ଭୁବନେଶ୍ୱର,୧୯।୬ (ଅଭୟ ଦାଶ): ହୋଣ୍ଡା ମୋଟରସାଇକେଲ୍ ଆଣ୍ଡ୍ ସ୍କୁଟର ଇଣ୍ଡିଆର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ହୋଣ୍ଡା ନ୍ୟୁ ୟୁନିକର୍ଣ୍ଣର ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଛି। ଏପରିକି ଓବିଡି୨ ନିୟମ ପାଳନ କରୁଥିବା ୨୦୨୩ ୟୁନିକର୍ଣ୍ଣକୁ ନିକଟରେ ସର୍ବଭାରତୀୟ ଉନ୍ମୋଚନ କରାଯାଇଥିଲା। ଏ ସମ୍ପର୍କରେ ହୋଣ୍ଡା ମୋଟରସାଇକେଲ୍ ଆଣ୍ଡ୍ ସ୍କୁଟର ଇଣ୍ଡିଆର ସଭାପତି, ସିଇଓ ଓ ପରିଚାଳନା ନିର୍ଦ୍ଦେଶକ ସୁସୁମୁ ଓଟାନି କହିଛନ୍ତି, ୟୁନିକର୍ଣ୍ଣ ବିଗତ ଦୁଇ ଦଶନ୍ଧିର ବ୍ୟାପକ ଅନୁଭୂତିରୁ ଭାରତୀୟ ମୋଟରସାଇକେଲ୍ ଚାଳକଙ୍କ ପସନ୍ଦ ହୋଇରହିଛି। ବିଶେଷ କରି ଶକ୍ତି, ଦକ୍ଷତା ଓ ଆରାମର ମିଶ୍ରଣ ଥିବା ମଡେଲ୍ ପ୍ରଦାନ କରିବା ଲାଗି ଆମର ରହିଥିବା ପ୍ରତିବଦ୍ଧତାକୁ ଏହି ମଡେଲ୍ ସୁଦୃଢ଼ କରୁଥିବା ବେଳେ ଏହା ସଦ୍ୟତମ ନିର୍ଗମନ ନିୟମକୁ ମଧ୍ୟ ପାଳନ କରୁଛି। ଆମ ଉପରେ ଦୀର୍ଘଦିନରୁ ଭରସା ରଖିଥିବା ଗ୍ରାହକମାନଙ୍କୁ ଆମେ କୃତଜ୍ଞତା ଜଣାଉଛୁ। ସେହିଭଳି ହୋଣ୍ଡା ମୋଟରସାଇକେଲ୍ ଆଣ୍ଡ୍ ସ୍କୁଟର ଇଣ୍ଡିଆର ନିର୍ଦ୍ଦେଶକ-ବିକ୍ରି ଓ ମାର୍କେଟିଂ ଯୋଗେଶ ମାଥୁର କହିଛନ୍ତି, ଅତୁଳନୀୟ ଷ୍ଟାଇଲ, ଡିଜାଇନ, ଶକ୍ତି ଓ ଉନ୍ନତ ଏର୍ଗୋନୋମିକ୍କୁ ନେଇ ହୋଣ୍ଡା ୟୁନିକର୍ଣ୍ଣ କ୍ଷେତ୍ରରେ ନୂଆ ଧାରା ସୃଷ୍ଟି କରିଛି। ନୂଆ ଓବିଡି୨ ନିୟମ ପାଳନ କରୁଥିବା ପିଜିଏମ୍-ଏଫ୍ଆଇ ଇଞ୍ଜିନ ଏହାକୁ ଆହୁରି ଆଗକୁ ବଢ଼ାଇବା ସହ ତା’ର ଦକ୍ଷତା, ନିରବଚ୍ଛିନ୍ନ ଶକ୍ତି ପ୍ରଦାନରେ ମଧ୍ୟ ଉନ୍ନତି ଆଣିଥିବା ବେଳେ ସଦ୍ୟତମ ମାନକକୁ ମଧ୍ୟ ପୂରଣ କରୁଛି। ଉଲ୍ଲେଖଯୋଗ୍ୟ, ଓବିଡି୨ ନିୟମ ପାଳନ କରୁଥିବା ୨୦୨୩ ୟୁନିକର୍ଣ୍ଣରେ ୧୬୦ ସିସିର ପିଜିଏମ୍-ଏଫ୍ଆଇ ଇଞ୍ଜିନ ଯାହା ଉତ୍କୃଷ୍ଟ ପ୍ରଦର୍ଶନ ଓ ଦକ୍ଷତା ପ୍ରଦାନ କରୁଛି। ଏହା ସହିତ ଆରାମ ଓ ସୁବିଧା ପାଇଁ ଏଥିରେ ଆଣ୍ଟି ବ୍ରେକ୍ ସିଷ୍ଟମ, ଟ୍ୟୁବ୍ଲେସ୍ ଟାୟାର, ରିଅର ମନୋ ସକ୍, ଅଧିକ ଗ୍ରାଉଣ୍ଡ୍ କ୍ଲିୟରାନ୍ସ, ଲମ୍ବା ହ୍ବିଲ୍ ବେସ୍, ଲମ୍ବା ସିଟ୍, ସିଲ୍ ଚେନ୍ ଓ ଇଞ୍ଜିନ୍ ଷ୍ଟପ୍ ସ୍ବିଚ୍ ଆଦି ରହିଛି। ଏହାର ପାର୍ଶ୍ୱ କଭରରେ କ୍ରୋମ୍ ଷ୍ଟ୍ରୋକ୍ ଏବଂ ଟାଙ୍କିରେ ୩ଡି ହୋଣ୍ଡା ୱିଙ୍ଗ୍ ଚିହ୍ନ ବେଶ ଆକର୍ଷଣୀୟ ଦେଖାଯାଉଛି। ଏହା ଉପରେ ୧୦ବର୍ଷର ସ୍ବତନ୍ତ୍ର ୱାରେଣ୍ଟି (୩ ବର୍ଷ ସାଧାରଣ ସହିତ ୭ ବର୍ଷର ବର୍ଦ୍ଧିତ ୱାରେଣ୍ଟି ବିକଳ୍ପ) ପ୍ରଦାନ କରାଯାଉଛି। ଏପରିକି ପର୍ଲ ଇଗ୍ନିଅସ୍ ବ୍ଲାକ୍, ଇମ୍ପରିଆଲ୍ ରେଡ୍ ମେଟାଲିକ୍, ମ୍ୟାଟ୍ ଆକ୍ସିସ୍ ଗ୍ରେ ମେଟାଲିକ୍ ଓ ପର୍ଲ ସାଇରନ୍ ବ୍ଲୁ୍ ଭଳି ଚାରିଟି ରଙ୍ଗରେ ଏହା ଉପଲବ୍ଧ। ଏହାର ଏକ୍ସ ଶୋ’ରୁମ୍ ମୂଲ୍ୟ ୧,୦୯,୮୦୦ ଟଙ୍କା ରହିଛି।
