ଇସଲାମବାଦ,୧୫।୧୧: ଭାରତରେ ଯୌତୁକ ନେବା ଏବଂ ଦେବା ବେଆଇନ, ତଥାପି ଏହି ପ୍ରଥା ଅଧିକାଂଶ ସ୍ଥାନରେ ଜାରି ରହିଛି। ସେହିପରି ପଡୋଶୀ ଦେଶ ପାକିସ୍ତାନର ଅବସ୍ଥା ମଧ୍ୟ ସମାନ। ପାକିସ୍ତାନରେ ଯୌତୁକ ପ୍ରତା ଏବେ ମଧ୍ୟ ଜାରି ରହିଛି। କିନ୍ତୁ ଜାଣନ୍ତି କି ଏଠାରେ କେତେ ଯୌତୁକ ଦେବା ପ୍ରଥା ରହିଛି…
ପାକିସ୍ତାନରେ ଅନେକ ପରିବାରରେ ଯୌତୁକ ପ୍ରଥାକୁ ଗମ୍ଭୀରତାର ସହ ନିଆଯାଏ। ବିଶେଷକରି ମଧ୍ୟବିତ୍ତ ଏବଂ ଗାଁରେ ଏହି ଅଭ୍ୟାସ ସାଧାରଣ ହୋଇଗଲାଣି। ଏଠାରେ ଯୌତୁକର ପ୍ରବଳ ଡିମାଣ୍ଡ ଯୋଗୁ ଝିଅର ପରିବାର ଉପରେ ବହୁତ ଚାପ ପକାଯାଇଥାଏ। ଅନେକ ଥର ପରିବାର ମଧ୍ୟ ନିଜ ଝିଅର ବିବାହ ପାଇଁ ଋଣ ନେଇଥା’ନ୍ତି। ଏହି କାରଣରୁ ଅନେକ ପରିବାର ଆର୍ଥିକ ସଙ୍କଟର ସମ୍ମୁଖୀନ ହେଉଛନ୍ତି।
ପାକିସ୍ତାନରେ ଯୌତୁକ ସମ୍ବନ୍ଧୀୟ ଆଇନଗତ ବ୍ୟବସ୍ଥା ମଧ୍ୟ ରହିଛି। ପାକିସ୍ତାନରେ ଡାଉରି ଆଣ୍ଡ ପ୍ରପର୍ଟି ଆକ୍ଟ, ୧୯୭୬ରେ ପ୍ରଣୟନ ହୋଇଥିଲା। ଯାହା ଉଦ୍ଦେଶ୍ୟ ଅତ୍ୟଧିକ ଯୌତୁକ ଦାବିକୁ ରୋକିବା ଏବଂ ମହିଳାଙ୍କ ପ୍ରତି ହେଉଥିବା ଶୋଷଣକୁ ବନ୍ଦ କରିବା ଲକ୍ଷ୍ୟ ରଖାଯାଇଥିଲା। ଏହି ନିୟମ ଅନୁଯାୟୀ, ବିବାହ ସମୟରେ ଯୌତୁକ ଦିଆଯିବାକୁ ଥିବା ସମ୍ପତ୍ତିର ସଠିକ ତାଲିକା ପ୍ରସ୍ତୁତ କରିବା ଆବଶ୍ୟକ, ଯାହା ଦ୍ୱାରା କୌଣସି ପ୍ରକାରର ବିବାଦ ନ ହୁଏ।
ଏହା ବ୍ୟତୀତ ପାକିସ୍ତାନ Pakistan Corrective Code ରେ ମଧ୍ୟ ଯୌତୁକ ନିର୍ଯାତନା ତଥା ଶାରୀରିକ ହିଂସା ମାମଲାରେ ଦଣ୍ଡବିଧାନ ପାଇଁ ବ୍ୟବସ୍ଥା ରହିଛି। ଯୌତୁକ ଦାବି କରୁଥିବା ବ୍ୟକ୍ତିଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ। ଯଦି କୌଣସି ବ୍ୟକ୍ତି ଏଥିପାଇଁ ଚାପ ପକାନ୍ତି କିମ୍ବା ଶାରୀରିକ କିମ୍ବା ମାନସିକ ନିର୍ଯାତନା ଦିଅନ୍ତି, ତେବେ ତାଙ୍କୁ ଦଣ୍ଡ ଦିଆଯାଇଥାଏ।
