ନୂଆଦିଲ୍ଲୀ,୨୧।୧୦: ଭାରତର ବୃହତ ଦୁଇଚକିଆ ଯାନ ନିର୍ମାତା ମଧ୍ୟରୁ ହିରୋ ମୋଟୋକର୍ପ ଗୋଟିଏ। ଯଦି ଆପଣ ଅଟୋମୋବାଇଲ କ୍ଷେତ୍ରରେ ବ୍ୟବସାୟ ଆରମ୍ଭ କରିବାକୁ ଚିନ୍ତା କରୁଛନ୍ତି, ତେବେ ହିରୋ ମୋଟୋକର୍ପ ଡିଲରସିପ ହାସଲ କରିବା ଏକ ବଡ଼ ସୁଯୋଗ ହୋଇପାରେ। କମ୍ପାନୀର ନିର୍ଭରଯୋଗ୍ୟତା, ଦୃଢ଼ ଗ୍ରାହକ ଆଧାର ଏବଂ ବର୍ଦ୍ଧିତ ଚାହିଦା ଏହାକୁ ଏକ ଲାଭଦାୟକ ନିବେଶ କରିଥାଏ। ଆସନ୍ତୁ ପର୍ଯ୍ୟାୟକ୍ରମେ ହିରୋ ମୋଟୋକର୍ପ ଡିଲରସିପ ହାସଲ କରିବାର ସମ୍ପୂର୍ଣ୍ଣ ପ୍ରକ୍ରିୟା ବିଷୟରେ ଜାଣିବା।
ଏକ ବ୍ୟବସାୟ ଯୋଜନା ପ୍ରସ୍ତୁତ କରନ୍ତୁ:
ପ୍ରଥମେ, ଆପଣଙ୍କ ବ୍ୟବସାୟ ପାଇଁ ଏକ ଦୃଢ଼ ବ୍ୟବସାୟ ଯୋଜନା ପ୍ରସ୍ତୁତ କରନ୍ତୁ। ଆପଣ ଖୋଲିବାକୁ ଚାହୁଁଥିବା ଡିଲରସିପ ପ୍ରକାର ର୍ନିଣ୍ଣୟ କରନ୍ତୁ: ସେଲ୍ସ ଡିଲରସିପ, ସର୍ଭିସ ଡିଲରସିପ୍ କିମ୍ବା ଉଭୟର ମିଶ୍ରଣ। ଆପଣଙ୍କୁ ଆପଣଙ୍କ ସହର କିମ୍ବା ଅଞ୍ଚଳର ଚାହିଦା, ସ୍ଥାନ, ପ୍ରତିଯୋଗିତା ଏବଂ ସମ୍ଭାବ୍ୟ ଗ୍ରାହକମାନଙ୍କର ବିଶ୍ଳେଷଣ କରିବାକୁ ମଧ୍ୟ ପଡିବ।
ନିବେଶ ପୁଞ୍ଜି:
ହିରୋ ମୋଟୋକର୍ପ ଟଙ୍କା ପର୍ଯ୍ୟନ୍ତ ନିବେଶ ଆବଶ୍ୟକ ହୋଇପାରେ। ଏଥିରେ ଏକ ଶୋ’ରୁମ, ସର୍ଭିସ ଷ୍ଟେଶନ, ଆଭ୍ୟନ୍ତରୀଣ ସାମଗ୍ରୀ, ଓ୍ବାର୍କଶପ୍ ଉପକରଣ ଏବଂ ଓ୍ବାର୍କିଂ କ୍ୟାପିଟାଲ(କାର୍ଯ୍ୟକାରୀ ପୁଞ୍ଜି)ର ମୂଲ୍ୟ ଅନ୍ତର୍ଭୁକ୍ତ। ସଠିକ ପରିମାଣ ସ୍ଥାନ ଏବଂ ସହର କାଟାଗୋରୀ ଉପରେ ନିର୍ଭର କରେ।
ଲୋକେଶନ ଏବଂ ସ୍ଥାନ ଚୟନ କରିବା:
କମ୍ପାନୀ ଅନୁଯାୟୀ ଏକ ଡିଲରସିପ୍ ଲାଗି ସର୍ବନିମ୍ନ ସ୍ଥାନ ୪,୦୦୦ ରୁ ୬,୦୦୦ ବର୍ଗଫୁଟ ହେବା ଉଚିତ। ଏଥିରେ ଏକ ଶୋ’ରୁମ, ସେବା କ୍ଷେତ୍ର, ସ୍ପେୟାର ପାର୍ଟସ ଷ୍ଟୋର ଏବଂ ପାର୍କିଂ ସ୍ଥାନ ଅନ୍ତର୍ଭୁକ୍ତ ହେବା ଉଚିତ। ଗ୍ରାହକଙ୍କ ଯିବା ଆସିବା ସୁନିଶ୍ଚିତ କରିବା ପାଇଁ ସ୍ଥାନଟି ମୁଖ୍ୟ ରାସ୍ତାରେ କିମ୍ବା ସହଜରେ ପହଞ୍ଚିବା ସ୍ଥାନ ହେବା ଉଚିତ।
ଆବଶ୍ୟକୀୟ ଡକ୍ୟୁମେଣ୍ଟ ପ୍ରସ୍ତୁତ କରନ୍ତୁ:
ଡିଲରସିପ୍ ପାଇଁ ଆବେଦନ କରିବା ସମୟରେ, ଆପଣଙ୍କୁ କିଛି ଜରୁରୀ ଡକ୍ୟୁମେଣ୍ଟ ଦାଖଲ କରିବାକୁ ପଡିବ, ଯେପରିକି:
