ନୂଆଦିଲ୍ଲୀ,୧୭।୭: ଅବସରପ୍ରାପ୍ତ ଭାରତୀୟ ଖେଳାଳିମାନେ ପ୍ରତି ମାସରେ ବିସିସିଆଇରୁ ପେନସନ ପାଆନ୍ତି। ବିସିସିଆଇ ପୂର୍ବତନ ଭାରତୀୟ କିମ୍ବଦନ୍ତୀ ସଚିନ ତେନ୍ଦୁଲକରଙ୍କୁ ପ୍ରତି ମାସରେ ୭୦,୦୦୦ ଟଙ୍କା ପେନସନ ଆକାରରେ ଦିଏ।
ସଚିନ ଏବଂ ଧୋନୀ ଅନ୍ତର୍ଜାତୀୟ କ୍ରିକେଟରୁ ଅବସର ନେଇସାରିଛନ୍ତି। କିନ୍ତୁ ସେମାନେ ପ୍ରାୟତଃ ଖବରରେ ରହିଥାନ୍ତି। ଉଭୟେ ସେମାନଙ୍କ କ୍ରିକେଟ କ୍ୟାରିୟରରୁ ପ୍ରସିଦ୍ଧି ସହିତ ପ୍ରଚୁର ଟଙ୍କା ରୋଜଗାର କରିଛନ୍ତି।
ଧୋନୀ ହୁଅନ୍ତୁ କିମ୍ବା ସଚିନ, କ୍ରିକେଟ ବ୍ୟତୀତ, ସେମାନେ ଅନ୍ୟ ଉତ୍ସରୁ ମଧ୍ୟ ବହୁତ ଟଙ୍କା ରୋଜଗାର କରନ୍ତି। ଅବସର ପରେ, ସେମାନେ ବିସିସିଆଇରୁ ପେନସନ ଆକାରରେ ବିପୁଳ ପରିମାଣର ଟଙ୍କା ପାଆନ୍ତି।
ସଚିନଙ୍କୁ ପେନସନ ଆକାରରେ ୭୦,୦୦୦ ଟଙ୍କା ମିଳିଥାଏ। ଧୋନୀ ଏବଂ ସଚିନଙ୍କ ପେନସନ ଟଙ୍କାରେ କୌଣସି ପାର୍ଥକ୍ୟ ନାହିଁ। ଉଭୟଙ୍କୁ ସମାନ ପେନସନ ମିଳେ। ବିସିସିଆଇ ମଧ୍ୟ ପ୍ରତି ମାସରେ ଧୋନୀଙ୍କୁ ୭୦,୦୦୦ ଟଙ୍କା ଦିଏ।
ସଚିନ ୨୦୧୩ ମସିହାରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ। ସଚିନ ଭାରତ ପାଇଁ ୪୬୩ ଦିନିକିଆ, ୨୦୦ ଦିନିକିଆ ଏବଂ ଗୋଟିଏ ଟି-୨୦ ମ୍ୟାଚ ଖେଳିଛନ୍ତି। ସଚିନ ଏକଦିବସୀୟରେ ୧୮୪୨୬ ରନ, ଟେଷ୍ଟରେ ୧୫୯୨୧ ରନ ଏବଂ ଟି୨୦ରେ ୧୦ ରନ କରିଛନ୍ତି। ସଚିନ ତିନୋଟି ଫର୍ମାଟରେ ମିଶି ୧୦୦ ଶତକ ହାସଲ କରିଛନ୍ତି।
ଧୋନୀ ଭାରତ ପାଇଁ ୯୦ ଟେଷ୍ଟ, ୯୮ ଟି୨୦ ଏବଂ ୩୫୦ ଦିନିକିଆ ଖେଳିଛନ୍ତି। ଧୋନୀ ଏକଦିବସୀୟରେ ୧୦୭୭୩ ରନ, ଟେଷ୍ଟରେ ୪୮୭୬ ରନ ଏବଂ ଟି୨୦ରେ ୧୬୧୭ ରନ କରିଛନ୍ତି। ଅଧିନାୟକ ଭାବରେ ଧୋନୀ ତିନୋଟି ପ୍ରମୁଖ ଆଇସିସି ଟ୍ରଫି ଜିତିଛନ୍ତି। ସେଥିମଧ୍ୟରୁ ଗୋଟିଏ ହେଉଛି ଟି୨୦ ବିଶ୍ୱକପ, ଏକଦିବସୀୟ ବିଶ୍ୱକପ ଏବଂ ଚାମ୍ପିଅନ୍ସ ଟ୍ରଫି।
