ନୂଆଦିଲ୍ଲୀ,୯।୬: ରବିବାର (ଜୁନ ୯) ତୃତୀୟ ଥର ପାଇଁ ନରେନ୍ଦ୍ର ମୋଦି ଦେଶର ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ମୋଦି ୩.୦ ସରକାରରେ ଅନେକ ମହିଳାଙ୍କୁ ମନ୍ତ୍ରୀ ମଧ୍ୟ କରାଯାଇଛି। ଏଥିମଧ୍ୟରୁ ନିର୍ମଳା ସୀତାରମଣ ଏବଂ ଅନ୍ନପୂର୍ଣ୍ଣା ଦେବୀ କ୍ୟାବିନେଟ ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି।
ନିର୍ମଳା ସୀତାରମଣ: ମୋଦି ସରକାର ୨.୦ ରେ ୬୪ ବର୍ଷିୟ ନିର୍ମଳା ସୀତାରମଣ ଅର୍ଥମନ୍ତ୍ରୀ ରହିଛନ୍ତି। ସେ ବର୍ତ୍ତମାନ ରାଜ୍ୟ ସଭାର ଏମପି। ଅଟଳ ବିହାରୀ ବାଜପେୟୀଙ୍କ ନେତୃତ୍ୱରେ ଏନଡିଏ ସରକାର ସମୟରେ ତାଙ୍କୁ ଜାତୀୟ ମହିଳା ଆୟୋଗରେ ମନୋନୀତ କରାଯାଇଥିଲା। ସୀତାରମଣ ୨୦୦୮ରେ ଭାଜପାରେ ଯୋଗ ଦେଇଥିଲେ ଏବଂ ପରବର୍ତ୍ତୀ ବର୍ଷ ଦଳର ମୁଖପାତ୍ର ହୋଇଥିଲେ। ୨୦୧୪ରେ ସେ ରାଜ୍ୟ ସଭା ଏମପି ହୋଇଥିଲେ। ସେ ଦେଶର ମହିଳା ପ୍ରତିରକ୍ଷା ମନ୍ତ୍ରୀ ଭାବରେ ମଧ୍ୟ କାର୍ଯ୍ୟ କରିଛନ୍ତି। ୨୦୧୯ରେ ଅର୍ଥମନ୍ତ୍ରୀ ଭାବରେ ନିର୍ମଳା ସୀତାରମଣ ପ୍ରଥମ ବଜେଟ ଉପସ୍ଥାପନ କରିଥିଲେ।
ନିର୍ମଳା ସୀତାରମଣ: ମୋଦି ସରକାର ୨.୦ ରେ ୬୪ ବର୍ଷିୟ ନିର୍ମଳା ସୀତାରମଣ ଅର୍ଥମନ୍ତ୍ରୀ ରହିଛନ୍ତି। ସେ ବର୍ତ୍ତମାନ ରାଜ୍ୟ ସଭାର ଏମପି। ଅଟଳ ବିହାରୀ ବାଜପେୟୀଙ୍କ ନେତୃତ୍ୱରେ ଏନଡିଏ ସରକାର ସମୟରେ ତାଙ୍କୁ ଜାତୀୟ ମହିଳା ଆୟୋଗରେ ମନୋନୀତ କରାଯାଇଥିଲା। ସୀତାରମଣ ୨୦୦୮ରେ ଭାଜପାରେ ଯୋଗ ଦେଇଥିଲେ ଏବଂ ପରବର୍ତ୍ତୀ ବର୍ଷ ଦଳର ମୁଖପାତ୍ର ହୋଇଥିଲେ। ୨୦୧୪ରେ ସେ ରାଜ୍ୟ ସଭା ଏମପି ହୋଇଥିଲେ। ସେ ଦେଶର ମହିଳା ପ୍ରତିରକ୍ଷା ମନ୍ତ୍ରୀ ଭାବରେ ମଧ୍ୟ କାର୍ଯ୍ୟ କରିଛନ୍ତି। ୨୦୧୯ରେ ଅର୍ଥମନ୍ତ୍ରୀ ଭାବରେ ନିର୍ମଳା ସୀତାରମଣ ପ୍ରଥମ ବଜେଟ ଉପସ୍ଥାପନ କରିଥିଲେ।
ଅନ୍ନପୂର୍ଣ୍ଣା ଦେବୀ: ୫୪ ବର୍ଷିୟ ଅନ୍ନପୂର୍ଣ୍ଣା ଦେବୀ ଝାଡ଼ଖଣ୍ଡର କୋଡରମା ସହରର ଏମପି ଏବଂ ଓବିସି ସମ୍ପ୍ରଦାୟର ଅଟନ୍ତି। ସେ ପୂର୍ବ ସରକାରରେ ରାଜ୍ୟ ଶିକ୍ଷା ମନ୍ତ୍ରୀ ଥିଲେ ଏବଂ ଦ୍ୱିତୀୟ ଥର ପାଇଁ ଲୋକ ସଭା ନିର୍ବାଚନରେ ଜିତିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଏନଡିଏ ସରକାରରେ ଅନ୍ନପୂର୍ଣ୍ଣା ଦେବୀ କେନ୍ଦ୍ର କ୍ୟାବିନେଟ ମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି।
ଅନୁପ୍ରିୟା ପଟେଲ: ଅପନା ଦଳ (ଏସ) ନେତା ଅନୁପ୍ରିୟା ପଟେଲ ମୋଦି ସରକାର ୩.୦ରେ ରାଜ୍ୟ ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ଅନୁପ୍ରିୟା ପଟେଲ କ୍ରମାଗତ ତୃତୀୟ ଥର ପାଇଁ ୟୁପିର ମିର୍ଜାପୁର ଲୋକ ସଭା ଆସନରୁ ଜିତିଛନ୍ତି। ସେ ମୋଦି ୧.୦, ୨.୦ ସରକାରରେ ମଧ୍ୟ ମନ୍ତ୍ରୀ ରହିଛନ୍ତି। ୨୦୧୪ ଲୋକ ସଭା ନିର୍ବାଚନରେ ଅନୁପ୍ରିୟା ପଟେଲଙ୍କ ଦଳ କେବଳ ଗୋଟିଏ ଆସନ ଜିତିଛି।
ସୂଚନାଯୋଗ୍ୟ, ମୋଦି ୩.୦ ରେ ଅମିତ ଶାହା, ରାଜନାଥ ସିଂ, ଜେପି ନଡ୍ଡା, ଏସ ଜୟଶଙ୍କର, ଶିବରାଜ ସିଂ ଚୌହାନ ଏବଂ ଏଚଡି କୁମାରସ୍ବାମୀ କ୍ୟାବିନେଟ ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି।
