ପୁରୀ ଅଫିସ,୭ା୧୧- ହୋଟେଲରେ ଦେହ ବ୍ୟବସାୟ ଚାଲୁଥିବାବେଳେ ବଳିଆପଣ୍ଡା ପୋଲିସ ଚଢାଉ କରି ୫ ବଙ୍ଗୀୟ ଯୁବତୀଙ୍କୁ ଅଟକ ରଖିଥିବାବେଳେ ୩ ଜଣ ଯୁବକଙ୍କୁ ଗିରଫ କରି ଶନିବାର କୋର୍ଟଚାଲାଣ କରିଛି। ଏଥିସହ ଆପତ୍ତିଜନକ ସାମଗ୍ରୀ ଜବତ କରିଛି।
ପୋଲିସ ସୂଚନା ଅନୁଯାୟୀ, ବଳିଆପଣ୍ଡା ଥାନା ଅଞ୍ଚଳର ଏକ ହୋଟେଲରେ ଦେହ ବ୍ୟବସାୟ ଚାଲୁଥିବା ନେଇ ପୋଲିସ ଖବର ପାଇଥିଲା। ଶୁକ୍ରବାର ସନ୍ଧ୍ୟାରେ ପୋଲିସ ଉକ୍ତ ହୋଟେଲର ୧୦୨ ଓ ୧୦୩ ନମ୍ବର ରୁମ୍ରେ ଅଚାନକ ଚଢାଉ କରିଥିଲା। ଗୋଟିଏ କୋଠରୀରେ ଅସଂଯତ ଅବସ୍ଥାରେ ୨ ଜଣ ଯୁବତୀ ଓ ଯୁବକ ଥିବାବେଳେ ଅନ୍ୟ କୋଠରୀରେ ୩ ଜଣ ଯୁବତୀ ଥିଲେ। ଏହି ଘଟଣାରେ ପୋଲିସ ହୋଟେଲ ଲିଜ୍ରେ ନେଇଥିବା ପଶ୍ଚିମବଙ୍ଗର ସପନ ଦତ୍ତ, ନିମାପଡ଼ାର ଶୁଭନ୍ବେଷ ସ୍ବାଇଁ ଏବଂ ଜଗତ୍ସିଂହପୁର ଏରସମାର ଦେବୀପ୍ରସାଦ ମାଝୀଙ୍କୁ ଗିରଫ କରିଥିଲା। ଏ ନେଇ ଥାନାରେ ଏକ ମାମଲା (ନଂ.୧୪୨/୨୦)ରୁଜୁ ହୋଇଛି।
