ଖର୍ଚ୍ଚର ଯୋଜନା କରିବାରେ ତ୍ରୁଟି ରହିଯାଇଛି। ଏମିତିରେ ଆଜିର ଖବର ଆପଣଙ୍କ ଲାଗି। ଏଠାରେ ଆମେ ଆପଣଙ୍କୁ ଦରମାରେ ସଞ୍ଚୟ କରିବାର ୫ ଜବରଦସ୍ତ ଉପାୟ ବିଷୟରେ କହିବୁ।
୫୦-୩୦-୨୦:
ଏହି ନିୟମ ଅଧିନରେ ପ୍ରସ୍ତୁତ ବଜେଟ ଆପଣଙ୍କ ଖର୍ଚ୍ଚ କଣ୍ଟ୍ରୋଲ କରିବାର ଭଲ ଉପାୟ। ଏହାକୁ କରିବା ଲାଗି ଆପଣ ଦରମାକୁ ୫୦-୩୦-୧୦ ନିୟମରେ ବାଣ୍ଟିପାରନ୍ତି।
୫୦%-ଜରୁରୀ ଖର୍ଚ୍ଚ ପାଇଁ(ଘରଭଡ଼ା, ଗ୍ରୋସରୀ)
-୩୦% ନିଜର ପସନ୍ଦ ଏବଂ ସଉକ ଲାଗି(ମନୋରଞ୍ଜନ)
-୨୦% ସଞ୍ଚୟ ଏବଂ ନିବେଶ ଲାଗି
-ଅଟୋମେଟିକ ସେଭିଂ:
ଦରମା ଆସିବା ପରେ ସଞ୍ଚୟ କରିବା କଠିନ। ହେଲେ ଅଟୋମେଟିକ୍ ସେଭଳିଂରେ ଏହି କାମ ସହଜ ହୋଇପାରିବ। ଆପଣଙ୍କୁ ନିଜର ବ୍ୟାଙ୍କ ଆକାଉଣ୍ଟରେ ଏକ ଭିନ୍ନ ସେଭିଂ ଆକାଉଣ୍ଟ ଖୋଲିବା ଉଚିତ। ଫଳରେ ଦରମା ମିଳିବା ପରେ ଏକ ନିଶ୍ଚିତ ରାଶି(୫୦୦/୧୦୦୦୦) ନିଜର ସେଭିଂ ଆକାଉଣ୍ଟରେ ଟ୍ରାନ୍ସଫର କରିପାରିବ।
– ବୁଝି ବିଚାରି କ୍ରେଡିଟ୍ କାର୍ଡର ବ୍ୟବହାର କରନ୍ତୁ:
ଯଦି ଆପଣଙ୍କ ସେଭିଂ ହୋଇପାରୁ ନାହିଁ ତେବେ କ୍ରେଡିଟ୍ କାର୍ଡର ବହୁତ କମ୍ ନଚେତ କେବଳ ଆବଶ୍ୟକତା ପଡ଼ିବା ସମୟରେ ବ୍ୟବହାର କରନ୍ତୁ। ନ ବୁଝି ନ ବିଚାରି କ୍ରେଡିଟ୍ କାର୍ଡର ଉପଯୋଗ କରିବା ଦ୍ୱାରା ଆପଣଙ୍କ ଖର୍ଚ୍ଚ ବଢ଼ିପାରେ। କେବଳ ଆବଶ୍ୟକୀୟ ଜିନିଷ ଲାଗି କ୍ରେଡିଟ୍ କାର୍ଡ ବ୍ୟବହାର କରନ୍ତୁ। ସେହିଭଳି ବିଲ୍କୁ ଠିକ୍ ସମୟରେ ଦେଇ ଦିଅନ୍ତୁ। ଫଳରେ ଆପଣ ଅନାବଶ୍ୟକ ସୁଧ ଦେବାରୁ ରକ୍ଷା ପାଇବେ।
-ଅଯଥା ଖର୍ଚ୍ଚକୁ ଜଗନ୍ତୂ:
ଅନେକ ସମୟରେ ଛୋଟ-ଛୋଟ ଖର୍ଚ୍ଚ, ଯେମିତିକି ପ୍ରତ୍ୟେହ ମହଙ୍ଗା କଫି, ବାହାରେ ଖାଇବା ବୋଝ ପାଲଟିଥାଏ। ଏଭଳି ଖର୍ଚ୍ଚ ଲାଗି ଏକ ଡାଏରୀ ନଚେତ ଆପ୍ରେ ଲେଖନ୍ତୁ। ସେହିଭଳି ମାସର ଶେଷରେ ଏହି ଖର୍ଚ୍ଚକୁ ଦେଖନ୍ତୁ ଯେ କେତେ ଟଙ୍କା ଆପଣ ଏସବୁ ଜିନିଷରେ ଖର୍ଚ୍ଚ କରୁଛନ୍ତି। ଏହିଭଳି ଭାବେ ଅନ୍ୟ ଅନାବଶ୍ୟକ ଖର୍ଚ୍ଚକୁ ଜାଣନ୍ତୁ ଏବଂ ତାକୁ କମ୍ କରନ୍ତୁ।
-ଅତିରିକ୍ତ ଆୟର ସ୍ରୋତ ନିର୍ମାଣ କରନ୍ତୁ:
ଅତିରିକ୍ତ ଆୟର ଉତ୍ସ କାଢ଼ିବା ଦ୍ୱାରା ଆପଣ ସଞ୍ଚୟ ଏବଂ ଖର୍ଚ୍ଚକୁ ସମାନ୍ତରାଳ କରିବାରେ ସହାୟକ ହେବ। ଏଥିଲାଗି ଆପଣ ପାର୍ଟ ଟାଇମ୍ କାମ କରିପାରିବେ। ନଚେତ ନିଜର ଯୋଗ୍ୟତା ଅନୁଯାୟୀ ଫ୍ରିଲାନ୍ସିଂ ନଚେତ ଟ୍ୟୁସନ କରିପାରିବେ।
