ନୂଆଦିଲ୍ଲୀ,୧୮।୮(ପି.ଟି.): କୋଭିଡ୍-୧୯ କାରଣରୁ ସମସ୍ୟାରେ ପଡିଥିବା ୬୧ଜଣ ବେରୋଜଗାର ଖେଳାଳିଙ୍କୁ ହକି ଇଣ୍ଡିଆ (ଏଚ୍ଆଇ) ଆର୍ଥିକ ସହାୟତା ପ୍ରଦାନ କରିବ ବୋଲି ଘୋଷଣା କରିଛି। ଏମାନଙ୍କ ମଧ୍ୟରେ ୩୪ଜଣ ମହିଳା ଖେଳାଳି ସାମିଲ ରହିଛନ୍ତି। ମହାମାରୀ କାରଣରୁ ଏମାନେ ଖେଳଠାରୁ ଦୂରେଇ ରହିଥିଲେ। ଆର୍ଥିକ ସହାୟତା ଦ୍ୱାରା ଏହି ଖେଳାଳିମାନେ ପୁଣି ଥରେ କ୍ରୀଡ଼ା କାର୍ଯ୍ୟକଳାପକୁ ପ୍ରତ୍ୟାବର୍ତ୍ତନ କରିବେ ହକି ଇଣ୍ଡିଆ ତରଫରୁ କୁହାଯାଇଛି।
ଯେଉଁ ଆଥଲେଟମାନେ ଚାକିରି କରି ନାହାନ୍ତି ସେମାନେ ମହାମାରୀ ଦ୍ୱାରା ସମସ୍ୟାର ସମ୍ମୁଖୀନ ହେଉଛନ୍ତି ଓ କ୍ରୀଡ଼ା କାର୍ଯ୍ୟକଳାପରେ ଭାଗ ନେଇ ପାରୁନାହାନ୍ତି। ତେଣୁ ଏହି କଷ୍ଟକର ସମୟରେ ସେମାନଙ୍କୁ ସାହଯ୍ୟ କରିବା ପାଇଁ ପ୍ରତ୍ୟେକ ଖେଳାଳିଙ୍କୁ ୧୦,୦୦୦ ଟଙ୍କା ଲେଖାଏ ସହାୟତା ପ୍ରଦାନ କରାଯିବ ବୋଲି ହକି ଇଣ୍ଡିଆ ମଧ୍ୟବର୍ତ୍ତୀକାଳୀନ ସଭାପତି ଜ୍ଞାନେନ୍ଦ୍ରୋ ନିଙ୍ଗୋମ୍ବାମ୍ କହିଛନ୍ତି। ଖେଳାଳିମାନଙ୍କୁ ମୈଳିକ ଭାବେ କିଛି ସହାଯ୍ୟ କରିବା ଉଦ୍ୟେଶରେ ଏହି ପଦକ୍ଷେପ ଗ୍ରହଣ କରାଯାଇଛି। ଏହି ୬୧ ଜଣଙ୍କ ମଧ୍ୟରେ ସିନିୟର ଓ ଜୁନିୟର ପୁରୁଷ ସମ୍ଭାବ୍ୟ, ମହିଳା ସମ୍ଭାବ୍ୟ ଖେଳାଳି ସାମଲ ରହିଛନ୍ତି। ଏମାନଙ୍କ ମଧ୍ୟରେ ୩୦ ଜୁନିୟର ମହିଳା, ୨୬ ଜୁନିୟର ପୁରୁଷ, ୪ ସିନିୟୀର ମହିଳାଓ ଜଣେ ସିନିୟର ପୁରୁଷ ଟିମ୍ କୋର ପ୍ରୋବାବଲ୍ ରହିଛନ୍ତି। ଏହି ପଦକ୍ଷେପ ଦ୍ୱାରା ଖେଳାଳିମାନେ ପୁଣି ଥରେ ସେମାନଙ୍କ କ୍ରୀଡ଼ା କାର୍ଯକଳାପ ଆରମ୍ଭ କରିପାରିବେ, ସେମାନଙ୍କ ଆତ୍ମବିଶ୍ୱାସ ବଢିପାରିବ ଓ ସେମୋନ କ୍ରୀଡ଼ାରେ ମନୋନିବେଶ କରିପାରିବେ ବୋଲି ନିଙ୍ଗୋମ୍ବାମ୍ କହିଛନ୍ତି।
