ବଡ଼ବିଲ,୨୧ା୯(ଦେବପ୍ରିୟ ରଣା): କେନ୍ଦୁଝର ଜିଲା ବଡ଼ବିଲ ଥାନା ଅନ୍ତର୍ଗତ ଭଦ୍ରସାହି- ନାଲଦା ୧୦ନମ୍ବର ରାଜ୍ୟ ରାଜ୍ୟପଥ ଦେଇ ବେପରୁଆ ଭାରିଯାନ ଚାଳନା ମାତ୍ରାଧିକ ହୋଇଛି। ଅନେକ ସମୟରେ ଭାରିଯାନଗୁଡିକ ରାସ୍ତାର ଡିଭାଇଡରକୁ ଭାଙ୍ଗି ଡେଇଁ ଯାଉଥିବା ବେଳେ ଦ୍ରୁତଗତି ଯୋଗୁ ଦୁର୍ଘଟଣାରେ ଧନଜୀବନ ନଷ୍ଟ ହେଉଥିବା ନଜିର ରହିଛି। ସେହିଭଳି ଗୁରୁବାର ସକାଳେ ଏକ ଦୁର୍ଘଟଣା ଘଟିଥିଲେ ହେଁ ଜନଜୀବନ ସୁରକ୍ଷିତ ଥିବା ଜଣାପଡ଼ିଛି। ଏକ ହାଇଓ୍ବା ଟ୍ରକ ଭଦ୍ରସାହିରୁ ବଡ଼ବିଲ ଆଡ଼କୁ ଦ୍ରୁତଗତିରେ ଆସୁଥିବା ବେଳେ ଟ୍ରକର ଟେକିଥିବା ଡାଲା ରାଜପଥର ଡିସ୍ପ୍ଲେ ବୋର୍ଡ ଟାଣିନେଇଥିଲା। ଫଳରେ ଟ୍ରକ୍ର ସମ୍ମୁଖ ଭାଗ ଉପରକୁ ଟେକି ହୋଇଯାଇଥିଲା। ଦୁର୍ଘଟଣା ଘଟାଇ ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡ଼ିଛି। ପୋଲିସ ଘଟଣାର ତଦନ୍ତ କରୁଥିବା ଜଣାପଡିଛି।