-ପାନ କାର୍ଡ ଏବଂ ଆଧାର କାର୍ଡ
-ବ୍ୟବସାୟ ପଞ୍ଜିକରଣ ପ୍ରମାଣପତ୍ର
-ଜିଏସ୍ଟି ନମ୍ବର
-ସମ୍ପତ୍ତି ଡକ୍ୟୁମେଣ୍ଟ କିମ୍ବା ଭଡ଼ା ଚୁକ୍ତିନାମା
-ବ୍ୟାଙ୍କ ଷ୍ଟେଟମେଣ୍ଟ ଏବଂ ଆର୍ଥିକ କ୍ଷମତାର ପ୍ରମାଣ
-ଲୋକେଶନ ଲେଆଉଟ ପ୍ଲାନ୍
ଅନଲାଇନ ଆବେଦନ ପ୍ରକ୍ରିୟା:
ହିରୋ ମୋଟୋକର୍ପ ଡିଲରସିପ ପାଇଁ କମ୍ପାନୀର ଅଫିସିଆଲ ୱେବସାଇଟ (www.heromotocorp.com) ରେ ଆବେଦନ କରାଯାଇପାରିବ। ୱେବସାଇଟରେ “ଏକ ଡିଲର ହୁଅନ୍ତୁ” କିମ୍ବା “ଡିଲରସିପ ଇନକ୍ୱାରି” ବିଭାଗକୁ ଯାଆନ୍ତୁ, କିମ୍ବା ସିଧାସଳଖ https://www.heromotocorp.com/en-bd/become-a-dealer.html ପରିଦର୍ଶନ କରନ୍ତୁ। ଆପଣଙ୍କର ବ୍ୟକ୍ତିଗତ ବିବରଣୀ, ସ୍ଥାନ, ନିବେଶ କ୍ଷମତା ଏବଂ ଅଭିଜ୍ଞତା ପ୍ରଦାନ କରି ଆବେଦନ ଫର୍ମ ପୂରଣ କରନ୍ତୁ। ଆପଣଙ୍କର ଆବେଦନ ଦାଖଲ କରିବା ପରେ, କମ୍ପାନୀ ଆପଣଙ୍କର ସୂଚନା ମୂଲ୍ୟାଙ୍କନ କରିବ।
କମ୍ପାନୀ ଦ୍ୱାରା ସାଇଟ ଯାଞ୍ଚ ଏବଂ ଅନୁମୋଦନ:
ଯଦି ଆପଣଙ୍କର ଆବେଦନ ଉପଯୁକ୍ତ ମନେ ହୁଏ, ତେବେ କମ୍ପାନୀର ଟିମ୍ ଆପଣଙ୍କ ସାଇଟ ଯାଞ୍ଚ କରିବେ। ସେମାନେ ସ୍ଥାନ, ବଜାର ସମ୍ଭାବନା ଏବଂ ଆପଣଙ୍କର ଭିତ୍ତିଭୂମି ଯାଞ୍ଚ କରିବେ। ଯଦି ସବୁକିଛି ଠିକ ଅଛି, ତେବେ ଆପଣ ଏକ ଡିଲରସିପ ଅନୁମୋଦନ ପତ୍ର ପାଇବେ।
ଚୁକ୍ତିନାମା ସ୍ବାକ୍ଷର ଏବଂ ତାଲିମ:
ଅନୁମୋଦନ ପରେ, କମ୍ପାନୀ ଏବଂ ଡିଲରଙ୍କ ମଧ୍ୟରେ ଏକ ଡିଲରସିପ୍ ଚୁକ୍ତିନାମା ସ୍ବାକ୍ଷରିତ ହୁଏ। ଏହା ସହିତ, କମ୍ପାନୀ ଆପଣଙ୍କର କର୍ମଚାରୀ ଏବଂ ସେବା ଇଞ୍ଜିନିୟରମାନଙ୍କୁ ଏକ ଉତ୍କୃଷ୍ଟ ଗ୍ରାହକ ଅଭିଜ୍ଞତା ସୁନିଶ୍ଚିତ କରିବା ପାଇଁ ତାଲିମ ମଧ୍ୟ ପ୍ରଦାନ କରେ।
ଶୋ’ରୁମ ସେଟଅପ ଏବଂ ଲଞ୍ଚ:
ପ୍ରଶିକ୍ଷଣ ଏବଂ ଭିତ୍ତିଭୂମି ସମ୍ପୂର୍ଣ୍ଣ ହେବା ପରେ, କମ୍ପାନୀ ନିର୍ଦ୍ଦେଶାବଳୀ ଅନୁସାରେ ଶୋ’ରୁମ ଡିଜାଇନ କରାଯାଏ। ତା’ପରେ ଆପଣ ଆପଣଙ୍କର ଅଫିସିଆଲ ହିରୋ ମୋଟୋକର୍ପ ଶୋ’ରୁମ ଆରମ୍ଭ କରିପାରିବେ ଏବଂ ବିକ୍ରୟ ଆରମ୍ଭ କରିପାରିବେ।
