ଭୁବନେଶ୍ୱର: ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆ ପ୍ରାଇଭେଟ ଲିମିଟେଡ୍ ପକ୍ଷରୁ ଓଡ଼ିଶାର ବିଭିନ୍ନ ଶିଳ୍ପ ତାଲିମ ପ୍ରତିଷ୍ଠାନ (ଆଇଟିଆଇ) ସହଯୋଗରେ ଯୁବପିଢ଼ିଙ୍କ ମଧ୍ୟରେ ଏକ ଭିନ୍ନ ଢଙ୍ଗର ସଚେତନତାର ବାର୍ତ୍ତା ବଣ୍ଟନ କରାଯାଇଛି। ହୋଣ୍ଡା ସଡ଼କ ସୁରକ୍ଷା ଇ-ଗୁରୁକୁଳର ୩ ମାସିଆ କାର୍ଯ୍ୟକ୍ରମ ଜୁଲାଇରୁ ଆରମ୍ଭ ହୋଇଥିଲା। କମ୍ପାନୀ ପକ୍ଷରୁ ଏହା ଏକ ସ୍ବତନ୍ତ୍ର ଡିଜିଟାଲ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ। ଭୁବନେଶ୍ୱର, ବାଲେଶ୍ୱର, ବଡ଼ବିଲ, ମୟୂରଭଞ୍ଜ, ଢେଙ୍କାନାଳ, ବାରିପଦା, ଯାଜପୁର, କଟକ, ଶେରଗଡ, ଫୁଲବାଣୀ, ହିଞ୍ଜିଳିକାଟୁ, ନୟାଗଡ, ଛତ୍ରପୁର ଓ ରାୟଗଡ଼ା ଭଳି ୧୪ଟି ସହରରେ ଥିବା ୧୫ଟି ଆଇଟିଆଇରେ ଏହି କାର୍ଯ୍ୟକ୍ରମର ଆୟୋଜନ କରାଯାଇଥିଲା। ପ୍ରାୟ ୨୪ଟି ଅନ୍ଲାଇନ ଅଧିବେଶନ ଜରିଆରେ ୧୫୦୦ରୁ ଊର୍ଦ୍ଧ୍ୱ ଆଇଟିଆଇ ଛାତ୍ରୀଛାତ୍ରଙ୍କୁ ପ୍ରଶିକ୍ଷଣ ପ୍ରଦାନ କରାଯାଇଥିଲା। ଏ ସମ୍ପର୍କରେ ହୋଣ୍ଡା ମୋଟରସାଇକେଲ ଆଣ୍ଡ ସ୍କୁଟର ଇଣ୍ଡିଆ ପ୍ରାଇଭେଟ ଲିମିଟେଡ୍ର ବରିଷ୍ଠ ଉପସଭାପତି,ବ୍ରାଣ୍ଡ ଆଣ୍ଡ କମ୍ୟୁନିକେଶନ ପ୍ରଭୁ ନାଗରାଜ କହିଛନ୍ତି, କୋଭିଡ୍-୧୯ର ନୂଆ ସ୍ବାଭାବିକ ସମୟରେ ଏକ ଦାୟିତ୍ୱବାନ ଗାଡି ଚାଳକ ଓ ସଡ଼କ ବ୍ୟବହାରକାରୀ ଗଠନ କରିବା ହେଉଛି ମୂଳ ଉଦ୍ଦେଶ୍ୟ।
