ନୂଆଦିଲ୍ଲୀ,୨।୪ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଠ ପଢ଼ା ଡିଗ୍ରୀକୁ ନେଇ ଆମ ଆଦମୀ ପାର୍ଟି ଏବଂ ଭାଜପା ମଧ୍ୟରେ ବିବାଦ ଲାଗି ରହିଛି। ବର୍ତ୍ତମାନ ପ୍ରଧାନମନ୍ତ୍ରୀଙ୍କ ଡିଗ୍ରୀ ପ୍ରସଙ୍ଗ ଉଠାଇ ଏଏପି ନେତା ସଞ୍ଜୟ ସିଂ କହିଛନ୍ତି ଯେ ପ୍ରଧାନମନ୍ତ୍ରୀଙ୍କ ଡିଗ୍ରୀ ପ୍ରସଙ୍ଗ ସାମ୍ନାକୁ ଆସିବା ପରଠାରୁ ଭାଜପା ଚିନ୍ତାରେ ପଡ଼ିଛି। ସମସ୍ତ ନେତା ଓ ମୁଖପାତ୍ର ସେମାନଙ୍କ ପ୍ରଧାନମନ୍ତ୍ରୀଙ୍କ ନକଲି ଡିଗ୍ରୀକୁ ପ୍ରମାଣିତ କରିବାକୁ ଚେଷ୍ଟା କରୁଛନ୍ତି। ଯେଉଁ ଡିଗ୍ରୀ ସାର୍ବଜନୀନ କରାଯାଇଥିଲା ଏବଂ ସ୍ବରାଷ୍ଟ୍ରମନ୍ତ୍ରୀ ଦର୍ଶାଇଥିଲେ ତାହା ନକଲି ଥିଲା। ନିର୍ବାଚନ ଆୟୋଗ କହିଛନ୍ତି ଯଦି ତଥ୍ୟ ନକଲି ହୋଇଯାଏ, ତେବେ ସଦସ୍ୟତା ଚାଲିଯିବ, ତେବେ ସେ ପ୍ରଧାନମନ୍ତ୍ରୀ ରହିବେ ନାହିଁ କିମ୍ବା ନିର୍ବାଚନରେ ଲଢ଼ିବାକୁ ଯୋଗ୍ୟ ହେବେ ନାହିଁ।
ଏଏପି ନେତା କହିଛନ୍ତି ଏହି ଡିଗ୍ରୀକୁ ଦୃଷ୍ଟିରେ ରଖି ସ୍ବରାଷ୍ଟ୍ରମନ୍ତ୍ରୀ ଏହା ସାର୍ବଜନୀନ କରିଛନ୍ତି ଯେ ମୋଦୀ ଜି ଗୁଜରାଟରୁ ଏମଏ କରିଛନ୍ତି, ଯେଉଁଥିରେ ବିଶ୍ୱବିଦ୍ୟାଳୟ(ୟୁନିଭରସିଟି)ର ବନାନରେ ଭି ସ୍ଥାନରେ ବି ଲେଖାଯାଇଛି, ତାଙ୍କ ପାଖରେ ସେତେ ବୁଦ୍ଧି ନାହିଁ। କପି ପାଇଁ ମଧ୍ୟ ବୁଦ୍ଧି ଆବଶ୍ୟକ।
ଡିଗ୍ରୀରେ ଲେଖାଥିବା ଫଣ୍ଟ ୧୯୯୨ରେ ଆସିଥିବାବେଳେ ଡିଗ୍ରୀ ୧୯୮୩ରେ ମିଳିଥିବା କୁହାଯାଉଛି। ତୃତୀୟରେ, ପ୍ରଧାନମନ୍ତ୍ରୀ ନିଜେ ଏକ ବିବୃତ୍ତି ଦେଇଛନ୍ତି ଯେ ସେ ପଢ଼ା ଲେଖା କରିଛନ୍ତି। ଦାବି କରାଯାଇଛି ପ୍ରଧାନମନ୍ତ୍ରୀ ୧୯୭୯ ରେ ବିଏ ଏବଂ ୧୯୮୩ରେ ଏମ୍ଏ କରିଥିଲେ। ତେବେ ଆପଣ ୨୦୦୫ ରେ ଗୁଜରାଟର ମୁଖ୍ୟମନ୍ତ୍ରୀ ଥିବାବେଳେ ଆପଣ କାହିଁକି ପଢ଼ାଲେଖା କରିଥିବା ବିବୃତ୍ତି ଦେଇଛନ୍ତି, ସତ୍ୟ କ’ଣ ଜଣାନ୍ତୁ ?
